ബിഷപ്പ് പാലാ സബ് ജയിലില് അന്തിയുറങ്ങും, മിനിമം മൂന്ന് ദിവസമെങ്കിലും കഴിഞ്ഞേ പുറത്തിറങ്ങാനാകൂ, ബലാല്സംഗത്തിന്റെ ഗൂഢാലോചനയില് പങ്കാളിയായ ദിലീപിന് 84 ദിവസം കഴിഞ്ഞാണ് ജാമ്യം കിട്ടിയത്, അപ്പോള് 13 തവണ ബലാല്സംഗം ചെയ്ത ബിഷപ്പിന്റെ കാര്യം പറയണോ?
ബലാല്സംഗക്കേസില് റിമാന്ഡിലായ ജലന്ദര് ബിഷപ്പ് ഫ്രാങ്കോ മുളയ്ക്കലിലെ പാലാ സബ്ജയിലില് അടച്ചു. അവിടുത്തെ 47ാം തടവുകാരനാണ് ബിഷപ്പ്. ബി ക്ലാസ് ജയിലാണിത്. ഇവിടെ ഏഴ് സെല്ലാണുള്ളത്. ഒരു സെല്ല് വീഡിയോ കോണ്ഫറന്സിനായി മാറ്റിവെച്ചതിനാല് ആറ് സെല്ലുകളിലാണ് പ്രതികളെ പാര്പ്പിച്ചിരിക്കുന്നത്. അതില് ഏതിലാണ് ബിഷപ്പിനെ പാര്പ്പിക്കുക എന്നത് റിമാന്ഡ് റിപ്പോര്ട്ട് കിട്ടിയ ശേഷം ജയില് സൂപ്രണ്ട് തീരുമാനിക്കും. 48 മണിക്കൂറത്തെ പൊലീസ് കസ്റ്റഡിക്ക് ശേഷം ഇന്ന് ഉച്ചയോടെയാണ് ബിഷപ്പിനെ പാലാ കോടതിയില് ഹാജരാക്കിയത്. അറസ്റ്റിന് ശേഷവും പൊലീസ് ക്ലബിലെ എ.സി മുറിയില് കഴിഞ്ഞ ബിഷപ്പ് കുറഞ്ഞത് മൂന്ന് ദിവസമെങ്കിലും ജയിലില് കഴിയേണ്ടിവരും. കാരണം വ്യാഴാഴ്ചയാണ് ബിഷപ്പിന്റെ ജാമ്യാപേക്ഷ ഹൈക്കോടതി പരിഗണിക്കുന്നത്.
വ്യാഴാഴ്ച ജാമ്യം ലഭിച്ചില്ലെങ്കില് ഒരു പക്ഷെ, രണ്ടാഴ്ച തടവറയില് തങ്ങേണ്ടിവരും. സാധാരണ ബലാല്സംഗക്കേസില് കോടതി പെട്ടെന്ന് ജാമ്യം നല്കാറില്ല. നടിയെ ആക്രമിച്ച കേസില് ഗൂഢാലോചനയുടെ പേരില് അറസ്റ്റ് ചെയ്ത ദിലീപിനെ 84 ദിവങ്ങള്ക്ക് ശേഷം അഞ്ചാംതവണ അപേക്ഷ നല്കിയപ്പോഴാണ് ജാമ്യത്തില് വിട്ടത്. അതും മുന്പ് ക്രിമിനല് പശ്ചാത്തലം ഇല്ലാത്തതിനാല്. എന്നാല് ബിഷപ്പ് നേരിട്ട് കൃത്യത്തില് പങ്കെടുത്തതിനാല് ജാമ്യംകിട്ടുക പ്രയാസമാണ്. കാരണം പ്രകൃതിവിരുദ്ധ പീഡനം, ഒരേ സ്ത്രീയെ തന്നെ ആവര്ത്തിച്ച് പീഡിപ്പിക്കല്, അന്യായമായി തടഞ്ഞ് വെക്കല്, ഭീഷണിപ്പെടുത്തല് തുടങ്ങിയ വകുപ്പുകളാണ് ബിഷപ്പിനെതിരെ ചുമത്തിയിരിക്കുന്നത്.
മാത്രമല്ല സാക്ഷികളെ സ്വാധീനിക്കാനും തെളിവുകള് നശിപ്പിക്കാനും ബിഷപ്പ് ശ്രമിച്ചെന്ന് പൊലീസ് കോടതിയില് നല്കിയ റിമാന്ഡ് റിപ്പോര്ട്ടില് വ്യക്തമാക്കുന്നുണ്ട്. ബിഷപ്പിന്റെ ലാപ്ടോപ്പ്, വസ്ത്രങ്ങള് എന്നിവ കണ്ടെടുക്കാനുമുണ്ട്. മാത്രമല്ല പുറത്തിറങ്ങിയാല് തെളിവുകള് നശിപ്പിക്കാനും സാക്ഷികളെ സ്വാധീനിക്കാനും ബിഷപ്പ് ശ്രമിക്കുമെന്നും പൊലീസ് കോടതിയെ അറിയിച്ചിട്ടുണ്ട്.
https://www.facebook.com/Malayalivartha
