സര്ക്കാര് വകുപ്പുകളില് പുതിയ കാറുകള് വാങ്ങുന്നതിന് പകരം അഞ്ച് വര്ഷത്തേക്ക് വാടകക്കെടുക്കാന് ധനവകുപ്പ് നിര്ദേശം
സര്ക്കാര് വകുപ്പുകളില് പുതിയ കാറുകള് വാങ്ങുന്നതിന് പകരം അഞ്ച് വര്ഷത്തേക്ക് വാടകക്കെടുക്കാന് ധനവകുപ്പിന്റെ നിര്ദേശം. ചെലവുകുറയ്ക്കല് നടപടികള് സംബന്ധിച്ച് കഴിഞ്ഞ ബജറ്റിലെ ധനമന്ത്രിയുടെ പ്രഖ്യാപനത്തിന്റെ തുടര്ച്ചയാണിത്. വകുപ്പുതലവന്മാര്, കലക്ടര്, എസ്.പി, ജില്ല ജഡ്ജി എന്നിവരോ അതിന് മുകളിലുള്ള തസ്തികയിലോ ഉള്ള ഓഫിസര്മാര്ക്ക് മാരുതി സിയാസ്, ഹോണ്ട സിറ്റി, ടാറ്റ നെക്സണ് പോലെ പ്രീമിയം കാറുകള് വാടകക്കെടുക്കാം. മറ്റെല്ലാ ഓഫിസുകള്ക്കും ഓഫിസര്മാര്ക്കും മഹീന്ദ്ര ബൊലേറോ, മാരുതി സുസുക്കി സ്വിഫ്റ്റ് ഡിസയര്, ഹോണ്ട അമേസ്, ടാറ്റ ഇന്ഡിഗോ പോലെയുള്ള വാഹനങ്ങള് വാടകക്കെടുക്കാനാണ് അനുമതി. കഴിഞ്ഞദിവസം ധനവകുപ്പ് ഇത് സംബന്ധിച്ച ഉത്തരവിറക്കി.
ബജറ്റ് പ്രഖ്യാപനത്തിന് ശേഷവും സര്ക്കാര് വിലകൂടിയ കാറുകള് വ്യാപകമായി വാങ്ങിയിരുന്നു. മന്ത്രിമാര്ക്കും ചില കോര്പറേഷനുകളുടെയും കമീഷന്റെയും മേധാവികള്ക്ക് വേണ്ടിയും കാറുകള് വാങ്ങിക്കൂട്ടിയിരുന്നു. ചില ഉദ്യോഗസ്ഥര് കാറുകള് മോടിപിടിപ്പിക്കാന് ടെന്ഡര് വിളിക്കുന്ന സ്ഥിതിപോലും ഉണ്ടായി. വാഹനചെലവ് കുത്തനെ കുറക്കുകയാണ് ഇപ്പോള് സര്ക്കാര് ലക്ഷ്യം.
പ്രളയത്തിന്റെ സാഹചര്യത്തില് കൂടിയാണ് വാഹനം വാങ്ങുന്നത് നിയന്ത്രിച്ച് ധനവകുപ്പ് ഉത്തരവിറങ്ങിയത്. വകുപ്പുകളും സ്ഥാപനങ്ങളും വാഹനം വാടകക്കെടുക്കാന് ധനവകുപ്പിന്റെ അനുമതി വേണമെന്ന് ഉത്തരവില് പറയുന്നു. െ്രെഡവറുടെ തസ്തിക അനുവദിക്കാത്ത ഓഫിസുകളിലേക്ക് പുതിയ വാഹനം വാങ്ങാന് പാടില്ല. വാഹനം വേണമെങ്കില് ധനവകുപ്പ് അനുമതി തേടണം. െ്രെഡവറുടെ തസ്തികയുള്ള വകുപ്പുകളിലും സ്ഥാപനങ്ങളിലും പഴയ വാഹനം ഒഴിവാക്കുകയോ മാറ്റുകയോ വേണമെങ്കില് അതും ധനവകുപ്പിനെ അറിയിക്കണം. പഴയ വാഹനം കണ്ടം ചെയ്താല് മാത്രമേ പുതിയത് വാങ്ങാന് പാടുള്ളൂ.
അഞ്ച് വര്ഷത്തേക്ക് വാടകക്ക് എടുക്കുന്ന വാഹനം വേറെ ഉപയോഗിച്ചിട്ടില്ലാത്തതും മാസവാടക അടിസ്ഥാനത്തിലുമാകണം. വാഹനം ലഭ്യമാക്കുന്നവര് ഡ്രൈവറെ നല്കുകയും ഇന്ധനം, അറ്റകുറ്റപ്പണി എന്നിവ വഹിക്കുകയും വേണം. കിലോമീറ്റര് നിരക്കിലും മണിക്കൂര് അടിസ്ഥാനത്തിലും വേണം വാടക കണക്കാക്കാന്. വാഹനം വാടകക്ക് എടുക്കുന്നത് സുതാര്യമായിരിക്കണം. പ്രാദേശിക പത്രങ്ങളിലടക്കം രണ്ടാഴ്ചക്ക് മുമ്പ് അറിയിപ്പ് നല്കുകയും വേണം.
"
https://www.facebook.com/Malayalivartha
