മൂന്നാം സീറ്റ് ഉഭയകക്ഷി ചര്ച്ചയിലൂടെ തീരുമാനിക്കുമെന്ന് മുസ്ലിംലീഗ് ദേശീയ ജനറല് സെക്രട്ടറി പി.കെ കുഞ്ഞാലിക്കുട്ടി, എറണാകുളവും വടകരയും വയനാടും ഉള്പ്പെടെയുള്ള സീറ്റുകളാണ് ആവശ്യപ്പെടുന്നത്
മൂന്നാം സീറ്റ് ഉഭയകക്ഷി ചര്ച്ചയിലൂടെ തീരുമാനിക്കുമെന്ന് മുസ്്ലിംലീഗ് ദേശീയ ജനറല് സെക്രട്ടറി പി.കെ കുഞ്ഞാലിക്കുട്ടി. എറണാകുളവും വടകരയും വയനാടും ഉള്പ്പെടെയുള്ള ചില സീറ്റുകളാണ് ആവശ്യപ്പെടുന്നത്. ഇക്കാര്യത്തില് അന്തിമതീരുമാനം എടുത്തിട്ടില്ല. അതേസമയം സിറ്റിംഗ് എം.പിയായ കെ.വി തോമസ് തുടര്ച്ചയായി മത്സരിക്കുന്ന എറണാകുളം കോണ്ഗ്രസ് ഒരുകാരണവശാലും വിട്ട് കൊടുക്കാന് സാധ്യതയില്ല. സഭകളാണ് എറണാകുളത്തെ യു.ഡി.എഫ് സ്ഥാനാര്ത്ഥിയെ തീരുമാനിക്കുന്നത്. അവരെ പിണക്കാന് കോണ്ഗ്രസ് ഒരുക്കമല്ല. സിറ്റിംഗ് എം.പിമാരെ മതസരിപ്പിക്കാന് കോണ്ഗ്രസ് തീരുമാനിച്ചിട്ടുണ്ട്. എന്നാല് കെ.വി തോമസിനെതിരെ യൂത്ത് കോണ്ഗ്രസ് പടയൊരുക്കം നടത്തുന്നുണ്ട്. മണ്ഡലത്തിലെ ആലുവ ഉള്പ്പെടെയുള്ള മേഖലകളില് മുസ്്ലിംലീഗിന് ഏറെ സ്വാധീനമുണ്ട്.
വടകരയില് മുസ്്ലിംലീഗിന് മോശമല്ലാത്ത രീതിയില് വോട്ടുള്ള മേഖലയാണ്. അവരുടെ കൂടെ പിന്തുണയോടെയാണ് ആര്.എം.പി ഒഞ്ചിയം പഞ്ചായത്തില് ജയിച്ചത്. മുല്ലപ്പള്ളി ഇത്തവണ മത്സരിക്കാനില്ലാത്ത സാഹചര്യത്തില് ആ സീറ്റും ലീഗ് ലക്ഷ്യം വയ്ക്കുന്നു. യൂത്ത് ലീഗ് പ്രവര്ത്തകനായ അരിയില് ഷുക്കൂറിനെ കൊന്ന കേസിലെ പ്രതിയായ പി.ജയരാജന് സി.പി.എമ്മിന് വേണ്ടി കളത്തിലിറങ്ങുമ്പോള് യു.ഡി.എഫിന് വേണ്ടി ലീഗ് സ്ഥാനാര്ത്ഥി മത്സരിച്ചാല് വലിയ വെല്ലുവിളി ഉയര്ത്താനാകുമെന്നും അതിലൂടെ മണ്ഡലം നിലനിര്ത്താനാകുമെന്നും ലീഗ് വിലയിരുത്തുന്നു. വടകരയില് ഇതുവരെ ആരെ മത്സരിപ്പിക്കണമെന്ന കാര്യത്തില് കോണ്ഗ്രസ് ഇതുവരെ തീരുമാനം എടുത്തിട്ടില്ല.
