ഡോണള്‍ഡ് ട്രംപ് തന്റെ പ്രതിശ്രുത വരനെന്ന് ടെന്നസി സ്വദേശിയായ യുവതിയുടെ വാദം. വൈറ്റ്ഹൗസിന്റെ ബാരിക്കേഡിലേക്ക് കാര്‍ ഓടിച്ചുകയറ്റിയതിനെത്തുടര്‍ന്ന് അറസ്റ്റിലായ ജെസീക്ക ഫോര്‍ഡ് എന്ന യുവതിയാണ് കോടതിയില്‍ വിചിത്രവാദമുന്നയിച്ചത്. മുമ്പ് അനധികൃതമായി വൈറ്റ് ഹൗസിലേക്ക് കടക്കാന്‍ ശ്രമിച്ചതിന് ഇവര്‍ക്കെതിരെ മൂന്ന് കേസുകള്‍ നിലവിലുണ്ട്. വൈറ്റ് ഹൗസ് തന്റെ വീടാണെന്നും തന്റെ കുട്ടികളെ കണ്ടിട്ട് എട്ടു വര്‍ഷമായെന്നും അവരെ തിരിച്ചുവേണമെന്നും അവര്‍ വാദിച്ചു.

ഉണ്ടയില്ലാത്ത കൈത്തോക്കുമായെത്തിയ ജസീക്കയെ ഏറെ പണിപ്പെട്ടാണ് സുരക്ഷ ഉദ്യോഗസ്ഥര്‍ അറസ്റ്റ് ചെയ്തത്. ജെസീക്ക മാനോവിഭ്രാന്തിക്ക് ചികിത്സ നേടുന്നുണ്ടെന്ന് രേഖകള്‍ തെളിയിച്ചു. മുമ്ബ് വൈറ്റ് ഹൗസ് മതില്‍ ചാടിക്കടക്കാന്‍ ശ്രമിച്ച കേസില്‍ ഉള്‍പ്പെടെ ജസീക്കക്ക് തടവുശിക്ഷ വിധിച്ചുവെങ്കിലും ഒരു വര്‍ഷത്തെ നിരീക്ഷണത്തിനായി മാറ്റുകയായിരുന്നു. അടുത്ത തവണ വാദം കേള്‍ക്കുന്നതുവരെ ഫോഡിനെ ജയിലില്‍ പാര്‍പ്പിക്കാന്‍ കോടതി ഉത്തരവിട്ടു.