ഇരുമുടിക്കെട്ടുമേന്തി മല ചവിട്ടാനെത്തിയ കുട്ടികളെ പോലീസ് കസ്റ്റഡിയിലെടുത്ത് കൊണ്ടു പോകുന്ന കാഴ്ച മലയാളികളെ ഒന്നാകെ വേദനിപ്പിക്കുന്നതായിരുന്നു. അച്ഛന്റെ തോളിലിരുന്നു വരുന്ന പിഞ്ച് ബാലന്റെ ദയനീയാവസ്ഥ മണിക്കൂറുകളോളമാണ് കേരളം കണ്ടത്. ശരണം വിളിച്ച നാലു വയസോളം പ്രായമുള്ള ബാലനും മറ്റു ചില കുട്ടികളുമുണ്ടായിരുന്നു.കേരള പോലീസ് ഇതെങ്ങോട്ടുള്ള പോക്കെന്ന് പലരും ചിന്തിച്ചു. മാത്രമല്ല കോടതിയില്‍ നിന്നും പൊതുജനങ്ങളില്‍ നിന്നും ശക്തമായ വിമര്‍ശനവും വരും. 

ഇതറിഞ്ഞതോടെ ഉന്നത പോലീസ് ഉദ്യോഗസ്ഥരും സര്‍ക്കാരും പെട്ടെന്നിടപെട്ടു. മറ്റ് ഭക്തരെ വാനില്‍ കയറ്റി പോലീസ് ക്യാമ്പിലേക്ക് കൊണ്ടു പോയപ്പോള്‍ കുട്ടികളെ പമ്പ ഗാര്‍ഡ് റൂമില്‍ ഇരുത്തി പോലീസ് വിവരങ്ങള്‍ ശേഖരിച്ച് റിപ്പോര്‍ട്ടെഴുതി. പോലീസ് ക്യാമ്പിലേക്ക് ഇവരെ കൊണ്ടു പോയിരുന്നെങ്കില്‍ വലിയ പ്രതിഷേധമായി മാറിയേനെ. 

ശരണം വിളിക്കുന്നത് വിലക്കരുതെന്ന ഹൈക്കോടതി ഉത്തരവിന്റെ പ്രത്യക്ഷ ലംഘനമാണ് പൊലീസ് ഇന്ന് സന്നിധാനത്ത് നടത്തിയതെന്നാണ് ഭക്തരും ബിജെപിയും ആരോപിക്കുന്നത്.സന്നിധാനത്തും,വാവര്‍ നടയിലും സമാധാനമായി ശരണമന്ത്രം ചൊല്ലിയ അയ്യപ്പന്മാരെക്കെതിരെയാണ് പൊലീസ് നടപടി. നിരോധനാജ്ഞ ലംഘിച്ചു എന്ന പേരിലായിരുന്നു ശരണം വിളിച്ച കുട്ടികളെയൊപ്പം കസ്റ്റഡിയിലെടുത്ത് പമ്പയിലേക്ക് നടത്തിയത്.

ഭക്തര്‍ ശരണം വിളിക്കുമ്പോള്‍ തടയാന്‍ പാടില്ലെന്നും ഭക്തര്‍ കൂട്ടമായി വരുന്നതും വിലക്കരുതെന്നും കോടതി ഉത്തരവിട്ടിരുന്നു.ഇതിനെ വെല്ലുവിളിക്കുകയാണ് പൊലീസ്.ശരണമന്ത്രം ചൊല്ലുന്നവരെ അറസ്റ്റ് ചെയ്ത പൊലീസ് നടപടിയ്‌ക്കെതിരെ പ്രതിഷേധം ശക്തമാകുകയാണ്.