വനിതാ കണ്ടക്ടറോട് മോശമായി പെരുമാറി കെ.എസ്.ആര്‍.ടി..സി സൂപ്രണ്ട്. വിജിലന്‍സ് അന്വേഷണം. യാത്രാ പാസ് കാണിക്കാന്‍ ആവശ്യപ്പെട്ടപ്പോഴായിരുന്നു മോശം പെരുമാറ്റം. കണ്ടക്ടറുടെ കൃത്യനിര്‍വഹണം തടസ്സപ്പെടുത്തിയതിന് നെയ്യാറ്റിന്‍കര കെ.എസ്.ആര്‍.ടി.സി ഡിപ്പോ സൂപ്രണ്ടിനെതിരെ ണ് അന്വേഷണം നടക്കനിരിക്കുകയാണ്. ബസ് പാസ് ചോദിച്ച കണ്ടക്ടറോട്സൂപ്രണ്ട് തര്‍ക്കിക്കുന്നതിന്റേയും പാസ് കാണിക്കാന്‍ പറ്റില്ലെന്ന് ആവര്‍ത്തിച്ച്‌ പറയുന്നതിന്റേയും വീഡിയോ സോഷ്യല്‍മീഡിയയില്‍ വ്യാപകമായി പ്രചരിച്ചു കഴിഞ്ഞു. ഇതിന്റെ അടിസ്ഥാനത്തിലായിരുന്നു നടപടി.

.പാസ് നിന്നെ കാണിക്കുന്നില്ല, വേണമെങ്കില്‍ ടിക്കറ്റ് അടിച്ചിട്ട് നീ തന്നെ പൈസ കൊടുത്തോ, പാസ് കാണേണ്ട ആവശ്യമില്ല, നിനക്ക് നമ്ബര്‍ പറഞ്ഞു തന്നിട്ടുണ്ട്. നീ വേണമെങ്കില്‍ പരാതി കൊടുത്തോ. '- കണ്ടക്ടര്‍ പാസ് കാണിക്കാന്‍ ആവര്‍ത്തിച്ച്‌ ചോദിച്ചപ്പോള്‍ സൂപ്രണ്ട് പറഞ്ഞത് ഇങ്ങനെ ആയിരുന്നു. പാസ് കയ്യില്‍ ഉണ്ടോ ഇല്ലയോ എന്ന് എനിക്ക് അറിയേണ്ടേ എന്ന കണ്ടക്ടറുടെ ചോദ്യത്തിന് നീ എന്നും എന്നെ കാണുന്നതല്ലേ, നിന്റെ അഭ്യാസം ഒന്നും എന്റെയടുത്ത് നടക്കില്ല എന്നായിരുന്നു അവരുടെ പ്രതികരണം. 'നീ ഇറങ്ങി ഇന്‍സ്‌പെക്ടര്‍മാരോട് പരാതി പറഞ്ഞിട്ടു പോയി, അവര്‍ക്ക് എന്നെ 20 കൊല്ലമായി അറിയാം. നിനക്ക് പാസ് കാണണമെങ്കില്‍ നമ്ബര്‍ പറഞ്ഞു തരാം. അല്ലെങ്കില്‍ പോയി പരാതിപ്പെട്ടോയെന്നും പറയുകയുണ്ടായി . എന്നാല്‍ ആരോപണം സൂപ്രണ്ട് നിഷേധിച്ചു. മോശമായി പെരുമാറിയെന്ന് ചൂണ്ടിക്കാട്ടി ഈ വനിതാ കണ്ടക്ടര്‍ക്കെതിരെ താന്‍ മുമ്ബ് പരാതിപ്പെട്ടിട്ടുണ്ടെന്നും ഇതിന്റെ പ്രതികാരമായി ഇവര്‍ പ്രശ്‌നമുണ്ടാക്കുകയായിരുന്നു എന്നുമാണ് സൂപ്രണ്ടിന്റെ വാദം.