ബത്തേരിയില് പാമ്പുകടിയേറ്റ് വിദ്യാര്ത്ഥിനി മരിച്ച സംഭവം: ഡോക്ടറെ സസ്പെന്ഡ് ചെയ്ത് അന്വേഷണം നടത്താന് മന്ത്രിയുടെ ഉത്തരവ്
വയനാട് സുല്ത്താന് ബത്തേരി ഗവ. സ്കൂളിലെ അഞ്ചാം ക്ലാസ് വിദ്യാര്ത്ഥിനിയായ ഷെഹലാ ഷെറിന് പാമ്പുകടിയേറ്റ് മരിച്ച സംഭവത്തില് ബത്തേരി താലൂക്ക് ആശുപത്രിയിലെ ഡോക്ടറെ സസ്പെന്ഡ് ചെയ്ത് അന്വേഷണം നടത്താന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് ആരോഗ്യ വകുപ്പ് ഡയറക്ടര്ക്ക് നിര്ദേശം നല്കി. സംഭവത്തില് സ്കൂളിന്റെ ഭാഗത്ത് വീഴ്ച്ച പറ്റിയിട്ടുണ്ട്. സ്കൂള് കെട്ടിടം പുതുക്കിപ്പണിയാന് നേരത്തേ പണം അനുവദിച്ചിരുന്നെന്നും കുഴികള് അടയ്ക്കാന് നിര്ദ്ദേശം നല്കിയെന്നും വിദ്യാഭ്യാസ വകുപ്പ് മന്ത്രി പ്രൊഫ. സി രവീന്ദ്രനാഥ്
പറഞ്ഞു. ചെരുപ്പിടാതെ ക്ലാസില് കയറണമെന്ന ഒരു നിര്ദ്ദേശവും നിലവിലില്ല. സംഭവം ആവര്ത്തിക്കാതിരിക്കാന് ആവശ്യമായ എല്ലാ നടപടികളും കൈക്കൊള്ളുമെന്നും അദ്ദേഹം പറഞ്ഞു. പ്രാഥമിക റിപ്പോര്ട്ടിന്റെ അടിസ്ഥാനത്തിലാണ് അദ്ധ്യാപകനെ സസ്പെന്ഡ് ചെയ്തതെന്നും മന്ത്രി ചൂണ്ടിക്കാട്ടി.
https://www.facebook.com/Malayalivartha
