തീരദേശനിയമം ലംഘിച്ച് നിര്മിച്ച മരടിലെ ഫ്ളാറ്റ് സമുച്ചയങ്ങള് പൊളിക്കാത്തതുമായി ബന്ധപ്പെട്ട് സ്വമേധയാ രജിസ്റ്റര്ചെയ്ത കേസും മേജര് രവിയുടെ കോടതിയലക്ഷ്യ ഹര്ജിയും ഇന്ന് സുപ്രീംകോടതിയുടെ പരിഗണനയില്
തീരദേശനിയമം ലംഘിച്ച് നിര്മിച്ച മരടിലെ ഫ്ളാറ്റ് സമുച്ചയങ്ങള് പൊളിക്കാത്തതുമായി ബന്ധപ്പെട്ട് സ്വമേധയാ രജിസ്റ്റര്ചെയ്ത കേസും മേജര് രവിയുടെ കോടതിയലക്ഷ്യ ഹര്ജിയും ഇന്ന് സുപ്രീംകോടതിയുടെ പരിഗണനയില്. ഫ്ളാറ്റുകള് പൊളിക്കാന് ഉത്തരവിട്ട ജസ്റ്റിസ് അരുണ് മിശ്രയുടെ ബെഞ്ചാണ് രണ്ട് കേസുകളും പരിഗണിക്കുന്നത്. ഉത്തരവ് നടപ്പാക്കുന്നതില് വീഴ്ചവരുത്തിയതിന് ചീഫ് സെക്രട്ടറി ടോം ജോസിനെ സുപ്രീംകോടതി വിളിച്ചുവരുത്തിയിരുന്നു. തുടര്ന്ന്, ഫ്ളാറ്റുകള് എപ്പോള് പൊളിക്കുമെന്ന വിശദമായ പദ്ധതി സംസ്ഥാനസര്ക്കാര് സമര്പ്പിച്ചു.
ഇതിനിടെ, ഒന്നിലേറെ കോടതിയലക്ഷ്യ ഹര്ജികളും സുപ്രീംകോടതിയിലെത്തി. മരട് ഫ്ളാറ്റുകള് തീരദേശനിയമം ലംഘിച്ചത് പരിശോധിക്കാന് നിയോഗിച്ച സമിതിക്കും ചീഫ് സെക്രട്ടറിക്കുമെതിരേയാണ് പരാതികള്. ഗോള്ഡന് കായലോരം അപ്പാര്ട്ട്മെന്റിലെ താമസക്കാര് നല്കിയ കോടതിയലക്ഷ്യ ഹര്ജിയില് അറ്റോണി ജനറല് കെ.കെ. വേണുഗോപാല് തീരുമാനമെടുത്തിരുന്നില്ല. കോടതിയലക്ഷ്യ ഹര്ജിക്ക് അറ്റോണി ജനറലിന്റെ പ്രാഥമികാനുമതി ആവശ്യമാണ്. വേഗത്തില് തീരുമാനമെടുക്കാന് അദ്ദേഹത്തിന് നിര്ദേശം നല്കണമെന്നാവശ്യപ്പെട്ട് ഗോള്ഡന് കായലോരത്തിലെ താമസക്കാര് റിട്ട് ഹര്ജിയും നല്കിയിരുന്നു. ഈ ഹര്ജി ഇതുവരെ ലിസ്റ്റ് ചെയ്തിട്ടില്ല.
https://www.facebook.com/Malayalivartha
