കന്യാസ്ത്രീകളുടെ സഹന സമരം വിജയം കണ്ടത് നീതിയ്ക്കായി പൊരുതുന്ന മറ്റ് സ്ത്രീകള്ക്ക് പ്രചോദനകരമാകും; സമരം ചെയ്ത കന്യാസ്ത്രീകളെ അഭിനന്ദിച്ച് ആരോഗ്യമന്ത്രി കെകെ ശൈലജ
ജലന്ധര് ബിഷപ്പിനെതിരായ സമരം നയിച്ച കന്യാസ്ത്രീ സമൂഹത്തെ അഭിനന്ദിച്ച് ആരോഗ്യമന്ത്രി കെകെ ശൈലജ. കന്യാസ്ത്രീകളുടെ സഹന സമരം വിജയം കണ്ടത് നീതിയ്ക്കായി പൊരുതുന്ന മറ്റ് സ്ത്രീകള്ക്ക് പ്രചോദനകരമാകുമെന്നും, സ്ത്രീപീഡകര്ക്കെതിരെ സര്ക്കാര് കടുത്ത നടപടി സ്വീകരിക്കുമെന്നതിനുള്ള തെളിവാണ് ഫ്രാങ്കോ മുളയ്ക്കലിന്റെ അറസ്റ്റിലൂടെ വ്യക്തമാവുന്നതെന്നും മന്ത്രി പറഞ്ഞു.
'സത്യസന്ധവും കാര്യക്ഷമവുമായ അന്വേഷണത്തിലൂടെ ഫ്രാങ്കോ മുളയ്ക്കലിനെ കേരള പൊലീസ് നിയമത്തിന് മുന്നില് എത്തിച്ചിരിക്കുക്കുകയാണ്. സ്ത്രീപീഡകര്ക്ക് എതിരെ സര്ക്കാര് കടുത്ത നടപടി സ്വീകരിക്കുമെന്നതിനുള്ള തെളിവാണ് ഈ അറസ്റ്റിലൂടെ വ്യക്തമാവുന്നത്. എത്ര ഉന്നതനായാലും കുറ്റം ചെയ്തിട്ടുണ്ടെങ്കില് അവരെ നിയമത്തിന് മുന്നില് കൊണ്ടു വരിക തന്നെ ചെയ്യും.
കാലപ്പഴക്കമുള്ള കേസായിട്ടുകൂടി കൃത്യമായ തെളിവുകള് ശേഖരിച്ചു കൊണ്ടിരിക്കുകയാണ് പൊലീസ്. കന്യാസ്ത്രീകളുടെ സഹന സമരം വിജയം കണ്ടത് ഇതുപോലെ നീതിയ്ക്കായി പൊരുതുന്ന മറ്റ് സ്ത്രീകള്ക്ക് പ്രചോദനകരമാകും. സ്ത്രീകളുടെ നീതിയ്ക്കായി സമരം നയിച്ച കന്യാസ്ത്രീ സമൂഹത്തിന് അഭിവാദ്യങ്ങള്,' ശൈലജ ടീച്ചര് കൂട്ടിച്ചേര്ത്തു.
https://www.facebook.com/Malayalivartha