പ്ലാസ്റ്റിക്കിനെതിരെ കടലിന്റെ മക്കളുടെ പോരാട്ടം ഏറ്റെടുത്ത് സമൂഹമാധ്യമം; എല്ലാ മത്സ്യത്തൊഴിലാളികൾക്കും എന്റെ ബിഗ് സല്യൂട്ട്, ബോട്ടിന് ലാലിന്റെ സല്യൂട്ട്
കടലിൽ പ്ലാസ്റ്റിക് ഉപേക്ഷിക്കുന്നത് ട്രെൻഡ് ആയി മാറിയിരിക്കുകയാണ്. ഇത്തരത്തിൽ ഉപേക്ഷിക്കുന്നതിലൂടെ പല മീനുകൾക്കും വംശനാശഭീഷണി വരെ എത്തിനിൽകുകയാണ്. പല മീനുകളും തീന്മേശകളിൽ നിന്നും അകന്നു കഴിഞ്ഞു താനും. അതോടൊപ്പം തന്നെ പലപ്പോഴും മത്സ്യബന്ധനത്തിനായി കടലിലേക്ക് പോകുന്ന പല മത്സ്യതൊഴിലാളികൾക്കും ലഭിക്കുന്നത് പ്ലാസ്റ്റിക് തന്നെയാണ്. ഇത്തരത്തിലുള്ള പ്രതിഭാസങ്ങൾക്കെതിരെ വിത്യസ്ത പ്രതിഷേധവുമായി ഒരു മത്സ്യത്തൊഴിലാളി രംഗത്ത് എത്തിയിരിക്കുകയാണ്. ഇത് ശ്രദ്ധയിൽപ്പെട്ട മോഹനലാൽ പറയുന്നത് എങ്ങനെയാണ്: ഇത് അവിശ്വസനീയം. കോഴിക്കോട് പുതിയങ്ങാടിയിൽ നിന്നുള്ള ബാലാജി എന്ന ബോട്ടിലെ എല്ലാ മത്സ്യത്തൊഴിലാളികൾക്കും എന്റെ ബിഗ് സല്യൂട്ട്. എല്ലാം പുറത്തേക്കു വലിച്ചെറിയുന്നവരുടെ നെഞ്ചിലേക്കാണവർ വാക്കുകൾ വലിച്ചെറിഞ്ഞത്. ശരിക്കും പൊള്ളുന്ന വാക്കുകൾ...
കോഴിക്കോട് പുതിയങ്ങാടിയിൽ നിന്നു കടലിൽ മീൻ പിടിക്കാൻ പോയ മത്സ്യത്തൊഴിലാളികൾ സമൂഹമാധ്യമത്തിൽ നൽകിയ സന്ദേശത്തോടാണ് ലാൽ പ്രതികരിച്ചത് ഇപ്പോൾ ഏറെ ശ്രേദ്ധേയമായി മാറിയിരിക്കുകയാണ്. കടലിൽ പോയപ്പോൾ ഭക്ഷ്യവസ്തുക്കളും മറ്റും കൊണ്ടുപോയ പ്ലാസ്റ്റിക് പായ്ക്കറ്റുകൾ കടലിലേക്കു വലിച്ചെറിയാതെ തിരിച്ചുകൊണ്ടുവരുന്നതാണു തൊഴിലാളികൾ പങ്കുവച്ച വിഡിയോയിൽ വ്യക്തമായി പറയുന്നത് തന്നെ.
അതോടൊപ്പം തന്നെ ശേഖരിച്ചുവച്ച പായ്ക്കറ്റുകൾ കാണിച്ച് അവർ പറയുന്നത് ഇങ്ങനെയാണ്: ‘ഞങ്ങൾ പൊന്നുപോലെ നോക്കുന്ന കടലാണിത്. നിങ്ങൾ അടുത്ത തോട്ടിലേക്കും പുഴയിലേക്കും എറിയുന്ന പ്ലാസ്റ്റിക് പായ്ക്കറ്റുകൾ എത്തുന്നത് ഈ കടലിലാണ്. മത്സ്യത്തിന്റെ വയറ്റിൽ വരെ പ്ലാസ്റ്റിക് പായ്ക്കറ്റുകളാണ്. ഞങ്ങൾ ബോട്ടുകാർ പപ്പടത്തിന്റെ കവർ പോലും കടലിൽ കളയാതെ തിരിച്ചുകൊണ്ടുവന്നു ഹാർബറിലെ മാലിന്യത്തൊട്ടിയിലിടും.
പലപ്പോഴും മനുഷ്യൻ കാണിക്കുന്ന ഇത്തരത്തിലുള്ള ചെയ്തികൾക്ക് പ്രകൃതി മാത്രമല്ല മനുഷ്യനും ഇരയാകുന്നു. പ്രത്യേകിച്ച് ഇത്തരത്തിൽ ഉപജീവനം നടത്തുന്നവരുടെ ആഹാരത്തിൽ പൊടിയിടുന്ന കാഴ്ചപ്പാടാണ് ഏറെപേർക്കും ഉള്ളത് തന്നെ. ഒപ്പം പലപ്പോഴും ഇത്തരം സിഗ്ഹെയ്തികൾ നിസാരവത്കരിക്കുന്ന മനുഷ്യന്റെ മനോഭാവവും മാറേണ്ടത് ഉത്തമമാണ്. ഇല്ലെങ്കിൽ അതിന്റെ എല്ലാ ദൂഷ്യഫലങ്ങളും അനുഭവിക്കേണ്ടുന്നത് മനുഷ്യൻ തന്നെയാണെന്ന് അറിഞ്ഞുകൊള്ളണം.
https://www.facebook.com/Malayalivartha