ബിജെപി സംസ്ഥാന അധ്യക്ഷ പദവിയിലേക്ക് ആരാകും എന്ന അനിശ്ചിതത്വം നിലനില്‍ക്കവെ പാര്‍ട്ടി അധ്യക്ഷന്‍ അമിത് ഷാ സുരേഷ് ഗോപിയുമായി കൂടിക്കാഴ്ച നടത്തുന്നത് ആകാംക്ഷ ഉണർത്തുന്നു . സിനിമാ ചിത്രീകരണത്തിന്റെ തിരക്കുകളില്‍ ആയിരുന്ന താരത്തെ അമിത് ഷാ ഡല്‍ഹിയിലേക്ക് തിരക്കിട്ട വിളിപ്പിച്ചത് എന്തിനെന്ന അഭ്യൂഹത്തിലാണ് അണികൾ ..അത് പക്ഷെ മറ്റൊന്നിനുമല്ല, ഒന്നുകിൽ ബി ജെ പി യുടെ സംസ്ഥാന അധ്യക്ഷൻ അല്ലെങ്കിൽ കേന്ദ്രമന്ത്രി സ്ഥാനം സുരേഷ് ഗോപിക്ക് ലഭിക്കും എന്ന് തന്നെയാണ് ഇപ്പോൾ അണിയറ സംസാരം

ലോക്സഭാ തെരഞ്ഞെടുപ്പില്‍ തൃശ്ശൂരില്‍ സുരേഷ് ഗോപി വന്‍ ജനപ്രീതി സൃഷ്ടിച്ചത് ബിജെപി അധ്യക്ഷന് താരത്തിനോടുള്ള മതിപ്പ് വർധിക്കാൻ കാരണമായിട്ടുണ്ട് . കേരളത്തിൽ ബി ജെ പി ക്ക് വേരുറപ്പിക്കാൻ സുരേഷ് ഗോപിക്ക് കഴിയുമെന്നാണ് അമിത് ഷാ കണക്കുകൂട്ടുന്നത് . ലോക്സഭാ തെരഞ്ഞെടുപ്പില്‍ തൃശ്ശൂരില്‍ സുരേഷ് ഗോപി വന്‍ ജനപ്രീതി സൃഷ്ടിച്ചുവെന്ന റിപ്പോര്‍ട്ടാണ് അമിത് ഷായ്ക്ക് താരത്തോട് താത്പര്യം ഉണ്ടാകാന്‍ പ്രധാന കാരണം . മാത്രമല്ല മോദിക്കും സുരേഷ് ഗോപി സ്വീകാര്യമാണ് എന്നത് എടുത്തുപറയേണ്ട കാര്യമാണ്

കേന്ദ്രമന്ത്രി വി മുരളീധരന്‍ ക്യാമ്പ് ഉയര്‍ത്തിക്കാട്ടുന്ന കെ സുരേന്ദ്രന് ലോക്സഭാ തെരഞ്ഞെടുപ്പിലും ഉപതെരഞ്ഞെടുപ്പിലും ഏറ്റ കനത്ത തോല്‍വികള്‍ കനത്ത വെല്ലുവിളിയാണ് ഉയര്‍ന്നുന്നത്. മഞ്ചേശ്വരം വിട്ട് കോന്നിയിലേക്ക് വണ്ടി കയറിയ സുരേന്ദ്രന്‍ ഉപതെരഞ്ഞെടുപ്പില്‍ മൂന്നാം സ്ഥാനത്തേക്ക് തള്ളപ്പെടുകയായിരുന്നു. ശബരിമല വിഷയം തുണയ്ക്കുമെന്ന് കരുതിയെങ്കിലും അത് ഗുണം ചെയ്തില്ല. അതുകൊണ്ടു തന്നെ ജനപ്രിയനായ സുരേഷ് ഗോപിക്ക് കേരളത്തിൽ നേട്ടമുണ്ടാക്കാൻ കഴിയും എന്ന് തന്നെയാണ് നേതൃത്വം കരുതുന്നത്

ബിജെപി അധ്യക്ഷനായിരുന്ന പി എസ് ശ്രീധരന്‍പിള്ളയെ മിസ്സോറാം ഗവര്‍ണറായി നിയമിച്ചതോടെ സുരേഷ് ഗോപി, കെ സുരേന്ദ്രന്‍, എം ടി രമേശ്, ശോഭാ സുരേന്ദ്രന്‍ എന്നിവരുടെ പേരുകളാണ് ഉയര്‍ന്നുവരുന്നത്.

എന്നാല്‍, സുരേഷ് ഗോപിയെ ബിജെപി സംസ്ഥാന അധ്യക്ഷനായി നിയമിക്കാന്‍ ബിജെപി അധ്യക്ഷന് താത്പര്യമുണ്ടെന്ന് വാര്‍ത്തകള്‍ പുറത്തുവന്നിരുന്നു. മാത്രമല്ല, ഏതെങ്കിലും രീതിയില്‍ അധ്യക്ഷപദവിയിലേക്ക് സുരേഷ് ഗോപിയ്ക്ക് തടസ്സം വന്നാല്‍ കേന്ദ്രമന്ത്രി സഭയില്‍ താരത്തെ ഉള്‍പ്പെടുത്തുമെന്നാണ് സൂചന.

പാര്‍ലമെന്റിന്റെ ശീതകാലസമ്മേളനത്തിന് മുമ്പ് കേന്ദ്രമന്ത്രിസഭയുടെ വികസനം ഉണ്ടാകും. ഇതില്‍ സുരേഷ് ഗോപിയ്ക്ക് അവസരം ലഭിക്കാന്‍ സാധ്യത ഉണ്ടെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. അങ്ങിനെയെങ്കിൽ ബി ജെ പി മന്ത്രിസഭയിൽ മുരളീധരനോടൊപ്പം സുരേഷ് ഗോപിക്ക് കൂടി മന്ത്രി സ്ഥാനം ഉണ്ടാകും എന്നാണു കണക്കുകൂട്ടൽ.