സിപിഐ സംസ്ഥാന എക്‌സിക്യൂട്ടീവ് യോഗം ഇന്ന് തിരുവനന്തപുരത്ത് ചേരും. യോഗത്തിൽ , കേരളം പ്രളയ കെടുതിയിൽ ആയിരുന്ന സമയം വനം മന്ത്രി കെ രാജു നടത്തിയ വിദേശ യാത്രയെ സംബന്ധിച്ച വിവാദം ചര്‍ച്ചയാകും. കേരളം ദുരന്തമുഖത്ത് നില്‍ക്കുമ്പോള്‍ വിവേചന ബുദ്ധിയോടെ പ്രവര്‍ത്തിക്കാന്‍ മന്ത്രിക്ക് കഴിഞ്ഞില്ലെന്ന വിമര്‍ശനം സി.പി.ഐ നേതൃത്വത്തില്‍ ശക്തമാണ്.

കോട്ടയത്ത് സ്വാതന്ത്ര്യദിന പരേഡില്‍ പങ്കെടുത്ത ശേഷമാണ് താന്‍ ജര്‍മ്മനിക്ക് പോയതെന്നും ആ സമയം കേരളത്തിൽ വലിയതോതില്‍ പ്രകൃതിക്ഷോഭം ഉണ്ടായിരുന്നില്ല. ജര്‍മ്മനിയില്‍ ചെന്ന ശേഷമാണ് പ്രളയത്തെക്കുറിച്ച് വിവരം ലഭിച്ചത്. അപ്പോള്‍ തന്നെ മടങ്ങാനുള്ള ശ്രമം തുടങ്ങിയെന്നും രാജു വിശദീകരിച്ചു. അതേസമയം മന്ത്രിക്കെതിരെ കടുത്ത നടപടി ഉണ്ടാകാൻ സാധ്യത ഇല്ലെന്നാണ് ലഭിക്കുന്ന സൂചന.