പ്രളയത്തെത്തുടര്ന്നു വീട് വൃത്തിയാക്കി ഉറങ്ങാന് കിടന്ന വിദ്യാര്ഥി മരിച്ചു... കടുത്ത തലവേദന അനുഭവപ്പെട്ടതിനെ തുടര്ന്ന് ആശുപത്രിയിലെത്തിച്ചെങ്കിലും രക്ഷിക്കാനായില്ല
പ്രളയത്തെത്തുടര്ന്നു വീട് വൃത്തിയാക്കി ഉറങ്ങാന് കിടന്ന വിദ്യാര്ഥി മരിച്ചു. ചുങ്കത്തറ കൈപ്പിനി അന്പലപൊയില് സ്വദേശി ഗിരീഷിന്റെ മകന് ആദര്ശ് (10) ആണ് മരിച്ചത്. കൈപ്പിനി അന്പലപൊയില് ദുരിതാശ്വാസ ക്യാന്പിലായിരുന്ന ആദര്ശിന്റെ കുടുംബം തിങ്കളാഴ്ചയാണ് വീട്ടിലേക്കു മടങ്ങിയത്. തുടര്ന്നു വീട് വൃത്തിയാക്കി രാത്രി പത്തോടെ ഉറങ്ങാന് കിടന്ന കുട്ടിക്കു കഠിനമായ തലവേദന അനുഭവപ്പെട്ടു.
അരമണിക്കൂര് കഴിഞ്ഞപ്പോള് വേദന കടുത്തതോടെ കുട്ടിയെ മാതാപിതാക്കള് നിലന്പൂര് ജില്ലാശുപത്രിയിലെത്തിച്ചു. കൈപ്പിനി പാലം തകര്ന്നതിനാല് പൂക്കോട്ടുമണ്ണ വഴിയാണ് ആശുപത്രിയിലെത്തിച്ചത്.
രണ്ടര കിലോമീറ്റര് മാത്രം സഞ്ചരിച്ചാല് എത്തേണ്ട സ്ഥാനത്ത് 12 കിലോമീറ്റര് അധികം സഞ്ചരിച്ചാണ് ഇവര് ആശുപത്രിയിലെത്തിയത്. പാന്പ് കടിയേറ്റെന്ന് സംശയമുയരുന്നുണ്ടെങ്കിലും സ്ഥിരീകരിച്ചിട്ടില്ല. അതേസമയം സമയത്ത് എത്തിക്കാന് കഴിഞ്ഞിരുന്നെങ്കില് ജീവന് രക്ഷിക്കാനാകുമായിരുന്നുവെന്ന് ആശുപത്രി അധികൃതര് അറിയിച്ചു. ചുങ്കത്തറ വിശ്വഭാരതി സ്കൂളിലെ നാലാം ക്ലാസ് വിദ്യാര്ഥിയാണ് ആദര്ശ്. മൃതദേഹം നിലമ്പൂര് ജില്ലാ ആശുപത്രി മോര്ച്ചറിയില്.
"
https://www.facebook.com/Malayalivartha
