ശബരിമലയിലെ ആചാരാനുഷ്ഠാനങ്ങള് സംരക്ഷിക്കാന് നടത്തിയ സമരത്തില് പങ്കെടുത്ത അമ്മമാരും സഹോദരിമാരും മാനസികവൈകല്യം ബാധിച്ചവരാണെന്ന പ്രസ്താവനയില് ശശി തരൂര് ഉറച്ച് നില്ക്കുന്നുണ്ടോ? ശ്രീധരന് പിള്ള വെല്ലുവിളിക്കുന്നു...
ശബരിമലയിലെ ആചാരാനുഷ്ഠാനങ്ങള് സംരക്ഷിക്കാന് വേണ്ടിയുള്ള ധര്മസമരത്തില് പങ്കെടുത്ത അമ്മമാരും സഹോദരിമാരും മാനസികവൈകല്യം ബാധിച്ചവരാണെന്ന് കോണ്ഗ്രസ് നേതാവ് ശശി തരൂര് നടത്തിയ പ്രസ്താവനയില് അദ്ദേഹം ഉറച്ച് നില്ക്കുന്നോ എന്ന് വ്യക്തമാക്കണമെന്ന് ബിജെപി സംസ്ഥാന അധ്യക്ഷന് അഡ്വ പി.എസ.ശ്രീധരന് പിള്ള ആവശ്യപ്പെട്ടു. പ്രഷോഭത്തില് പങ്കെടുത്ത സ്ത്രീകള് 'സ്റ്റോക്ക്ഹോം സിന്ഡ്രോം' ബാധിച്ചവരെന്നാണ് ശശി തരൂര് എം.പി പരസ്യമായി പ്രഖ്യാപിച്ചത്. ഇത് വിശ്വാസികളായ സ്ത്രീകളെയാകെ അവഹേളിക്കുന്നതായിരുന്നു. ബിജെപി ഇക്കാര്യം അന്ന് തുറന്നു കാട്ടിയിരുന്നു. പക്ഷെ കോണ്ഗ്രസ്സുകാര് ജനങ്ങളെ സമീപിക്കേണ്ടി വന്നപ്പോള് പലതും മറച്ചു വെയ്ക്കുകയോ ചെയ്യുന്നു. ജനം അതൊക്കെ മറന്നു എന്ന തെറ്റിധാരണയിലാണ് കോണ്ഗ്രസ്സുകാരെന്നും അദ്ദേഹം ചൂണ്ടിക്കാട്ടി.
ശശി തരൂര് വിവാഹം കഴിച്ച മൂന്ന് സ്ത്രീകളില് രണ്ടുപേര് മരണമടയാനുണ്ടായ സാഹചര്യം ബിജെപി തെരഞ്ഞെടുപ്പ് വിഷയം ആക്കാന് ഉദ്ദേശിക്കുന്നില്ലെന്നും ശ്രീധരന് പിള്ള വ്യക്തമാക്കി. വീണ്ടും സ്ഥാനാര്ഥിയാവുന്ന ശശി തരൂര് ശബരിമല വിഷയത്തില് തന്റെ നിലപാട് വ്യക്തമാക്കണം. പറഞ്ഞത് തെറ്റാണ് എന്ന് ബോധ്യമായാല് അദ്ദേഹം സ്ത്രീജനങ്ങളോട് പരസ്യമായി മാപ്പു പറയണം. തരൂര് വിവാദ പ്രസ്താവനയില് ഉറച്ചു നില്ക്കുന്നുവെങ്കില് കേരളത്തിലെ കോണ്ഗ്രസ് നേതൃത്വം അദ്ദേഹത്തിന്റെ
പ്രസ്താവന ശരി വെക്കുന്നുണ്ടോ എന്ന് വ്യക്തമാക്കണം. ശബരിമല വിശ്വാസികളുടെ വികാരം വില്പനച്ചരക്കാക്കാന് ബിജെപി
ഉദ്ദേശിക്കുന്നില്ല. ശബരിമല പ്രശനം ഒരു രാഷ്ട്രീയ ആയുധമല്ല. അതൊരു വികാരമാണ്.വിശ്വാസികളായ ജനങ്ങളുടെ ഈ വികാരം തെരെഞ്ഞെടുപ്പില് പ്രതിഫലിക്കുക തന്നെ ചെയ്യുമെന്നും അദ്ദേഹം പറഞ്ഞു.
