യൂബറിന്റെ സ്വയം നിയന്ത്രിത പരീക്ഷണ വാഹനമിടിച്ചു യുവതിക്ക് ദാരുണാദ്യം ! ; ഡ്രൈവറില്ലാ കാറുകളുടെ പരീക്ഷണങ്ങള് നിര്ത്തി വെച്ചു
യൂബറിന്റെ സ്വയം നിയന്ത്രിത പരീക്ഷണ വാഹനം ഇടിച്ച് വഴിയാത്രക്കാരി മരിച്ചു. യുഎസ് സംസ്ഥാനമായ അരിസോണയിലെ ടെംപെയിലാണ് ഇത്തരത്തിലൊരു അപകടം നടന്നത്. കൂടുതൽ അപകട സാദ്ധ്യതകൾ മുന്നില്ക്കണ്ട് ഊബര് തങ്ങളുടെ ഡ്രൈവറില്ലാ കാര് പരീക്ഷണങ്ങള് തല്ക്കാലം നിര്ത്തി വെച്ചു.
റോഡ് കുറുകെ കടക്കുന്നതിനിടെയാണ് എലെയ്ന് ഹെഴ്സ്ബര്ഗ് എന്ന 49-കാരിയെയാണ് ഓട്ടോണോമസ് മോഡിലുളള കാര് (സ്വയം നിയന്ത്രിത കാർ) വന്നിടിച്ചത്. ഞായറാഴ്ച രാത്രി പത്തുമണിയോടെയായിരുന്നു സംഭവം. എലെയ്നെ ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
സ്വയം നിയന്ത്രിത കാർ അപകടത്തില്പ്പെടുമ്പോൾ വാഹനത്തില് ഡ്രൈവറുണ്ടായിരുന്നുവെന്നു പോലീസ് പറഞ്ഞു. ഓട്ടണോമസ് കാര് ഇടിച്ചുണ്ടാകുന്ന ലോകത്തെ ആദ്യ വാഹനാപടകം കൂടിയാണിത്.
സാധാരണ കാറുകളെക്കാള് സുരക്ഷിതമെന്നാണ് സെല്ഫ് ഡ്രൈവിങ് കാറുകള് വിശേഷിപ്പിക്കപ്പെട്ടിരുന്നത്. എന്നാല്, അരിസോണയിലെ അപകടനം ആ ചിന്താഗതി മാറ്റിമറിക്കുകയാണ്.
അപകടം സംബന്ധിച്ച് പൊലീസന്വേഷണവുമായി സഹകരിക്കുമെന്നും മരിച്ച എലെയ്ന്റെ കുടുംബത്തിന് നഷ്ടപരിഹാരം നല്കുമെന്ന് ഊബര് സിഇഒ ദാര ഖോസ്രോവാഷി ട്വീറ്റ് ചെയ്തു.
അപകടത്തെത്തുടര്ന്ന് ലോകത്തിന്റെ പലഭാഗങ്ങളില് നടന്നിരുന്ന സെല്ഫ് ഡ്രൈവിങ് കാര് പരീക്ഷണങ്ങള് തല്ക്കാലത്തേക്ക് നിര്ത്തിയതായും അവര് അറിയിച്ചു. ടൊറന്റോ, സാന്ഫ്രാന്സിസ്കോ, പിറ്റ്സ്ബര്ഗ്, ടെംപെ എന്നിവിടങ്ങളിലെ പരീക്ഷണമാണ് നിര്ത്തിവച്ചത്.
https://www.facebook.com/Malayalivartha