വീട്ടമ്മയുടെ ബാഗ് മോഷ്ടിച്ചെന്ന പരാതിയില്‍ പൊലീസ് ഉദ്യോഗസ്ഥന്‍ ഉള്‍പ്പെടെ 2 പേര്‍ പൊലീസിന്റെ പിടിയിലാകുമ്പോൾ പുറത്തേക്ക് വരുന്നത് ഏറെ ഞെട്ടിക്കുന്ന വിവരം തന്നെയാണ്. പാലക്കാട് ഹേമാംബിക നഗര്‍ സ്റ്റേഷനിലെ സിവില്‍ പൊലീസ് ഓഫിസറും പുതുനഗരം സ്വദേശിയുമായ മുഹമ്മദ് ബൂസരി (42), ചിറ്റൂര്‍ തറക്കളം സി. പ്രദീഷ് (33) എന്നിവരെയാണു പൊലീസ് അറസ്റ്റ് ചെയ്തത് തന്നെ. ഇവര്‍ക്കൊപ്പമുണ്ടായിരുന്ന ഇടുക്കി സ്വദേശി വിനു കടന്നുകളഞ്ഞതായി പൊലീസ് വ്യക്തമാക്കുകയുണ്ടായി. ഇതേതുടർന്ന് മുഹമ്മദ് ബൂസരിയെ സസ്പെന്‍ഡ് ചെയ്തിട്ടുണ്ട്.

ഇന്നലെ ഉച്ചയ്ക്കു രണ്ടരയോടെ അണിക്കോട് കടമ്ബിടിക്കു സമീപത്തായിരുന്നു സംഭവം നടന്നത് തന്നെ. സ്കൂട്ടറിലെത്തിയ തത്തമംഗലം മേട്ടുപ്പാളയം മീനിക്കോട് വീട്ടില്‍ ജയന്റെ ഭാര്യ സിന്ധു വഴിയോരക്കച്ചവടക്കാരനില്‍ നിന്ന് ഇളനീര്‍ വാങ്ങിക്കുടിക്കുകയുണ്ടായി. പിടിയിലായവർ ഈ സമയത്ത് കാറില്‍ സ്ഥലത്തുണ്ടായിരുന്നതായാണ് യുവതി മൊഴി നൽകിയിട്ടുള്ളത്. അങ്ങനെ സിന്ധു ഇളനീരിന്റെ പണം കൊടുക്കാന്‍ നോക്കിയപ്പോള്‍ സ്കൂട്ടറില്‍ തൂക്കിയിട്ടിരുന്ന ബാഗ് കണ്ടില്ല.

അതോടൊപ്പം തന്നെ ഈ സമയം ഇവര്‍ മാത്രമാണു സംഭവസ്ഥലത്തുണ്ടായിരുന്നതെന്നു സിന്ധു പറഞ്ഞു. ഇതേതുടര്‍ന്നു നടത്തിയ പരിശോധനയിലാണു പ്രതികള്‍ പിടിയിലായത്. സിന്ധുവിന്റെ ബാഗിലുണ്ടായിരുന്ന അര പവന്റെ ലോക്കറ്റ് ചിറ്റൂരിലെ തന്നെ സ്വര്‍ണക്കടയില്‍ വിറ്റു പണം വാങ്ങിയതായി പൊലീസ് കണ്ടെത്തുകയുണ്ടായി. എന്നാല്‍, ബാഗിലുണ്ടായിരുന്നെന്നു യുവതി പരാതിയില്‍ പറയുന്ന 10,000 രൂപ കണ്ടെത്താനായിട്ടില്ല. തുടർന്ന് ഡിവൈഎസ്പി സാജു പി. ഏബ്രഹാം സ്ഥലത്തെത്തി. പ്രതികളെ കോടതി റിമാന്‍ഡ് ചെയ്യുകയുണ്ടായി. ബൂസരിക്കു ഇത് മാത്രമല്ല ഇതിനുമുന്പും സസ്പെന്ഷന് ലഭിച്ചിട്ടുണ്ട്. അതോടൊപ്പം തന്നെ പ്രദീഷിനെതിരെ ഒട്ടേറെ കേസുകളുണ്ടെന്നു പൊലീസ് അറിയിച്ചു.