പുതിയ കേരളം സൃഷ്ടിക്കാന്‍ മുഖ്യമന്ത്രി പിണറായി വിജയന്‍ മുന്നോട്ടുവെച്ച 'സാലറി ചലഞ്ച്' എന്ന ആശയം സാക്ഷരതാ മിഷനും ഏറ്റെടുത്തു. സാക്ഷരതാ മിഷന്‍ ഡ!യറക്ടറും മുഴുവന്‍ ജീവനക്കാരും ഒരു മാസത്തെ വേതനം മുഖ്യമന്ത്രിയുടെ ദുരിതാശ്വാസനിധിയിലേക്ക് നല്‍കാന്‍ തീരുമാനിച്ചു. സാക്ഷരതാ മിഷനിലെ 104 ജീവനക്കാരാണ് ശമ്പളം നല്‍കുന്നത്.

മുഖ്യമന്ത്രിയുടെ സാലറി ചലഞ്ചിന് വന്‍ സ്വീകാര്യതയാണ് ലഭിക്കുന്നത്. ഭരണ, പ്രതിപക്ഷ എംഎല്‍മാരും ഉദ്യോഗസ്ഥരും നിരവധി സംഘടനകളും ഇതിനകം തന്നെ മുഖ്യമന്ത്രിയുടെ അഭ്യര്‍ഥനയോട് പ്രതികരിച്ച് ഒരു മാസം ശമ്പളം നല്‍കുമെന്ന് അറിയിച്ചിട്ടുണ്ട്. മലയാളികള്‍ ഒരു മാസത്തെ ശന്പളം സംഭാവന നല്‍കിയാല്‍ പ്രളയക്കെടുതിയില്‍നിന്നു കേരളം കരകയറുമെന്ന് മുഖ്യമന്ത്രി ഞായറാഴ്ചയാണ് വ്യക്തമാക്കിയത്.