ആ​ല​പ്പാ​ട്ട് ക​രി​മ​ണ​ല്‍ ഖ​ന​ന​വു​മാ​യി ബ​ന്ധ​പ്പെ​ട്ട് വ്യ​വ​സാ​യ മ​ന്ത്രി​യു​ടെ അ​ധ്യ​ക്ഷ​ത​യി​ല്‍ ചേ​ർ​ന്ന യോ​ഗം പ​രാ​ജ​യ​പ്പെ​ട്ടു. വി​ദ​ഗ്ധ​സ​മി​തി റി​പ്പോ​ർ​ട്ട് വ​രു​ന്ന​തു​വ​രെ ഒ​രു മാ​സ​ത്തേ​ക്ക് സീ ​വാ​ഷിം​ഗ് നി​ർ​ത്തി​വ​യ്ക്കാ​മെ​ന്ന സ​ർ​ക്കാ​ർ നി​ർ​ദേ​ശം സ​മ​ര​സ​മി​തി ത​ള്ളി. ഖ​ന​നം നി​ർ​ത്തി​വ​യ്ക്കാ​തെ സ​മ​രം അ​വ​സാ​നി​പ്പി​ക്കി​ല്ലെ​ന്ന് സ​മ​ര​സ​മി​തി പ്ര​ഖ്യാ​പി​ച്ചു.

ആ​ല​പ്പ​ട്ടെ ജ​ന​ങ്ങ​ളു​ടെ അ​തി​ജീ​വ​ന​ത്തി​ന്‍റെ പ്ര​ശ്ന​മാ​ണ്. ക​ട​ലും ദേ​ശീ​യ ജ​ല​പാ​ത​യും ത​മ്മി​ലു​ള്ള അ​ക​ലം 20 മീ​റ്റ​ർ മാ​ത്ര​മാ​ണു​ള്ള​ത്. ജ​ന​ങ്ങ​ളു​ടെ പ്ര‍​യാ​സം കാ​ണാ​തെ ക​മ്പ​നി​ക​ളു​ടെ കാ​ര്യം പ​റ​യു​ന്ന​ത് ജ​നാ​ധി​പ​ത്യ​പ​ര​മ​ല്ല. മ​ന്ത്രി നേ​രി​ട്ടു​വ​ന്ന് ജ​ന​ങ്ങ​ളു​ടെ ദു​ഖം മ​ന​സി​ലാ​ക്ക​ട്ടെ​യെ​ന്നും സ​മ​ര​സ​മി​തി നേ​താ​ക്ക​ൾ പ​റ​ഞ്ഞു.

അതേസമയം ഒരു മാസത്തേക്ക് ആലപ്പാട്ടെ തീരത്ത് സീ വാഷിംഗ് നിർത്തിവയ്ക്കുമെന്ന് മന്ത്രി ഇ പി ജയരാജൻ പറഞ്ഞു .ആലപ്പാട്ടെ പ്രശ്നങ്ങൾ പഠിയ്ക്കാൻ വിദഗ്ധസമിതിയെ നിയോഗിക്കുമെന്നും അദ്ധേഹം വ്യക്തമാക്കി.

ഈ വിദഗ്ധസമിതിയുടെ റിപ്പോർട്ടിനനുസരിച്ചാകും സീ വാഷിംഗ് തുടരുന്ന കാര്യം സർക്കാർ തീരുമാനിക്കുക. എന്നാൽ ഇൻലാൻഡ് വാഷിംഗ് തുടരും. തീരമേഖലയുടെയും ആലപ്പാട് പ്രദേശത്തിന്റെയും സുരക്ഷ ഉറപ്പാക്കാനുള്ള എല്ലാ നടപടികളുമുണ്ടാകും എന്നും സർക്കാർ വ്യക്തമാക്കി. തീരമേഖലയിൽ പുലിമുട്ട് നിർമാണം കാര്യക്ഷമമാക്കും. കടൽഭിത്തികളും ശക്തിപ്പെടുത്തും. തീരമേഖല കടലെടുക്കാതിരിക്കാനുള്ള എല്ലാ സുരക്ഷാ നടപടികളുമുണ്ടാകും.

സർക്കാർ നടപടികൾ കണക്കിലെടുത്ത് സമരം തൽക്കാലം അവസാനിപ്പിക്കണമെന്ന മന്ത്രി സമരക്കാരോട് അഭ്യർഥിച്ചു. സമാധാനപരമായ ഒരു അന്തരീക്ഷം ഉണ്ടാകണമെന്നാണ് സർക്കാരിന്റെ ആഗ്രഹം. സമരക്കാർ തൃപ്തിയോടെയാണ് ചർച്ചയിൽ നിന്ന് മടങ്ങിയതെന്നും മന്ത്രി അറിയിച്ചു.എന്നാൽ ഖനനം നിർത്തിവയ്ക്കാനാകില്ലെന്ന് മന്ത്രി വ്യക്തമാക്കി. കരിമണൽ കേരളത്തിന്റെ പൊതുസ്വത്താണ്. അതിനാൽ പൊതുമേഖലയിൽ ഖനനം നിർത്താനാകില്ലെന്നും ഇ പി ജയരാജൻ വ്യക്തമാക്കി.