ഉപഭോക്താക്കൾക്ക് മുന്നറിയിപ്പുമായി എസ്ബിഐ.; ഉടന് തന്നെ മൊബൈല് നമ്പര് അക്കൗണ്ടുമായി ബന്ധിപ്പിക്കാന് നിർദ്ദേശം
ഉടന് തന്നെ മൊബൈല് നമ്പര് അക്കൗണ്ടുമായി ബന്ധിപ്പിക്കാന് അക്കൗണ്ടുടമകളോട് ആവശ്യപ്പെട്ട് എസ്ബിഐ. എടിഎമ്മില് നിന്നുള്ള പണം പിന്വലിക്കല് കൂടുതല് സുരക്ഷിതമാക്കാന് വണ് ടൈം പാസ് വേഡ് സംവിധാനം ജനുവരി ഒന്നുമുതല് എസ്ബിഐ ഏര്പ്പെടുത്തിയിട്ടുണ്ട്. രാത്രി എട്ടു മുതല് രാവിലെ എട്ടുവരെ രാജ്യത്തെ എസ്ബിഐ എടിഎമ്മുകളില് നിന്ന് 10,000 രൂപയ്ക്ക് മുകളിലുള്ള ഇടപാടുകള് പിൻവലിക്കാൻ മൊബൈല്ഫോണില് വരുന്ന ഒടിപി നമ്പര് അടിച്ചുകൊടുത്താല് മാത്രമേ സാധിക്കുകയുളളൂ.
എടിഎം മെഷീനില് കാര്ഡ് ഇട്ടാല് ബാങ്കില് രജിസ്റ്റര് ചെയ്തിട്ടുള്ള മൊബൈല് നമ്ബറില് ഒടിപി വരും. സ്ക്രീനില് തെളിയുന്ന ഭാഗത്ത് ഒടിപി നമ്ബര് നല്കിയാല് പണം പിന്വലിക്കാം. ഇത്തരത്തിലാണ് സുരക്ഷാ ക്രമീകരണം ഒരുക്കിയിരിക്കുന്നത്. എന്നാല് ബാങ്കില് മൊബൈല് നമ്ബര് നല്കാത്തവര്ക്ക് പണം പിന്വലിക്കാന് കഴിയില്ലെന്ന് എസ്ബിഐ മുന്നറിയിപ്പ് നല്കുന്നു. അതിനാല് ഉടന് തന്നെ മൊബൈല് നമ്ബര് അക്കൗണ്ടുമായി ബന്ധിപ്പിക്കാന് എസ്ബിഐ അക്കൗണ്ടുടമകളോട് നിര്ദേശിക്കുന്നു. ഇതിനായി അതത് ബാങ്ക് ശാഖകളെ സമീപിക്കാനാണ് എസ്ബിഐയുടെ മുന്നറിയിപ്പില് പറയുന്നത്.
https://www.facebook.com/Malayalivartha