സോഷ്യല് മീഡിയയിലൂടെ അപകീര്ത്തിപ്പെടുത്തിയെന്ന് സിസ്റ്റര് ലൂസിയുടെ പരാതി: അവരോട് ക്ഷമിച്ചു കൂടേയെന്ന് പൊലീസ്
സിസ്റ്റര് ലൂസി വാര്ത്തകളില് നിറയുന്നു. സോഷ്യല് മീഡിയയിലൂടെ അപകീര്ത്തിപ്പെടുത്തിയെന്ന് ചുണ്ടിക്കാട്ടി പരാതിയുമായി ചെന്ന തന്നെ പൊലീസ് അവഗണിച്ചതായി കന്യാസ്ത്രീമാരുടെ സമരത്തിന് പിന്തുണ നല്കിയ സിസ്റ്റര് ലൂസി കളപ്പുര. മാനന്തവാടി പൊലീസ് സ്റ്റേഷനില് പരാതിയുമായി ചെന്ന തന്നോട് അവരോട് ക്ഷമിക്കാനാണ് പൊലീസ് പറഞ്ഞതെന്നും സിസ്റ്റര് പറഞ്ഞു.
പരാതിയുമായി ചെന്ന തന്നോടുള്ള പൊലീസുകാരുടെ പെരുമാറ്റം വളരെ വേദനപ്പെടുത്തി. കളിയാക്കുന്ന തരത്തിലായിരുന്നു അവരുടെ സംസാരം. സോഷ്യല് മീഡിയയിലൂടെ അപകീര്ത്തിപ്പെടുത്തിയെന്ന് പരാതി പറഞ്ഞപ്പോല് സിസ്റ്റര് ഒരു സിസ്റ്ററല്ലേ അവരോട് ക്ഷമിച്ചൂടെ എന്നാണ് പൊലീസ് പറഞ്ഞതെന്നും സിസ്റ്റര് ലൂസി പറഞ്ഞു.
സഭയ്ക്കകത്തു നിന്ന് പിന്തുണയില്ലാത ഇത്തരത്തില് അപകീര്ത്തിപ്പെടുത്താനാവില്ലെന്ന് സിസ്റ്റര് പറഞ്ഞു. രണ്ട് വ്യാജ പ്രൊഫൈലുകളില് നിന്നായാണ് തനിക്കെതിരെ മോശമായ പരാമര്ശങ്ങളുണ്ടായതെന്നും ഇവര് പറയുന്നു. കന്യാസ്ത്രീകളുടെ സമരത്തെ പിന്തുണച്ചതിന് സഭയ്ക്കുള്ളില് നിന്ന് കടുത്ത വിമര്ശനങ്ങളാണ് സിസ്റ്ററിന് നേരിടേണ്ടി വന്നത്. തുടര്ന്ന് സഭാ നടപടികളില് നിന്ന് ഇവരെ ഇടവക വിലക്കിയിരുന്നു. ഇതില് പ്രതിഷേധമുയര്ന്നപ്പോല് വിലക്ക് ഇടവ വികാരി പിന്വലിക്കുകയും ചെയ്തു.
"
https://www.facebook.com/Malayalivartha
