അന്തര് സംസ്ഥാന ലക്ഷ്വറി ബസുകള് മലബാറില് നടത്തുന്ന പണിമുടക്ക് കണ്ട് ഭയന്ന് മോട്ടോര് വാഹന വകുപ്പ് നടത്തുന്ന പരിശോധനകളില് നിന്ന് പിന്മാറില്ലെന്ന് ഗതാഗത മന്ത്രി
അന്തര് സംസ്ഥാന ലക്ഷ്വറി ബസുകള് മലബാറില് നടത്തുന്ന പണിമുടക്ക് കണ്ട് ഭയന്ന് മോട്ടോര് വാഹന വകുപ്പ് നടത്തുന്ന പരിശോധനകളില് നിന്ന് പിന്മാറില്ലെന്ന് ഗതാഗത മന്ത്രി എ.കെ ശശീന്ദ്രന്. കര്ണാടകയുമായി ചര്ച്ച നടത്തി കൂടുതല് ബസുകള് നിരത്തിലിറക്കും. യാത്രക്കാരുടെ യാത്രക്ലേശം കുറക്കാനുള്ള നടപടികള് ഉണ്ടാവുമെന്നും ശശീന്ദ്രന് പറഞ്ഞു. കേരള, കര്ണാടക റോഡ് ട്രാന്സ്പോര്ട്ട് കോര്പ്പറേഷനുകള് 16 ബസുകള് അധികമായി സര്വീസ് നടത്തും.
സ്കാനിയ ബസുകള് കരാര് അടിസ്ഥാനത്തില് ഓടിക്കാനുള്ള ശ്രമങ്ങള് ആരംഭിച്ചിട്ടുണ്ടെന്നും എ.കെ ശശീന്ദ്രന് വ്യക്തമാക്കി. മിന്നല് പരിശോധനയില് പ്രതിഷേധിച്ചാണ് മലബാര് മേഖലയിലെ അന്തര് സംസ്ഥാന ലക്ഷ്വറി ബസുകള് പണിമുടക്കിയത്.
പണിമുടക്കിനെ തുടര്ന്ന് നൂറ് കണക്കിന് യാത്രക്കാര് ദുരിതത്തിലായിരുന്നു. കേരള, കര്ണാടക സ്റ്റേറ്റ് ബസുകള് കൂടുതല് സര്വീസുകള് നടത്തിയാണ് പ്രശ്നം പരിഹരിച്ചത്. കല്ലട ബസില് യാത്രക്കാര്ക്ക് മര്ദനമേറ്റതിനെ തുടര്ന്നാണ് മോട്ടോര് വാഹന വകുപ്പ് ബസുകളില് പരിശോധനകള് കര്ശനമാക്കിയത്. പരിശോധനകളില് ക്രമക്കേട് കണ്ടെത്തിയിരുന്നു.
https://www.facebook.com/Malayalivartha
