കാറപകടത്തില് ഗുരുതരമായി പരിക്കേറ്റ് ചികിത്സയില് കഴിയുന്ന ബാലഭാസ്കറിന്റെ ആരോഗ്യനിലയില് പുരോഗതിയുണ്ടെന്ന് ആശുപത്രി അധികൃതര്; ഭാര്യ ലക്ഷ്മിയുടെ നിലയും മെച്ചപ്പെട്ടു
കാറപകടത്തില് ഗുരുതരമായി പരിക്കേറ്റ് ചികിത്സയില് കഴിയുന്ന വയലിനിസ്റ്റ് ബാലഭാസ്കറിന്റെ നിലയില് പുരോഗതിയുണ്ടെന്ന് ആശുപത്രി അധികൃതര്. വെന്റിലേറ്ററില് ജീവന് രക്ഷാ സംവിധാനങ്ങളുടെ സഹായത്തോടെയാണ് ചികിത്സയെങ്കിലും അതിന്റെതോത് കുറച്ചുകൊണ്ട് വരികയാണെന്ന് ഡോക്ടര്മാര് അറിയിച്ചു. ഭാര്യ ലക്ഷ്മിയുടെ നിലയും മെച്ചപ്പെട്ടുവരുന്നതായാണ് ഡോക്ടര്മാര് അറിയിക്കുന്നത്.
ചൊവ്വാഴ്ച തൃശ്ശൂരില് നിന്നും ക്ഷേത്രദര്ശനം കഴിഞ്ഞ് തിരുവനന്തപുരത്തേയ്ക്ക് മടങ്ങുമ്ബോള് പള്ളിപ്പുറത്ത് വെച്ചാണ് ബാലഭാസ്കറും കുടുംബവും സഞ്ചരിച്ച കാര് അപകടത്തില്പ്പെട്ടത്. മരത്തിലിടിച്ച കാറിന്റെ മുന്ഭാഗം പൂര്ണമായി തകര്ന്നു. ഡ്രൈവര് ഉറങ്ങിപ്പോയതാവാം അപകട കാരണമെന്നാണ് നിഗമനം. ബാലഭാസ്ക്കറും മകളും മുന്ഭാഗത്തെ സീറ്റിലാണിരുന്നിരുന്നത്. അപകടത്തില് മരിച്ച ബാലഭാസ്കറുടെ മകള് തേജസ്വിനി ബാലയുടെ മൃതദേഹം കഴിഞ്ഞ ദിവസം സംസ്കരിച്ചു. ലക്ഷ്മിയുടെ തിരുവനന്തപുരത്തെ വീട്ടിലായിരുന്നു സംസ്കാര ചടങ്ങുകള്.
തേജസ്വിനിയുടെ മൃതദേഹം എംബാം ചെയ്ത് സൂക്ഷിക്കുകയായിരുന്നു. ബാല ഭാസ്കറിനേയും ലക്ഷ്മിയേയും കാണിച്ചതിനു ശേഷം സംസ്കരിക്കാനായിരുന്നു തീരുമാനമെങ്കിലും അത് പിന്നീട് മാറ്റുകയായിരുന്നു.
https://www.facebook.com/Malayalivartha
