പ്രമേയത്തെ എതിര്ക്കാതിരുന്നത് മനപൂര്വം; പൗരത്വ ഭേദഗതിക്കെതിരായ നിയമസഭ പ്രമേയത്തെ എതിര്ക്കാതിരുന്നത്തിന്റെ കാരണം വെളിപ്പെടുത്തി ബിജെപി എംഎല്എ ഒ. രാജഗോപാല്
പൗരത്വ ഭേദഗതിക്കെതിരായ നിയമസഭ പ്രമേയത്തെ എതിര്ക്കാതിരുന്നത്തിന്റെ കാരണം വെളിപ്പെടുത്തി ബിജെപി എംഎല്എ ഒ. രാജഗോപാല്. പ്രമേയത്തെ എതിര്ക്കാതിരുന്നത് ഒരാളുടെ എതിര്പ്പിന് പ്രസക്തിയില്ലെന്നുകണ്ടാണെന്ന് ഒ. രാജഗോപാല് പറഞ്ഞു. പ്രമേയത്തില് വോട്ടെടുപ്പ് ആവശ്യപ്പെടാത്തത് മനപൂര്വമായിരുന്നു. ഒരാളുടെ എതിര്പ്പിന് പ്രസക്തിയില്ലെന്ന് തോന്നി. അതിനാലാണ് പ്രമേയത്തെ എതിര്ക്കാതിരുന്നതെന്നും അദ്ദേഹം പറഞ്ഞു.
ആഗ്ലോ ഇന്ത്യന് പ്രാതിനിധ്യം അവസാനിപ്പിച്ചതില് വിഷമമുണ്ടെന്നും അദ്ദേഹം കൂട്ടിച്ചേര്ത്തു. അതുകൊണ്ടാണ് ഈ പ്രമേയത്തെയും എതിര്ക്കാതിരുന്നതെന്നും രാജഗോപാല് പറഞ്ഞു.
കഴിഞ്ഞ ദിവസമാണ് പൗരത്വ നിയമ ഭേദഗതി പിന്വലിക്കണമെന്നാവശ്യപ്പെട്ട് കേരള നിയമസഭയിൽ പ്രമേയം പസാക്കിയത്. ചൊവ്വാഴ്ച ചേര്ന്ന പ്രത്യേക നിയമസഭ സമ്മേളനത്തിലായിരുന്നു തിരുമാനം. ഭരണ-പ്രതിപക്ഷം നിയമത്തിനെതിരെ നിയമസഭയില് ശക്തമായി രംഗത്തുവന്നു. ബിജെപി അംഗമായ ഒ രാജഗോപാല് ഒഴികെ മറ്റെല്ലാ എംഎല്എമാരും പ്രമേയത്തെ അനുകൂലിച്ച് വോട്ട് ചെയ്തു. പൗരത്വ ഭേദഗതിക്കെതിരായ നിയമസഭ പ്രമേയത്തെ ഒ. രാജഗോപാല് എതിര്ത്തിരുന്നില്ല. ചര്ച്ചയ്ക്കു ശേഷം പ്രമേയത്തെ അനുകൂലിക്കുന്നവരും പ്രതികൂലിക്കുന്നവരും കൈ ഉയര്ത്താന് ആവശ്യപ്പെട്ടപ്പോള് രാജഗോപാല് പ്രതികരിച്ചില്ല.
https://www.facebook.com/Malayalivartha