വിതുരയില് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച ഷെഫീഖ് അല് ഖാസിമിയുടെ ഒരു സഹോദരനെ കൂടി പോലീസ് അറസ്റ്റ് ചെയ്തു, പെരുമ്പാവൂര് സ്വദേശിയായ നൗഷാദിനെയാണ് അറസ്റ്റ് ചെയ്തത്
വിതുരയില് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച ഷെഫീഖ് അല് ഖാസിമിയുടെ ഒരു സഹോദരനെ കൂടി പോലീസ് അറസ്റ്റ് ചെയ്തു. പെരുമ്പാവൂര് സ്വദേശിയായ നൗഷാദിനെയാണ് അറസ്റ്റ് ചെയ്തത്. പൊള്ളാച്ചിയില് നിന്ന് പ്രത്യേക അന്വേഷണ സംഘമാണ് ഇയാളെ അറസ്റ്റ് ചെയ്തത്. ഖാസിമിയെ പെരുമ്പാവൂരും, കോയമ്പത്തൂരിലും, വിജയവാഡയിലും ഒളിവില് താമസിക്കാന് സൗകര്യമൊരുക്കിയത് ഇയാളായിരുന്നു. നൗഷാദിനെ ചോദ്യം ചെയ്തതിലൂടെ ഷെഫീഖിനെ കുറിച്ചുള്ള നിര്ണായക വിവരങ്ങള് പൊലീസിന് ലഭിച്ചതായി അറിയുന്നു. ഇമാമിന്റെ മറ്റൊരു സഹോദരന് അല് അമീനെ ആദ്യം അറസ്റ്റ്റ്റ് ചെയ്തിരുന്നു. കൊച്ചിയില് വെച്ചാണ് അറസ്റ്റ് ചെയ്തത്.
അതേസമയം ഒളിവില് കഴിയുന്ന ഇമാമിനെ കണ്ടെത്താന് ഇത് വരെ പൊലീസിന് കഴിഞ്ഞിട്ടില്ല. പൊലീസ് മനപ്പൂര്വം അറസ്റ്റ് വൈകിപ്പിക്കുന്നെന്നാണ് ആരോപണം. കൊച്ചി സിറ്റി ഷാഡോ പൊലീസാണ് അല് അമീനെ അറസ്റ്റ് ചെയ്തത്. ഖാസിമിയെ ഒളിവില് പോകാന് അല് അമീന് സഹായിച്ചുവെന്നായിരുന്നു പോലീസിന്റെ വാദം. തൃപ്പൂണിത്തുറയിലെ അല് അമീന്റെ വീട്ടില് കഴിഞ്ഞിരുന്ന ഖാസിമി ബെംഗലൂരുവിലേക്ക് കടന്നെന്നാണ് അന്ന് പൊലീസ് പറഞ്ഞിരുന്നത്. പെണ്കുട്ടിയെ തട്ടികൊണ്ടുപോയി പീഡിപ്പിച്ച ശേഷം കൊച്ചിയില് വാഹനം ഉപേക്ഷിച്ചാണ് ഇമാം ഷെഫീക്ക് അല് ഖാസിമി ഒളിവില് പോയത്.
ഇമാം കോടതിയില് കീഴടങ്ങുമെന്ന് സൂചനകളുണ്ടായിരുന്നു. മുന്കൂര് ജാമ്യാപേക്ഷ നല്കിയ ഇമാം, ഹൈക്കോടതി അഭിഭാഷകനില് നിന്നും വക്കാലത്ത് തിരികെ വാങ്ങിയിരുന്നു. സംഭവത്തില് പെണ്കുട്ടിയുടെ രക്ഷിതാക്കള്ക്കെതിരെയും പൊലീസ് അന്വേഷണം നടക്കുന്നുണ്ട്. ഇമാമിനെതിരെ മൊഴി നല്കാതിരിക്കാന് അമ്മയും ഇളയച്ഛനും നിര്ബന്ധിച്ചെന്ന പെണ്കുട്ടി മൊഴി നല്കിയിരുന്നു. തുടര്ന്നാണ് ഇരുവര്ക്കുമെതിരെ കേസ് എടുത്തത്. പീഡന വിവരം പുറത്തറിഞ്ഞതിന് പിന്നാലെ ചൈല്ഡ് വെല്ഫെയര് കമ്മിറ്റിയും പൊലീസും സമീപിച്ചെങ്കിലും പെണ്കുട്ടി മൊഴി നല്കാന് തയ്യാറായില്ല. പിന്നീ ചൈല്ഡ് വെല്ഫയര് കമ്മിറ്റിയുടെ സംരക്ഷണത്തില് മൂന്ന് ദിവസം കൗണ്സിലിംഗ് നല്കിയ ശേഷമാണ് മൊഴി നല്കിയത്.
മൊഴി നല്കാതിരിക്കാന് ഉമ്മയും ഇളയച്ഛനും ഭീഷണിപ്പെടുത്തിയിരുന്നതായി പെണ്കുട്ടി വെളിപ്പെടുത്തിയെന്ന് അന്വേഷണ ഉദ്യോഗസ്ഥനായ നെടുമങ്ങാട് ഡിവൈഎസ്പി ഡി . അശോകന് പറഞ്ഞു. ഇതിന്റെ അടിസ്ഥാനത്തിലാണ് രക്ഷിതാക്കളില് നിന്ന് വിശദമായ മൊഴി എടുക്കാന് പൊലീസ് തീരുമാനിച്ചത്. മുമ്പും ഇമാമില് നിന്ന് മോശം അനുഭവം ഉണ്ടായതായി പെണ്കുട്ടി മൊഴി നല്കിയിട്ടുണ്ട്. പീഡനം നടന്ന പേപ്പാറ വനമേഖലയില് പെണ്കുട്ടിയെ കൊണ്ടുപോയി പൊലീസ് തെളിവെടുപ്പ് നടത്തിയിരുന്നു. ജമാഅത്ത് പ്രസിഡന്റിന്റെ പരാതിയുടെ അടിസ്ഥാനത്തിലാണ് പൊലീസ് ആദ്യം കേസെടുത്തത്. കീഴടങ്ങാനായി ഇമാമിന് മേല് സമ്മര്ദ്ദം ശക്തമാക്കിയിട്ടുണ്ടെന്നാണ് പൊലീസ് പറയുന്നത്. എന്നാല് രാഷ്ട്രീയ സമ്മര്ദ്ദം കാരണമാണ് അറസ്റ്റ് വൈകുന്നതെന്നും ആക്ഷേപമുണ്ട്. എസ്.ഡി.പി.ഐയുമായി അടുത്തബന്ധമുള്ളയാളാണ് ഇമാം. ഇമാമിനെ സി.പി.എം കുടുക്കിയെന്നാണ് അവര് പറയുന്നത്.
"
https://www.facebook.com/Malayalivartha
