രാഹുല് ഈശ്വറിനെ നിലയ്ക്കലില് പൊലീസ് തടഞ്ഞു; നിലയ്ക്കലിലേക്ക് കയറ്റിവിടാന് അനുവദിക്കില്ല; വേണ്ടി വന്നാല് കരുതല് തടങ്കലില് വെക്കുമെന്നും പോലീസ്
ശബരിമലയിലേക്ക് ദര്ശനത്തിനായി എത്തിയ അയ്യപ്പ ധര്മ്മ സേന പ്രസിഡന്റ് രാഹുല് ഈശ്വറിനെ പോലീസ് തടഞ്ഞു. നിലയ്ക്കലിലേക്ക് കയറ്റിവിടാന് അനുവദിക്കില്ലെന്ന് പോലീസ് വ്യക്തമാക്കി. വേണ്ടി വന്നാല് കരുതല് തടങ്കലില് വെക്കുമെന്നും പോലീസ് അറിയിച്ചു. നേരത്തെ ശബരിമലയില് കലാപമുണ്ടാക്കുന്നതിന് ശ്രമം നടത്തിയെന്ന പേരില് അറസ്റ്റ് ചെയ്ത ഒരാളെ സന്നിധാനത്തേക്ക് കടത്തിവിടാന് സാധിക്കില്ലെന്നാണ് പൊലീസ് പറയുന്നത്.
രണ്ട് സുഹൃത്തുക്കള്ക്കൊപ്പമാണ് ഇരുമുടി കെട്ടുമായി രാഹുല് ഈശ്വര് എത്തിയത്. എന്നാല് നിലയ്ക്കലില് പോലീസ് തടയുകയായിരുന്നു. മണ്ഡല മകരവിളക്ക് പൂജയ്ക്കായി നട തുറന്നപ്പോള് ശബരിമലയിലേക്ക് രാഹുല് ഈശ്വര് എത്തിയിരുന്നു. എന്നാല് ശബരിമലയിലും പരിസരത്തും തമ്പടിച്ചിരിക്കുന്ന സംഘപരിവാര് ബിജെപി നേതാക്കളെ കരുതല് തടങ്കലില് വെയ്ക്കുമെന്ന പോലീസ് മുന്നറിയിപ്പിനെ തുടര്ന്ന് ദര്ശനം നടത്തി രാഹുല് ഈശ്വര് മടങ്ങുകയായിരുന്നു.
നിലവില് രാഹുല് ഈശ്വറിനെ നിലയ്ക്കല് പൊലീസ് സ്റ്റേഷനിലേക്ക് മാറ്റിയിരിക്കുകയാണ്. കസ്റ്റഡിയിലെടുക്കുന്നതും അറസ്റ്റ് ചെയുന്നതുമായ കാര്യത്തില് പൊലീസ് ഇതുവരെ നിലപാട് വ്യക്തമാക്കിയിട്ടില്ല.
അതേസമയം സന്നിധാനത്ത് പ്രവേശിക്കാന് ഹൈക്കോടതി ഉത്തരവ് വേണമെന്ന് പൊലീസ് ആവശ്യപ്പെട്ടതായി രാഹുല് ഈശ്വര് മാധ്യമങ്ങളോട് പറഞ്ഞു. ഹിന്ദുഐക്യവേദി നേതാവ് കെ പി ശശികലയ്ക്ക് നല്കിയ പോലെ ആറു മണിക്കൂറിനുള്ളില് ദര്ശനം നടത്തി തിരിച്ചുവരണമെന്ന നോട്ടീസ് നല്കുന്നതിന്റെ സാധ്യതയും പൊലീസ് പരിശോധിക്കുന്നതായി റിപ്പോര്ട്ടുകളുണ്ട്.
https://www.facebook.com/Malayalivartha
