പൗരത്വ നിയമ ഭേദഗതിക്കെതിരെ സംസ്ഥാന നിയമസഭ പ്രമേയം പാസാക്കാനുള്ള സാധ്യതയേറുന്നു.. ഇതിനായി അടിയന്തര സഭാ സമ്മേളനം വിളിച്ചു ചേർക്കാനാണ് സർക്കാർ നീക്കം .എന്തുതന്നെ സംഭവിച്ചാലും പൗരത്വ ഭേദഗതി ബില് കേരളത്തിൽ നടപ്പിലാക്കില്ല എന്നാണ് പിണറായി വിജയൻറെ നിലപാട്.ദേശീയ ജനസംഖ്യാ രജിസ്റ്റര്‍ തയ്യാറാക്കുന്നതിനുള്ള നടപടികളില്‍ നിന്ന് വിട്ട് നില്‍ക്കുമെന്നും കേരള മുഖ്യമന്ത്രി പിണറായി വിജയൻ പ്രഖ്യാപിച്ചിരുന്നു.ദേശീയ ജനസംഖ്യാ റജിസ്റ്ററിനായി തയ്യാറാക്കിയ ചോദ്യാവലി പൗരത്വ ബില്ലിനുള്ള മുന്നോടിയാണെന്ന ആരോപണവുമായി വിവിധ രാഷ്ട്രീയ നേതാക്കൾ എത്തിയതിനു പിന്നാലെയായിരുന്നു പിണറായിയുടെ പ്രസ്താവന.

പൗരത്വ നിയമ ഭേദഗതിക്ക് കേരളം എതിരെന്ന സന്ദേശം നൽകാൻ സാധ്യമായ എല്ലാ വഴികളും തേടുകയാണ് സംസ്ഥാന സർക്കാർ. നിയമ ഭേദഗതിക്കെതിരെ പ്രമേയം പാസാക്കാൻ പ്രത്യേക നിയമസഭാ സമ്മേളനം വിളിക്കുന്ന കാര്യമാണ് സർക്കാരിന്റെ സജീവ പരിഗണനയിലുളളത്. പട്ടികജാതി- പട്ടിക വർഗ വിഭാഗങ്ങൾക്ക് ലോക്‌സഭയിലും നിയമസഭകളിലും സംവരണം പത്തു വർഷത്തേക്ക് കൂടി നീട്ടിയ കേന്ദ്ര തീരുമാനത്തിന് നിയമസഭയുടെ അംഗീകാരം നൽകേണ്ടതുണ്ട്. ഇതിനായി സഭാ സമ്മേളനം ചേരും.

ഇന്ന് വൈകിട്ട് 3 മണിക്ക് ചേരുന്ന സംസ്ഥാന മന്ത്രിസഭാ യോഗം സഭാ സമ്മേളനത്തിൽ തീയതി നിശ്ചയിക്കും. സമ്മേളനത്തിൽ പൗരത്വ ബില്ലിനെതിരെ പ്രമേയം പാസാക്കാനാണ് സർക്കാർ നീക്കം. പൗരത്വ നിയമ ഭേദഗതിക്കെതിരെ ഭരണ പ്രതിപക്ഷ നേതാക്കൾ സംയുക്ത ധർണ നടത്തിയിരുന്നു. പിന്നാലെ മുഖ്യമന്ത്രി സർവകക്ഷി യോഗവും മത – സാമൂഹ്യ സംഘടന നേതാക്കളുടെ യോഗവും വിളിച്ചു. ഇതിന്റെ തുടർച്ചയായി നിയമസഭയുടെ പൊതുവികാരവും നിയമ ഭേദഗതിക്ക് എതിരെന്ന് അറിയിക്കുകയാണ് സർക്കാർ ലക്ഷ്യം’

കേന്ദ്ര തീരുമാനങ്ങൾ നടപ്പിലാക്കാൻ കേരളം മടി കാണിച്ചാൽ അതിന്റെ ഭവിഷ്യത്തിനും കേരളം സാക്ഷ്യം വഹിക്കേണ്ടി വരുമെന്നത് യാഥാർഥ്യമാണ്.കാരണം കേന്ദ്രത്തിന്റെ ആനുകൂല്യങ്ങൾ ലഭിക്കാതെ കേരളത്തിന് മുന്നോട്ടു പോകുക ദുഷ്കരമാണ്. പൊതുവിതരണ സമ്പ്രദായമായ റേഷൻ അടക്കം കേരളത്തിന്റെ എന്നല്ല ഇതരസംസ്ഥാനങ്ങളും പ്രവർത്തിക്കുന്നത് കേന്ദ്ര ഫണ്ടോടു കൂടിയാണ്. പ്രധാന മന്ത്രി കിസാൻ യോജന, മുദ്ര ലോൺ,ജൻധൻയോജന,സഡക് യോജന തുടങ്ങി നിരവധി ആനുകൂല്യങ്ങൾ കേരളത്തിനുലഭിക്കുന്നുണ്ട്. ജനസംഖ്യ കണക്കിനനുസരിച്ചാണ് ഇത്തരം അനുകൂല്യങ്ങൾക്കുള്ള ഫണ്ട് ഗവണ്മെന്റ് അനുവദിക്കുന്നത്.

ഈ സാഹചര്യത്തിൽ കേന്ദ്രത്തോട് ഭരണഘടനാപരമായ വെല്ലുവിളികൾ ഉയർത്തി എത്ര ദൂരം മുന്നോട്ടു പോകാൻ സാധിക്കും എന്നത് .നിർണായകമാണ്.കേരളത്തിനും കേന്ദ്രത്തിനും ഇടയിലുള്ള നിർണായക കണ്ണിയാണ് ഗവർണർ. ഗവര്ണരിന്റെ നിലപാടുകളെ എതിർക്കുന്നതും അത്ര നല്ല കാര്യമല്ല.
പിണറായി സർക്കാരിന്റെ കാലാവധി അവസാനിക്കാനിരിക്കെ കേന്ദ്രത്തെയും കേരളത്തിലെ കേന്ദ്ര പ്രതിനിധിയായ ഗവര്ണരെയുംപിണക്കുന്നത് എത്രത്തോളം ഗുണകരമായിരിക്കും എന്നതും നിർണായകമാണ്.