ഒരു മരണം ഉണ്ടായാൽ വൈകാതെ തന്നെ ആ വാർത്ത ചുറ്റുമുള്ളവരും ബന്ധുക്കളുമൊക്കെ വളരെ പെട്ടെന്ന് തന്നെ അറിയാൻ തുടങ്ങും. തുടർന്ന് എല്ലാവരുടെയും കാർമ്മികത്വത്തിൽ തന്നെ മൃതദേഹത്തിന്റെ മരണാനന്തരചടങ്ങുകൾ നടത്തുന്നതും പതിവാണ്. എന്നാൽ ബെയ്‌ജിങ്ങിൽ നടന്ന ഈ സംഭവം ആരെയും വിസ്മയിപ്പിക്കുന്നതാണ്.

ഒരു കുടുംബത്തിലെ കാരണവർ മരിച്ചു. മുൻപ് ജനസമ്മിതിയുള്ള ആളായിരുന്നുവെങ്കിലും മരിച്ചു കഴിഞ്ഞപ്പോൾ ഒരാളും ഇല്ല തിരിഞ്ഞു നോക്കാൻ. ആകെക്കൂടിയുള്ളത് അടുത്ത ബന്ധുക്കൾ മാത്രം. വീട്ടിലുള്ള ഒരാൾ ഫോണെടുത്തു ആരെയോ വിളിച്ചു. അര മണിക്കൂറിൽ രണ്ടു സുന്ദരിമാർ സ്ഥലത്തെത്തി. പിന്നെ നടന്നത് വിശ്വസിക്കാൻ കഴിയാത്ത കാര്യങ്ങളാണ്. ചടങ്ങിനെത്തിയവര്‍ കാര്യമറിയാതെ കണ്ണുതള്ളിനില്‍ക്കുന്നതിനിടെ സുന്ദരിമാര്‍ മേല്‍വസ്ത്രങ്ങള്‍ ഉരിഞ്ഞെറിഞ്ഞ് ശരീരം ഇളക്കിത്തുള്ളിച്ച്‌ നൃത്തം തുടങ്ങി. അല്പസമയം കഴിഞ്ഞതോടെ വീടും പരിസരവും ജനങ്ങളെക്കൊണ്ട് നിറഞ്ഞു. ചുരുക്കം പറഞ്ഞാൽ മൃതദേഹം കൊണ്ട് പോകാൻ പോലും ഇടമില്ലാതായി. ശേഷം അത്രയും ജനസാന്നിധ്യത്തിൽ അയാൾ മണ്ണിലേക്ക് മറഞ്ഞു.

ചൈനയിലാണ് ശവസംസ്കാര ചടങ്ങിനിടെയുള്ള നഗ്നനൃത്തം വ്യാപകമാകുന്നത്. സംസ്കാര ചടങ്ങിന് ആളുകൂടുന്നത് പരേതാത്മാവിന് ഗുണം ചെയ്യുമെന്നാണ് ഇവരുടെ വിശ്വാസം. പക്ഷേ, ജോലിത്തിരക്കും മറ്റും കാരണം അടുത്ത ബന്ധുക്കള്‍ മാത്രമാണ് മരണവീടുകളില്‍ എത്തുന്നത്. അതും അല്പസമയത്തേക്കു മാത്രം.
നേരത്തേ ഗാനമേളയും നൃത്തവുമായിരുന്നു ആളെക്കൂട്ടാനുള്ള സ്പെഷ്യല്‍ ഐറ്റങ്ങളെങ്കിൽ കുറച്ചുനാളുകള്‍ കഴിഞ്ഞപ്പോള്‍ ആളുകള്‍ക്ക് അത് മടുത്തു തുടങ്ങി. അങ്ങനെയാണ് നഗ്നനൃത്തം രംഗപ്രവേശം ചെയ്തു തുങ്ങിയത്.

കൊടുക്കുന്ന നോട്ടുകളുടെ എണ്ണമനുസരിച്ച്‌ സുന്ദരിമാരുടെ വസ്ത്രത്തിന്റെ വലിപ്പവും കുറയും. വേണമെങ്കില്‍ വിലാപയാത്രയില്‍ പങ്കെടുക്കുകയും ചെയ്യും. പക്ഷേ, വാടക കൂടുമെന്നു മാത്രം.

മരണവീടുകളില്‍ മാത്രം നഗ്നനൃത്തം നടത്തുന്ന നിരവധി ട്രൂപ്പുകള്‍ ചൈനയില്‍ പലയിടങ്ങളിലുമുണ്ട്. നര്‍ത്തകിമാരുടെ പ്രായം, ശരീരഘടന, തുണിയുടെ അളവ് എന്നിവയൊക്കെ ബുക്കുചെയ്യുന്നയാള്‍ക്ക് തീരുമാനിക്കാം. എന്നാല്‍ രാജ്യത്തിന്റെ സല്‍പ്പേരിന് കളങ്കമുണ്ടാക്കുന്നു എന്നാരോപിച്ച്‌ നര്‍ത്തകര്‍ക്കെതിരെ കര്‍ശന നടപടികള്‍ സ്വീകരിക്കാനാണ് അധികൃതരുടെ തീരുമാനം.