ഇന്ന് ബിജെപി നാല് മേഖലകളില് ആരംഭിക്കുന്ന പരിവര്ത്തന യാത്രകള് കോണ്ഗ്രസിനും സി.പി.എമ്മിനും ശക്തമായ താക്കീതായിരിക്കും.
കമ്മ്യൂണിസ്റ്റ് പാര്ട്ടികളുടെ'ലിക്വിഡേഷന്' ആയിരിക്കും കോണ്ഗ്രസുമായുള്ള ബന്ധത്തിന്റെ അന്തിമ ഫലം എന്നും പിള്ള പറഞ്ഞു. ബംഗാളില് സി.പി.എം കോണ്ഗ്രസിനൊപ്പം നില്ക്കാന് തീരുമാനിച്ചതിനെ കുറിച്ച് മാധ്യമപ്രവര്ത്തകര് ചോദിച്ചപ്പോഴാണ് ഇക്കാര്യം വ്യക്തമാക്കിയത്. ശബരിമല സമരം ബി.ജെ.പിക്ക് പുതിയ ഉണര്വാണ് നല്കിയത്. തിരുവനന്തപുരം, ആറ്റിങ്ങല്, തൃശൂര് മണ്ഡലങ്ങളില് വിജയിക്കാന് കഴിയുമെന്നാണ് ബി.ജെ.പി വിലയിരുത്തുന്നത്. തിരുവനന്തപുരത്ത് മുന് സംസ്ഥാന പ്രസിഡന്റ് കുമ്മനം രാജശേഖരനെ തന്നെ സ്ഥാനാര്്ത്ഥിയാക്കണമെന്നാണ് ജില്ലാ നേതൃത്വത്തിന്റെ ആഗ്രഹം. മേഘാലയാ ഗവര്ണറായ കുമ്മനത്തിന് മത്സരിക്കാന് ദേശീയനേതൃത്വം അനുമതി നല്കുമോ എന്ന് കാത്തിരുന്ന് കാണാം.
ആറ്റിങ്ങലില് എ. സമ്പത്തിനെതിരെ പാര്ട്ടിയില് നിന്ന് തന്നെ പടപ്പുറപ്പാടുണ്ടെന്നാണ് സൂചന. കോണ്ഗ്രസില് നിന്ന് അടൂര്പ്രകാശായിരിക്കും മത്സരിക്കുക. ബിജെപിക്കായി ടി.പി സെന്കുമാറായിരിക്കും സ്്ഥാനാര്ത്ഥി. ഹൈന്ദവ വോട്ടുകള് സെന്കുമാറിന് ലഭിക്കുമെന്നാണ് ബി.ജെ.പിയുടെ വിലയിരുത്തല്. ക്രിസ്ത്യന്-മുസ്്ലിം വോട്ടുകള് അടൂര്പ്രകാശിനും സമ്പത്തിനുമായി വിഭജിച്ച് പോകുമ്പോള് ഹൈന്ദവ വോട്ടുകള് നേടാനായാല് വിജയിക്കാമെന്നും പ്രതീക്ഷിക്കുന്നു. ശബരിമല സമരത്തിലൂടെ പാര്ട്ടിക്ക് പുതിയ ഊര്ജ്ജം നല്കിയ കെ.സുരേന്ദ്രനെ തൃശൂരില് മത്സരിപ്പിക്കണമെന്ന് ജില്ലാ നേതൃത്വം ആദ്യമേ ആവശ്യപ്പെട്ടു. ക്രിസ്ത്യന് വോട്ടുകള് കോണ്ഗ്രസ് കൊണ്ടുപോകുമ്പോള് ഹൈന്ദവ വോട്ടുകളുമായി സുരേന്ദ്രന് വിജയിക്കാമെന്ന് വിശ്വസിക്കുന്നു. കാരണം സി.പി.ഐ സ്ഥാനാര്ത്ഥി രാജാജി മാത്യുവാണ്.
https://www.facebook.com/Malayalivartha
