മൂന്നാം നിലയില്‍ നിന്ന് താഴേക്ക് വീണ കുട്ടിയെ പോലീസുകാരന്‍ രക്ഷിക്കുന്ന വീഡിയോ സോഷ്യല്‍മീഡിയയില്‍ തരംഗമാകുന്നു. ഈജിപ്ത് ഇന്റീരിയര്‍ മിനിസ്റ്ററിയാണ് ഇതിന്റെ സിസിടിവി ഫൂട്ടേജ് പുറത്ത് വിട്ടിരിക്കുന്നത്. അഞ്ച് വയസുള്ള കുട്ടിയുടെ ജീവനാണ് ഉദ്യോഗസ്ഥന്‍ രക്ഷിച്ചത്. സംഭവത്തിന്റെ വീഡിയോ ഇപ്പോള്‍ നവമാധ്യമങ്ങളില്‍ വൈറലാണ്.

വീടിന്റെ മൂന്നാം നിലയിലെ ബാല്‍ക്കണിയില്‍ നിന്നാണ് അഞ്ചു വയസ്സുകാരന്‍ താഴേക്ക് വീണത്. കുട്ടി ബാല്‍ക്കണിയിലെ കമ്പിയിൽ തൂങ്ങി കിടക്കുന്നത് വഴിയാത്രക്കാരാണ് പോലീസ് ഉദ്യോഗസ്ഥനെ അറിയിച്ചത്.

സംഭവം ശ്രദ്ധയില്‍ പെട്ട ഉടന്‍ തന്നെ കുട്ടിയെ രക്ഷിക്കാനായി ഉദ്യോഗസ്ഥന്‍ എത്തുകയായിരുന്നു. ഇദ്ദേഹത്തിന് ഒപ്പമുണ്ടായിരുന്ന മറ്റൊരു ഉദ്യോഗസ്ഥന്‍ കാര്‍പ്പെറ്റുമായി രക്ഷപെടുത്താന്‍ എത്തിയപ്പോഴേക്കും കുട്ടി താഴേക്ക് വീണിരുന്നു. തുടര്‍ന്ന് ആദ്യം എത്തിയ ഉദ്യോഗസ്ഥന്‍ താഴേക്ക് വീണ കുട്ടിയെ പിടിച്ചെടുക്കുകയായിരുന്നു. ഇരുവരും നിലത്തേക്ക് വീണെങ്കിലും കാര്യമായ പരുക്കള്‍ ഒന്നും സംഭവിച്ചിട്ടില്ല. എന്നാൽ കുട്ടി എങ്ങനെയാണ് ബാല്‍ക്കണിയില്‍ വീണതെന്ന് വ്യക്തമല്ല.

വീഡിയോ കാണുക...