ഓണത്തിന് അവധിയില്ലാതെ 24 മണിക്കൂറും സജീവമായി ആരോഗ്യ വകുപ്പ് മന്ത്രിയുടെ ഓഫീസ്
ആരോഗ്യ വകുപ്പിലെ ആയിരക്കണക്കിന് ജീവനക്കാരാണ് വിശ്രമമില്ലാതെ ക്യാമ്പുകളില് സേവനമനുഷ്ഠിക്കുന്നത്. അവരുടെ പ്രവര്ത്തനങ്ങള് ഏകോപിപ്പിക്കുന്നതിനാണ് മന്ത്രിയുടെ ഓഫീസ് ജീവനക്കാരും അവധിയില്ലാതെ പ്രവര്ത്തിക്കുന്നത്.
ആരോഗ്യ വകുപ്പിന്റെ സംസ്ഥാനത്തെ മുഴുവന് പ്രവര്ത്തനങ്ങളും ഏകോപിപ്പിക്കുന്നതിനായി മന്ത്രിയുടെ ഓഫീസില് 24 മണിക്കൂറും പ്രവര്ത്തിക്കുന്ന പ്രത്യേക കണ്ട്രോള് റൂമും പ്രവര്ത്തിച്ചു വരുന്നു. പ്രളയ ദുരന്തത്തെ നേരിടാന് ആരോഗ്യ വകുപ്പ് നടത്തുന്ന ശക്തമായ ഇടപെടലുകള് ഫലപ്രദമാക്കാന് വേണ്ടിയാണ് കണ്ട്രോള് റൂം പ്രവര്ത്തിക്കുന്നത്. വിവിധ ക്യാമ്പുകളിലുണ്ടാകുന്ന പ്രശ്നങ്ങള്, ജീവനക്കാരുടെ കുറവ്, മരുന്നുകളുടെ കുറവ്, പകര്ച്ച വ്യാധികളുടെ സൂചന എന്നിവ കണ്ട്രോള് റൂമില് വിളിച്ചറിയിക്കാവുന്നതാണ്. ഇതനുസരിച്ച് നടപടികളെടുക്കാന് ആരോഗ്യ വകുപ്പിലെ ഉദ്യോഗസ്ഥര്ക്ക് നിര്ദേശം നല്കുന്നു. ദിവസവും നിരവധി കോളുകളാണ് വിവിധ സേവനങ്ങള്ക്കായി വിളിക്കുന്നത്. 1800 425 1077 എന്നതാണ് കണ്ട്രോള് റൂം നമ്പര്.
Attachments area
https://www.facebook.com/Malayalivartha