സെമിനാരിയില് പഠിക്കുന്ന പിള്ളേര്ക്കും വിശ്വാസികള്ക്കും നഗ്ന സെല്ഫി അയച്ചുകൊടുത്ത ബിഷപ്പിനെ പിടികൂടി, മുമ്പും ഇയാള്ക്കെതിരെ പരാതി നല്കിയിട്ടും ഫ്രാന്സിസ് പാപ്പ സംരക്ഷിക്കുകയായിരുന്നെന്ന് ആരോപണം ഉയര്ന്നിരുന്നു
സെമിനാരിയില് പഠിക്കുന്ന പിള്ളേര്ക്കും വിശ്വാസികള്ക്കും നഗ്ന സെല്ഫി അയച്ചുകൊടുത്ത ബിഷപ്പിനെ ഒടുവില് പിടികൂടി. കക്ഷി അര്ജന്റീനിയക്കാരനാണ് സര്വോപരി പോപ്പ് ഫ്രാന്സിന്റെ അടുപ്പക്കാരനും .2015 -17 കാലഘട്ടത്തില് 54 കാരനായ ഗുസ്താവോ സാഞ്ചസ്തായുടെ കലാപരിപാടികളെക്കുറിച്ച് പോപ്പിന് കൃത്യമായ റിപ്പോര്ട്ടുകളും പരാതികളും ലഭിച്ചിട്ടും ഫ്രാന്സിസ് പാപ്പ നടപടി യെടുത്തില്ലെന്നും ആരോപണങ്ങള് ഉയര്ന്നിട്ടുണ്ട്.
കുട്ടികള്ക്കും സ്ത്രീകള്ക്കുമെതിരെ വൈദികരുടെ വര്ദ്ധിച്ചു വരുന്ന ലൈംഗിക പീഡനങ്ങളെ കുറിച്ച് ചര്ച്ച ചെയ്യാനായി മാത്രം അടുത്ത മാസം 21 മുതല് 23 വരെ എല്ലാ രാജ്യത്തേയും മെത്രാന് സമിതി തലവന്മാരുടെ പ്രത്യേക സമ്മേളനം കൂടാനിരിക്കെയാണ് പോപ്പിന്റെ അടുപ്പക്കാരനായ ബിഷപ്പിന്റെ നഗ്നതാ പ്രദര്ശനത്തെക്കുറിച്ചുള്ള വാര്ത്തകള് പുറത്തു വരുന്നത്. അന്താരാഷ്ട്ര വാര്ത്താ ഏജന്സിയായ അസോസിയേറ്റഡ് പ്രസ്സാണ് (എ.പി) യാണ് ഈ വാര്ത്ത പുറത്ത് വിട്ടത്.
സാഞ്ചസ്തായെ കുറിച്ച് നിരവധി പരാതികള് ലഭിച്ചിട്ടും അതൊന്നും പരിഗണിക്കാതെ പോപ്പ് പൂഴ്ത്തി വെച്ചിരിക്കയായിരുന്നുവെന്നാണ് ആരോപണം. ഇയാളെ വത്തിക്കാനിലെ സുപ്രധാന തസ്തികയില് നിയമിച്ചിരിക്കയായിരുന്നു. അടുപ്പക്കാരെ സംരക്ഷിക്കാന് പോപ്പ് ഫ്രാന്സിസ് ഏതറ്റം വരെയും പോകുമെന്ന വാദത്തിന് ബലം കൂട്ടുന്ന ആരോപണ മാണിത്. ലൈംഗിക പീഡന ആരോപണങ്ങള്ക്ക് വിധേയരായ അമേരിക്കന് ആര്ച്ച് ബിഷപ്പ് തിയോഡര് മക്കാറിക്, ഓസ്ട്രേലിയന് ആര്ച്ച് ബിഷപ് ജോര്ജ് പെല് തുടങ്ങിയ വരെ രക്ഷിക്കാന് പോപ്പ് ഫ്രാന്സിസ് പതിനെട്ടടവും പയറ്റിയെന്ന ആരോപണം നേരത്തെ ഉയര്ന്നിരുന്നു.
2013 ല് പോപ്പായതിനു ശേഷം ഫ്രാസിസ് പാപ്പ അര്ജന്റീനിയയില് നിയമിച്ച ആദ്യ ബിഷപ്പായിരുന്നു സാഞ്ചസ്ത. പോപ്പ് ആവുന്ന തിനു മുമ്പേ അര്ജന്റീനിയന് മെത്രാന് സമിതി അധ്യക്ഷനായിരുന്ന കാലത്ത് സമിതിയുടെ അണ്ടര് സെക്രട്ടറിയായിരുന്നു സാഞ്ചസ്ത .ഈ അടുപ്പത്തിന്റെ പേരിലാണ് സാഞ്ചസ്തയെ ബിഷപ്പായി നിയമിച്ചത്. പോപ്പ് ഫ്രാന്സിസിന്റെ ആത്മീയ പുത്രന് എന്നാണ് സാഞ്ചസ്ത അറിയപ്പെട്ടിരുന്നത്.
അര്ജന്റീനിയയായില് സാഞ്ചസ്തക്കെതിരെ പരാതി ഉയര്ന്നപ്പോള് ഇരുചെവി അറിയാതെ പോപ്പ് ഇയാളെ വത്തിക്കാനില് ധനകാര്യ ഇടപാടുകളുടെ ചുമതലക്കാരനായി നിയമിച്ചു. ശിങ്കിടികളെ സംരക്ഷിക്കാന് ഫ്രാന്സിസ് മാര്പാപ്പ ഏത് നികൃഷ്ട മാര്ഗവും ഉപയോഗിക്കുമെന്ന് പരക്കെ ആക്ഷേപങ്ങള് ഉയരുന്നതിനിടയിലാണ് സാഞ്ചസ്തയുടെ നിയമനവും സംരക്ഷണവും വാര്ത്തയായത്.
https://www.facebook.com/Malayalivartha
