കേരളത്തിന്റെ സ്വപ്ന പദ്ധതിയായ കണ്ണൂര് വിമാനത്താവളത്തിന് വ്യോമയാനമന്ത്രാലയത്തിന്റെ പച്ചക്കൊടി, ലൈന്സന്സ് അനുവദിക്കാനുള്ള നടപടികള് വേഗത്തിലാക്കുമെന്ന് അധികൃതര്, രാത്രിയും പരീക്ഷണപറക്കല് നടത്തും
കേരളത്തിന്റെ സ്വപ്ന പദ്ധതിയായ കണ്ണൂര് വിമാനത്താവളത്തിന് വ്യോമയാനമന്ത്രാലയത്തിന്റെ പച്ചക്കൊടി. വിമാനത്താവളത്തിന് ലൈസന്സ് അനുവദിക്കുന്ന നടപടികളുടെ ഭാഗമായി നടത്തിയ അവലോകനയോഗത്തില് വിമാനത്താവളത്തിന്റെ സംവിധാനങ്ങള് മികച്ചതാണെന്ന് കേന്ദ്ര ഉദ്യോഗസ്ഥര് അഭിപ്രായപ്പെട്ടു. വിമാനത്താവളത്തില് രണ്ടു ദിവസം നടത്തിയ വിദഗ്ധപരിശോധന തൃപ്തികരമായിരുന്നുവെന്ന് ഡയറക്ടര് ജനറല് ഓഫ് സിവില് ഏവിയേഷനിലെ ഉദ്യോഗസ്ഥര് അറിയിക്കുകയായിരുന്നു. സെപ്റ്റംബര് 13ന് ചേര്ന്ന അവലോകന യോഗത്തിന് ശേഷം നടന്ന പ്രവൃത്തികളാണ് അവലോകനം ചെയ്തത്. ലൈസന്സ് അനുവദിക്കാനുള്ള നടപടികള് വേഗത്തിലാക്കുമെന്നും അധികൃതര് ഉറപ്പുനല്കി.
സിഗ്നല് സംവിധാനം ഉറപ്പുവരുത്തുന്നതിനായി യാത്രാവിമാനമുപയോഗിച്ച് രാത്രിയും പരീക്ഷണപറക്കല് നടത്തുമെന്ന് അധികൃതര് അറിയിച്ചു. ഇതിനായി എയര്ഇന്ത്യയുടെ വിമാനം ഈ മാസംതന്നെ കണ്ണൂരിലെത്തിക്കും.കഴിഞ്ഞ ദിവസം എയര്ഇന്ത്യ എക്സ്പ്രസിന്റെയും ഇന്ഡിഗോയുടേയും പരീക്ഷണപ്പറക്കല് വിജയകരമായി നടത്തിയിരുന്നു.
L
https://www.facebook.com/Malayalivartha
