പോലീസ് ക്വാര്ട്ടേഴ്സില് അനാശാസ്യം...സിവില് പോലീസ് ഓഫീസര് അറസ്റ്റില്
പോലീസ് ക്വാര്ട്ടേഴ്സില് അനാശാസ്യം നടത്തിയ സിവില് പോലീസ് ഓഫീസര് അറസ്റ്റില്. ക്വാര്ട്ടേഴ്സിലെ മറ്റ് താമസക്കാര് ഡിവൈഎസ്പിയെ വിവരം അറിയിക്കുകയായിരുന്നു. ഡിവൈഎസ്പി നടത്തിയ പരിശോധനയിലാണ് ഓഫീസര് അറസ്റ്റിലായത്. ക്വാര്ട്ടേഴ്സിലേയ്ക്ക് ഒന്നിനു പുറകെ മറ്റൊന്നായി സ്ത്രീകളുടെ വരവ് ശ്രദ്ധയില്പ്പെട്ടതിനെ തുടര്ന്ന് നടത്തിയ അന്വേഷണത്തിലാണ് ഓഫീസര് അനാശാസ്യ പ്രവര്ത്തനങ്ങളില് ഏര്പ്പെട്ടിരുന്നു എന്ന് കണ്ടെത്തിയത്.
ജില്ലയുടെ വടക്കുഭാഗത്തുള്ള ഒരു സ്റ്റേഷനില് ജോലി നോക്കുന്ന കരുനാഗപ്പള്ളിക്കാരനാണ് പിടിയിലായത്. അനാശാസ്യത്തിനു പുറമെ മദ്യപാനം സംബന്ധിച്ചും പരാതി ഉയര്ന്നിരുന്നു. സംഭവം ശ്രദ്ധയില്പ്പെട്ടവര് ഇതു സംബന്ധിച്ചുമുള്ള ഡിവൈഎസ്പിയുടെ റിപ്പോര്ട്ട് ജില്ല പോലീസ് മേധാവിക്ക് കൈമാറും. കായംകുളത്ത് ജോലി ചെയ്യുന്നതിനിടെയാണ് പോലീസുകാരന് ക്വാര്േട്ടഴ്സ് താമസമാക്കിയത്. ജില്ലയിലെ ഉദ്യോഗസ്ഥനെന്ന നിലയില് ക്വാര്ട്ടേഴ്സില് തുടരുകയായിരുന്നു.
https://www.facebook.com/Malayalivartha