ഹൂത്തി ആക്രമണത്തിൽ സൗദി അറേബ്യയിൽ മൂന്ന് മരണം. അബഹ വിമാനത്താവളത്തിന് നേരേയും റിയാദിലെ കിങ് ഖാലിദ് അന്താരാഷ്ട്ര വിമാനത്താവളത്തിന് നേരേയും ഉണ്ടായ ആക്രമണത്തിലാണ് മൂന്ന് മരണം റിപ്പോർട്ട് ചെയ്തത്. സൗദി സിവിൽ ഏവിയേഷൻ അതോറിറ്റി ഇക്കാര്യം സ്ഥിരീകരിച്ചു.

ചൊവ്വാഴ്ചയും ബുധനാഴ്ചയുമായാണ് രണ്ട് വിമാനത്താവളങ്ങൾക്ക് നേരേയും ഹൂത്തി ആക്രമണമുണ്ടായത്. അബഹ അന്താരാഷ്ട്ര വിമാനത്താവളത്തിന് നേരേയുണ്ടായ ആക്രമണത്തിൽ രണ്ട് സ്ത്രീകളാണ് കൊല്ലപ്പെട്ടത്. ഇവർ മൊറോക്കോ, അൾജീരിയ സ്വദേശി. 28 പേർക്ക് ആക്രമണത്തിൽ പരിക്കേറ്റു. പരിക്കേറ്റവരിൽ സൗദി പൗരന്മാരും ബം​ഗ്ലാദേശ്, ഫിലിപ്പീൻസ് പൗരന്മാരും ഉൾപ്പെടുന്നു.

റിയാദിലെ കിങ് ഖാലിദ് വിമാനത്താവളത്തിന് നേരേയുണ്ടായ ആക്രമണത്തിൽ സുഡാൻ പൗരനാണ് കൊല്ലപ്പെട്ടത്. സൗദി, ഈജിപത്, പാകിസ്ഥാൻ സ്വദേശികളായ എട്ടുപേർക്ക് പരിക്കേറ്റു.

ഹൂത്തി ആക്രമണത്തിൽ വിമാനത്താവളങ്ങൾക്ക് കേടുപാട് സംഭവിച്ചിട്ടുണ്ട്. നാശനഷ്ടങ്ങൾ വിലയിരുത്തുന്നതിനും യാത്രക്കാരുടെയും വിമാനത്താവള ജീവനക്കാരുടെയും സുരക്ഷ ഉറപ്പുവരുത്തുന്നതിനും ബന്ധപ്പെട്ട ഏജൻസികളുമായി സഹകരിച്ചുവരികയാണെന്നും ജനറൽ അതോറിറ്റി ഓഫ് സിവിൽ ഏവിയേഷൻ അറിയിച്ചു.
സൗദി-ഹൂത്തി സംഘർഷം കനക്കുന്നതിനിടെ, സൗദിയിൽ വിമാനത്താവളങ്ങളെയും ഓയിൽ റിഫൈനറികളും ആക്രമിച്ച് ഹൂത്തികൾ. ജസാൻ, നജ്റാൻ വിമാനത്താവളങ്ങളെ ഹൂത്തികൾ ആക്രമിച്ചു. മൂന്ന് പേർക്ക് പരിക്കേറ്റു. അതേസമയം, ഹൂത്തികളിൽ നിന്ന് സുപ്രധാന പ്രദേശങ്ങൾ തിരിച്ചു പിടിക്കാനുള്ള കനത്ത പോരാട്ടം തുടരുകയാണ്. ഹോർമൂസിൽ കപ്പലിന് നേരെയുള്ള ആക്രമണത്തിൽ 11 ഇന്ത്യക്കാർ പരിക്കേറ്റു. കഴിഞ്ഞ ദിവസം വലിയ തിരിച്ചടി നേരിട്ട ഹൂത്തികൾ, വലിയ അവകാശ വാദങ്ങളാണ് ഉന്നയിക്കുന്നത്. പ്രത്യാക്രമണത്തിൽ 200 പേർ കൊല്ലപ്പെട്ടെന്നും റിയാദിലെ കിങ് ഖാലദ് എയർപോർട്ട്, അരാംകോ റിഫൈനറി, അബഹ വിമാനത്താവളം എന്നിവ ആക്രമിച്ചെന്നുമാണ് അവകാശപ്പെട്ടത്.

എന്നാൽ ജസാൻ, നജ്റാൻ വിമാനത്താവളങ്ങൾക്ക് നേരെയുള്ള ആക്രമമണാണ് സൗദി സ്ഥിരീകരിച്ചത്. സൗദിക്കൊപ്പം ഹൂത്തികൾക്കൊപ്പം പാകിസ്ഥാനും തുർക്കിയും കൂടി രംഗത്തിറങ്ങിയതോടെ മക്കാ കരാറിന്റെ ഭാഗമായുള്ള ആദ്യ സൈനിക നടപടിയായി ഇത് മാറി. ഇന്നലെ ചേർന്ന അടിയന്തര യോഗത്തിലാണ് സൗദിക്കൊപ്പം രംഗത്തിറങ്ങാൻ പാക്കിസ്ഥാനും തുർക്കിയും തീരുമാനിച്ചത്. അതേസമയം , യെമനിൽ ഹൂത്തികളുടെ പക്കൽ നിന്ന് അൽ മോഖ തുറമുഖ നഗരം തിരിച്ചു പിടിക്കാനുള്ള കനത്ത പോരാട്ടം തുടരുന്നു.

ബാബ് അൽ മന്ദബിൽ പ്രധാന മേഖലകൾ പിടിച്ച സംയുക്ത സേന കൂടുതൽ ഇടങ്ങളിലേക്ക് മുന്നേറുന്നു. ചെങ്കടലിൽ കപ്പൽ പാതയ്ക്ക് നേരെ ആക്രമണം നടത്താനുള്ള ഹൂത്തി നീക്കം തടഞ്ഞെന്ന് സൗദി അറിയിച്ചു. ഇതിനിടെയാണ്, ഹോർമൂസിൽ ഒമാൻ തീരത്ത് ആക്രമിക്കപ്പെട്ട കപ്പലിലെ 11 ഇന്ത്യൻ ജീവനക്കാർക്ക് പരിക്കേറ്റ കാര്യം ഇന്ത്യ സ്ഥിരീകരിച്ചത്. 19 പേരിൽ 17 ജീവനക്കാരും ഇന്ത്യക്കാരാണ്. ഇതിൽ 12 പേർക്കാണ് ആകെ പരിക്കേറ്റത്. മനാമ പതാക വഹിക്കുന്ന കപ്പലാണിത്. ആക്രമണത്തെ ഇന്ത്യ അപലപിച്ചു.