അടുത്ത മാസം മൂന്നിന് കെഎസ്ആര്ടിസി ജീവനക്കാര് പ്രഖ്യാപിച്ച സമരത്തിന് ഹൈക്കോടതി സ്റ്റേ
ഒക്ടോബര് മൂന്നിനു കെ.എസ്.ആര്.ടി.സി. ജീവനക്കാര് പ്രഖ്യാപിച്ച സമരം ഹൈക്കോടതി സ്റ്റേ ചെയ്തു. സെന്റര് ഫോര് കണ്സ്യൂമര് എഡ്യുക്കേഷന് ചെയര്മാന് കെ.സി. ചാക്കോയുടെ ഹര്ജി പരിഗണിച്ചാണ് ഉത്തരവ്. തൊഴിലാളിസമരത്തില് കോടതി ഇടപെടുന്നത് അപൂര്വമാണ്. കെ.എസ്.ആര്.ടി.സിയുടേത് ആവശ്യസേവനമാണെന്നു നിരീക്ഷിച്ച കോടതി, സമരം പ്രഖ്യാപിക്കുമ്പോള് ഒത്തുതീര്പ്പുചര്ച്ചകള്ക്കുള്ള സമയം ആവശ്യമാണെന്നും ചൂണ്ടിക്കാട്ടി. ഹര്ജിയില് കൂടുതല് വാദം കേട്ട്, അന്തിമ ഉത്തരവ് പിന്നീടു പുറപ്പെടുവിക്കും.
സമരത്തിനെതിരേ എസ്മ പുറപ്പെടുവിക്കണമെന്ന ആവശ്യമുള്പ്പെടെ കോടതിയുടെ പരിഗണനയിലാണ്. പ്രശ്നത്തില് സര്ക്കാരും കെ.എസ്.ആര്.ടി.സിയും നിലപാടറിയിക്കാന് കോടതി നിര്ദേശിച്ചു. ജോലിയില്നിന്നു മാറ്റിനിര്ത്തിയ താല്ക്കാലിക ജീവനക്കാരെ തിരിച്ചെടുക്കുക, സര്വീസ് റദ്ദാക്കലും അശാസ്ത്രീയ ഡ്യൂട്ടി പരിഷ്കരണവും പിന്വലിക്കുക, ഡി.എ. കുടിശിക അനുവദിക്കുക, ഇടക്കാലാശ്വാസം പ്രഖ്യാപിക്കുക, വാടകവണ്ടി നീക്കം ഉപേക്ഷിക്കുക തുടങ്ങിയ ആവശ്യങ്ങള് ഉന്നയിച്ചാണു സംയുക്ത തൊഴിലാളി യൂണിയന് പണിമുടക്ക് ആഹ്വാനം ചെയ്തത്.
അതേമസയം, കെ.എസ്.ആര്.ടി.സി. തൊഴിലാളികള് അടുത്ത മാസം രണ്ടു മുതല് പ്രഖ്യാപിച്ചിട്ടുള്ള അനിശ്ചിതകാല പണിമുടക്കുമായി മുന്നോട്ടുപോകാന് സംയുക്ത സമരസമിതിയുടെ അടിയന്തര യോഗം തീരുമാനിച്ചു.
"
https://www.facebook.com/Malayalivartha
