യുവാവ് ശരീരത്ത് സ്ഫോടക വസ്തുക്കള് വെച്ചുകെട്ടി മറ്റൊരു വീട്ടില് കയറി പൊട്ടിത്തെറിച്ചു, വീട്ടമ്മയും യുവാവും കൊല്ലപ്പെട്ടു.
യുവാവ് ശരീരത്ത് സ്ഫോടക വസ്തുക്കള് വെച്ചുകെട്ടി മറ്റൊരു വീട്ടില് കയറി പൊട്ടിത്തെറിച്ചു. വീട്ടമ്മയും യുവാവും കൊല്ലപ്പെട്ടു. വയനാട് സ്വദേശികളായ ബെന്നിയും അംലയുമാണ് കൊല്ലപ്പെട്ടത്. നായ്ക്കട്ടി സ്വദേശിയായ ബെന്നിയാണ് സ്ഫോടക വസ്തുക്കള് ശരീരത്ത് വെച്ച്കെട്ടി എളവന് നാസറിന്റെ വീട്ടില് പാഞ്ഞ് കയറിയത്. ഇന്ന് ഉച്ചയോടെയാണ് സംഭവം. ആത്മഹത്യയാണെന്നാണ് പ്രാഥമിക നിഗമനം. ഉഗ്രസ്ഫോടന ശബ്ദം കേട്ട് നാട്ടുകാര് ഓടിക്കുടി. നാട്ടുകാര് അറിയിച്ചതിെ തുടര്ന്ന് പൊലീസും ഫയര്ഫോഴ്സും സ്ഥലത്തെത്തി. പൊലീസ് കേസെടുത്ത് അന്വേഷണം തുടങ്ങി. വീടിന്റെ ഒരു ഭാഗം തകര്ന്നിട്ടുണ്ട്. അവിടേക്കുള്ള പ്രവേശനം നിയന്ത്രിച്ചിരിക്കുകയാണ്. സംഭവത്തെ കുറിച്ച് പ്രദേശവാസികളോട് ഉള്പ്പെടെ പൊലീസ് അന്വേഷിച്ച് വരുകയാണ്.
രാജ്യത്തെ മറ്റ് ചില സംസ്ഥാനങ്ങളില് ചാവേര് ആക്രമണങ്ങള് നടന്നിട്ടുണ്ടെങ്കിലും അത് ഏതെങ്കിലും തീവ്രവാദ സംഘടനകളാണ് അതൊക്കെ നടത്തിയിരുന്നത്. എന്നാല് ഒരു വ്യക്തി പക വീട്ടാന് ഇത്തരത്തില് ആക്രമണം നടത്തുന്നത് ആദ്യമായാണ്. മാവോയിസ്റ്റ് ഭീഷണി നിലനില്ക്കുന്ന വയനാട്ടില് ഇത്തരത്തിലൊരു ആക്രമണം നടന്നത് സംസ്ഥാന പൊലീസിനെ ഞെട്ടിച്ചിട്ടുണ്ട്. സ്ഫോടക വസ്തുക്കള് എവിടെ നിന്ന് സമാഹരിച്ചെന്നും അന്വേഷണം നടത്തിവരുകയാണ്. നിരവധി ക്വാറികളുള്ള പ്രദേശമാണ് വയനാട്. അതിനാല് ആ രീതിയിലും അന്വേഷണം നടക്കുന്നുണ്ട്.
മീന് പിടിക്കാന് പുഴകളില് എറിയുന്ന തോട്ടയോ പടക്കമോ ആണ് സ്ഫോടനത്തിന് ഉപയോഗിച്ചതെന്ന് പൊലീസ് പറയുന്നു. കോഴിക്കോട് മൈസൂര് ദേശീയപാതയ്ക്ക് അരികിലാണ് സ്ഫോടനം നടന്ന വീട്. ഇന്ന് ഉച്ചക്ക് ഒന്നരയോടെയാണ് സംഭവം. വിവരമറിഞ്ഞ് നാട്ടിലുള്ളവരെല്ലാം ഇവിടെ തമ്പടിച്ചിട്ടുണ്ട്. അംലയുടെയും ബെന്നിയുടെയും മൃതദേഹം ചിന്നിച്ചിതറിയ നിലയിലാണെന്ന് നാട്ടുകാരില് ചിലര് പറയുന്നു. ഫര്ണിച്ചര് കട നടത്തിവരുകയായിരുന്നു ബെന്നിയെന്ന് നാട്ടുകാര് പറയുന്നു. മൂന്ന് കിലോമീറ്റര് അകലെ താമസിക്കുന്ന എര്ലോട്ട് ക്കുന്ന് പെരിങ്ങാട്ടേല് ബെന്നി നൂല്പ്പുഴ പഞ്ചായത്ത് ഓഫീസിന് സമീപം താമസിക്കുന്ന എളവന് നാസറിന്റെ വീട്ടില് വന്ന് ചാവേര് ആകാനുള്ളതിന്റെ കാരണം ഇതുവരെ വ്യക്തമല്ല. അതേസമയം ഇരുവരും ശരീരത്തില് തോട്ട കെട്ടിവെച്ച് ആത്മഹത്യ ചെയ്തതാണെന്നും അറിയുന്നു.
https://www.facebook.com/Malayalivartha
