ദുരിതാശ്വാസ പ്രവർത്തനങ്ങളും രക്ഷാ ദൗത്യത്തെ സഹായിക്കാന്‍ കേരള ഐ ടി മിഷന്റെ keralarescue.in വെബ് സൈറ്റ് സജ്ജമായി. രക്ഷാപ്രവര്‍ത്തനത്തേയും ദുരിതാശ്വാസ പ്രവര്‍ത്തനങ്ങളേയും സഹായിക്കുന്നതിനാണ് വെബ് സൈറ്റ്. വളണ്ടിയറായി സേവനം നല്‍കാന്‍ താത്പര്യമുള്ളവര്‍ക്ക് വെബ് സൈറ്റ് ഉപയോഗിച്ച് രജിസ്റ്റര്‍ ചെയ്യാം. 

ഓരോ ജില്ലയിലും പ്രവർത്തിക്കുന്ന ദുരിതാശ്വാസ ക്യാമ്പുകളുടെ വിവരങ്ങളും അവരുടെ ആവശ്യങ്ങളും അറിയാനുള്ള സംവിധാനം, അവശ്യ സാധനങ്ങൾ നൽകുന്നത് സംബന്ധിച്ചുള്ള വിവരങ്ങൾ എന്നിവ ഈ സൈറ്റില്‍ ലഭ്യമാണ്. ഓരോ ജില്ലകളിലുമുള്ള ആവശ്യങ്ങളും അവ എത്തിക്കേണ്ട സ്ഥലങ്ങളും അറിയാനുള്ള സംവിധാനം, സഹായം ആവശ്യമായ സ്ഥലങ്ങളുടെ വിവരങ്ങൾ എന്നിവ ജിയോ ലൊക്കേഷനായി ആയി മാപ്പി നുള്ളിൽ കാണാൻ സാധിക്കും. ദുരിതാശ്വാസ പ്രവത്തനങ്ങൾക്ക് നേതൃത്വം നൽകുന്ന ഉദ്യോഗസ്ഥരെ ബന്ധപ്പെടാനുള്ള വിവരങ്ങൾ, സർക്കാൽ പുറപ്പെടുവിച്ച അറിയിപ്പുകൾ, റിലീഫ് / കളക്ഷൻ സെന്ററുകളുടെ വിവരങ്ങൾ എന്നിവയും ഈ വെബ് സൈറ്റില്‍ ലഭ്യമാണ്.