അന്താരാഷ്ട്ര ചലച്ചിത്ര മേള പൂര്‍ണ്ണമായും തള്ളിക്കളഞ്ഞിട്ടില്ല; അന്തിമ തീരുമാനം മുഖ്യമന്ത്രിയുടേതെന്ന് മന്ത്രി എ കെ ബാലന്‍
അന്താരാഷ്ട്ര ചലച്ചിത്ര മേള പൂര്‍ണ്ണമായും തള്ളിക്കളഞ്ഞിട്ടില്ലെന്ന് മന്ത്രി എ കെ ബാലന്‍. കേരളത്തിലുണ്ടായ പ്രളയക്കെടുതി കണക്കിലെടുത്താണ് സര്‍ക്കാരിന്റെ ചിലവില്‍ വരുന്ന ആഘോഷപരിപാടികള്‍ നടത്തില്ലെന്ന് തീരുമാനിച്ചത്. എന്നാല്‍ സ്‌കൂള്‍ കലോത്സവും അന്താരാഷ്ട്ര ചലച്ചിത്ര മേളയും നടത്തില്ല എന്ന തീരുമാനത്തിനെതിരെ നിരവധി വിമര്‍ശനങ്ങളാണ് ഉണ്ടായത്. ഈ സാഹചര്യം കണക്കിലെടുത്ത് ചലച്ചിത്ര മേള ചിലവ് ചുരുക്കി നടത്താന്‍ ചലച്ചിത്ര അക്കാദമി ശുപാര്‍ശ നല്‍കിയതായും മന്ത്രി എ കെ ബാലന്‍ അറിയിച്ചു. ഇത് സംബന്ധിച്ച്‌ അന്തിമ തീരുമാനം മുഖ്യമന്ത്രി പിണറായി വിജയന്‍റെതാണെന്നും എ കെ ബാലന്‍ പറഞ്ഞു. കഴിഞ്ഞ വര്‍ഷം ചലച്ചിത്ര മേള നടത്തിയതിന്റെ പകുതി തുകയ്ക്കാകും അനുമതി കിട്ടിയാല്‍ ഇത്തവണ മേള നടത്തുക. മേളയുടെ നടത്തിപ്പിനായി കൂടുതലായും സര്‍ക്കാരിനെ ആശ്രയിക്കാതെ ഡെലിഗേറ്റ് പാസുകളുടെ തുക വര്‍ദ്ധിപ്പിക്കാനും പദ്ധതിയുണ്ട് എ കെ ബാലന്‍ പ്രതികരിച്ചു.
https://www.facebook.com/Malayalivartha