വയനാട് ഒരു ചെറിയ മുസ്്ലിംലീഗ് കോട്ടയാണ്. അവിടെ നിന്ന് ചുരമിറങ്ങി വന്ന കെ.എം ഷാജിയാണ് അഴിക്കോട് ഹരിതപതാക പാറിച്ചത്. കോണ്ഗ്രസിലെ എം.ഐ ഷാനവാസ് അന്തരിച്ചതിനാല് അവിടെ ആരെ മത്സരിപ്പിക്കണമെന്ന കാര്യത്തില് അന്തിമതീരുമാനം എടുത്തിട്ടില്ല. എസ്.ടി.യു നേതാവായ റഹ്മത്തുള്ളയെ അവിടെ മത്സരിപ്പിക്കാന് ലീഗിന് മോഹമുണ്ട്. സി.പി.ഐയിലായിരുന്നപ്പോള് റഹ്മത്തുള്ള വയനാട്ടില് നല്ല മത്സരം കാഴ്ചവെച്ചിരുന്നു. ഏത് സീറ്റായിരിക്കും കിട്ടുക എന്നത് കോണ്ഗ്രസുമായുള്ള ഉഭയകക്ഷി ചര്ച്ചയ്ക്ക് ശേഷമായിരിക്കും അന്തിമ തീരുമാനം ഉണ്ടാവുക. യു.ഡി.എഫിലെ ഏറ്റവും ശക്തമായ ഘടകക്ഷിയാണ് ലീഗ്. ലീഗിനെ പിണക്കി കോണ്ഗ്രസിന് മുന്നോട്ട് പോകാനാകില്ല. അതിനാല് അവരുടെ വെല്ലുവിളിയെ എങ്ങനെ പരിഹരിക്കാനാവും എന്ന് കാത്തിരുന്ന് കാണാം. രാഹുല് ഗാന്ധിയുമായുള്ള ചര്ച്ചയിലും മൂന്ന് സീറ്റ് വേണമെന്ന് ലീഗ് ആവശ്യപ്പെട്ടിരുന്നു.
കേരളത്തിലെ കോണ്ഗ്രസ് നേതൃത്വം ഉമ്മന്ചാണ്ടിയുടെ കയ്യിലായിരുന്നെങ്കില് ലീഗിന്റെ പ്രശ്നം അദ്ദേഹം ലളിതമായി പരിഹരിക്കുമായിരുന്നു. മുല്ലപ്പള്ളിയും ചെന്നിത്തലയും നയിക്കുന്ന യു.ഡി.എഫിനോട് ലീഗ് നേതൃത്വത്തിന് അത്ര താല്പര്യമില്ല. അതിനാല് ലീഗിന്റെ സമ്മര്ദ്ദത്തിന് പിന്നില് ഉമ്മന്ചാണ്ടിയുടെ കളിയുണ്ടോ എന്നും സംശയമുണ്ട്. ഉമ്മന്ചാണ്ടിയെ ലോക്സഭയിലേക്ക് മത്സരിപ്പിക്കണമെന്ന ആവശ്യം ഉയര്ന്നപ്പോള് തന്നെ ലീഗ് നേതൃത്വം അതൃപ്തി അറിയിച്ചിരുന്നെന്നാണ് വിവരം. ചെന്നിത്തലയുടെ നേതൃത്വത്തില് അടുത്ത നിയമസഭാ തെരഞ്ഞെടുപ്പിനെ നേരിട്ടാല് വലിയ തിരിച്ചടിയുണ്ടാകുമെന്നും ലീഗ് വിലയിരുത്തുന്നുണ്ട്. അതേസമയം മൂന്നാംസീറ്റ് ചോദിച്ച് വിലപേശിയ ശേഷം നിയമസഭാ തെരഞ്ഞെടുപ്പില് കൂടുതല് സീറ്റുകള് വാങ്ങുകയാണ് ലീഗിന്റെ തന്ത്രമെന്നും ആരോപണമുണ്ട്.
https://www.facebook.com/Malayalivartha
