പ്രതിപക്ഷം തോറ്റുപോയി... നിയമസഭയില്‍ അപ്രതീക്ഷിതമായി ഗവര്‍ണറെ തടഞ്ഞ പ്രതിപക്ഷം തോറ്റുപോയി; പത്ത് മിനിറ്റോളം ഗവര്‍ണറെ നടുത്തളത്തില്‍ തടഞ്ഞെങ്കിലും ഒരിഞ്ചും പിന്‍മാറിയില്ല; അവസാനം വാച്ച് ആന്റ് വാര്‍ഡന്‍മാര്‍ ഒരുക്കിയ സുരക്ഷയില്‍ ഗവര്‍ണര്‍ നയപ്രസംഗം നടത്തി
കേരള ചരിത്രത്തില്‍ പുതിയ നാഴികക്കല്ല് സൃഷ്ടിച്ച് ഗവര്‍ണര്‍ ആരിഫ് മുഹമ്മദ് ഖാന്‍. നയപ്രസംഗത്തിന് എത്തിയ ഗവര്‍ണറെ നടുത്തളത്തില്‍ പ്രതിപക്ഷം പത്ത് മിനിറ്റോളം തടഞ്ഞു. എന്നാല്‍ ഒരിഞ്ച് പിന്‍മാറാതെ ഗവര്‍ണര്‍ അവിടെത്തന്നെ നിന്നു. മുഖ്യമന്ത്രിയും ചീഫ് സെക്രട്ടറിയും സ്പീക്കറും ഗവര്‍ണറോടൊപ്പമുണ്ടായിരുന്നു. ഗവര്‍ണറുടെ വഴി തടസപ്പെടുത്തി പ്രതിപക്ഷം നിന്നതോടെ ആകെ പ്രശ്‌നമായി. ഇതോടെ മുഖ്യമന്ത്രിയുടെ മുഖം മാറുന്നത് കാണാമായിരുന്നു. ഗവര്‍ണറാകട്ടെ അവര്‍ക്ക് നല്ല നമസ്‌കാരം പറഞ്ഞ് തൊഴുതു നിന്നു. മുഖ്യമന്ത്രിയുമായി ആലോചിച്ച് സ്പീക്കര്‍ വാച്ച് ആന്റ് വാര്‍ഡന്‍മാരെ വിളിച്ചു. ഒരു സംഘര്‍ഷം പ്രതീക്ഷിച്ചെങ്കിലും ഒന്നും സംഭവിച്ചില്ല. പുലിപോലെ നിന്ന പ്രതിപക്ഷം എലിപോലെയാകുകയും അവരെ വാര്‍ഡന്‍മാര്‍ പൊക്കി മാറ്റുകയും ചെയ്തു. ഗവര്‍ണറാകട്ടെ പുലി പോലെ ചേമ്പറില്‍ പ്രവേശിച്ച് നയപ്രസംഗം അവതരിപ്പിച്ചു. പ്രതിപക്ഷം സഭ ബഹിഷ്‌ക്കരിച്ചതോടെ ഗവര്‍ണര്‍ നയപ്രഖ്യാപനം തുടര്‍ന്നു.
നിയമസഭയില്‍ ബജറ്റ് സമ്മളേനത്തിന് തുടക്കം കുറിച്ച് ക്കൊണ്ട് നയപ്രഖ്യാപന പ്രസംഗത്തിനെത്തിയ ഗവര്‍ണര്‍ക്കെതിരെയാണ് കടുത്ത നിലപാടുമായി പ്രതിപക്ഷം രംഗത്തെത്തിയത്.
സഭയിലേക്ക് സ്പീക്കറും മുഖ്യമന്ത്രിയും ചേര്‍ന്ന് ആനയിച്ച ഗവര്‍ണറെ പ്രതിപക്ഷം ബാനറുകളും പ്ലക്കാര്‍ഡുമായാണ് തടഞ്ഞത്. ഗോബാക്ക് വിളികളുമായി ഗവര്‍ണക്കുമുന്നില്‍ ഉപരോധം സൃഷ്ടിച്ച പ്രതിപക്ഷത്തെ പിടിച്ചുമാറ്റുന്നതിനായി വാച്ച് ആന്‍ഡ് വാര്‍ഡ് രംഗത്തെത്തി.
പൗരത്വനിയമ ഭേദഗതിക്കെതിരായ സര്‍ക്കാരിന്റെ പ്രതിഷേധം പ്രസംഗത്തില്‍ ഉള്‍പ്പെടുത്താനാവില്ലെന്ന് നിലപാടെടുത്ത ഗവര്‍ണറുടെ പ്രസംഗത്തിന് ഏറെ രാഷ്ട്രീയ പ്രാധാന്യമുണ്ട്. പൗരത്വനിയമ ഭേദഗതിക്കെതിരേ സര്‍ക്കാരും നിയമസഭയും സ്വീകരിച്ച നടപടികളെപ്പറ്റി പരാമര്‍ശിക്കുന്ന നയപ്രഖ്യാപനത്തിലെ 18ാം ഖണ്ഡികയോടാണ് ഗവര്‍ണര്‍ക്ക് എതിര്‍പ്പ്. ഈ ഖണ്ഡിക സര്‍ക്കാരിന്റെ അഭിപ്രായം മാത്രമാണെന്നും തിരുത്തണമെന്നും മുഖ്യമന്ത്രിയോട് ഗവര്‍ണര്‍ ആവശ്യപ്പെട്ടിരുന്നു.
https://www.facebook.com/Malayalivartha
