സാമ്പത്തിക പ്രതിസന്ധി നേരിടാന്‍ വരുമാന വര്‍ധനക്ക് കടുത്ത നടപടികള്‍ പ്രതീക്ഷിക്കുന്ന സംസ്ഥാന ബജറ്റ് മന്ത്രി ഡോ. തോമസ് ഐസക് നിയമസഭയില്‍ അവതരിപ്പിക്കുന്നു. പിണറായി സര്‍ക്കാരിന്റെ അഞ്ചാം ബജറ്റ്. ഡോ. തോമസ് ഐസക്കിന്റെ പതിനൊന്നാം ബജറ്റാണ്. രാജ്യം ഗുരുതര വെല്ലുവിളികള്‍ നേരിടുകയാണ്. പൗരത്വ നിയമം രാജ്യത്ത് ആശങ്ക പടര്‍ത്തുന്നുവെന്നും തോമസ് ഐസക്. തെരുവിലിറങ്ങിയ യുവത്വത്തിലാണ് രാജ്യത്തിന്റെ പ്രതീക്ഷ.
പൗരത്വ ഭേദഗതി നിയമവും ദേശീയ പൗരത്വ രജിസ്റ്ററിനെയും പരാമര്‍ശിച്ച് ധനമന്ത്രി. ഭയം ഒരു രാജ്യമാണ്, നിശബ്ദത ഒരു ആഭരണമാണ്' എന്ന കവിതാശകലം ഇന്ത്യയുടെ സാഹചര്യമാണെന്ന് തോമസ് ഐസക്. കേന്ദ്രസര്‍ക്കാരിന് വിമര്‍ശനം, വെറുപ്പിന്റെയും വിദ്വേഷത്തിന്റെയും കാലമെന്നും ധനമന്ത്രി

ഭരണപക്ഷ-പ്രതിപക്ഷ ഐക്യത്തോടെയുള്ള സിഎഎ വിരുദ്ധ സമരം ഇതര സംസ്ഥാനങ്ങള്‍ക്കും ആവേശമായി. ജനജീവിതം ദുരിതപൂര്‍ണമായ സാഹചര്യത്തിലാണ് ഇന്ത്യയുള്ളത്. ഇന്ത്യന്‍ സമ്പദ്വ്യവസ്ഥ 2009ലേതിന് സമാനമായ തകര്‍ച്ചയിലേക്ക് നീങ്ങുന്നു.

ഇന്ത്യന്‍ സമ്പദ്വ്യവസ്ഥ 2009ലേതിന് സമാനമായ തകര്‍ച്ചയിലേക്ക് നീങ്ങുന്നു.

കോര്‍പറേറ്റുകള്‍ക്ക് നികുതിയിളവുകള്‍, തൊഴിലാളിവിരുദ്ധ നിലപാടുകള്‍- കേന്ദ്രനയങ്ങള്‍ക്കെതിരെ പരാമര്‍ശം.

പ്രതിശീര്‍ഷ ഉപഭോഗം 2012ലേതിനേക്കാള്‍ താഴെയെത്തി, വിലക്കയറ്റം 14 ശതമാനത്തിലെത്തി

കേന്ദ്രസര്‍ക്കാരില്‍നിന്നുള്ള ഗ്രാന്റുകളും വെട്ടിക്കുറച്ചു. ജിഎസ്ടി നഷ്ടപരിഹാരം ലഭിച്ചില്ല.

സംസ്ഥാനത്തിനുള്ള വിഹിതം വെട്ടിക്കുറയ്ക്കുന്നു. കേന്ദ്ര വിഹിതത്തില്‍ 8330 കോടിയുടെ കുറവുണ്ടായി.

കേന്ദ്രവിഹിതത്തില്‍ 8330 കോടിയുടെ കുറവുണ്ടായി. പ്രളയ സഹായം നിഷേധിച്ചു

ജിഎസ്ടി പ്രതീക്ഷിച്ച നിലയില്‍ ഗുണകരമായില്ല.

ക്ഷേമ പെന്‍ഷനുകള്‍ കഴിഞ്ഞ സര്‍ക്കാരിന്റെ കാലത്തെ 9311 കോടിയില്‍നിന്ന് 22000 കോടി രൂപ കടന്നിരിക്കുന്നു.

സംസ്ഥാനത്തിന്റെ ചിലവില്‍ 16.13 ശതമാനം വര്‍ധിച്ചു, റവന്യു വരുമാനം 13%മാത്രമേ വര്‍ധിച്ചുള്ളു

എല്ലാ ക്ഷേമ പെന്‍ഷനുകള്‍ക്കും 100 രൂപ വര്‍ധിപ്പിച്ച്, 1300 രൂപയായി ഉയര്‍ത്തി.

ദുരിതാശ്വാസനിധിയില്‍നിന്ന് നാലു വര്‍ഷംകൊണ്ട് 1216 കോടി ചിലവഴിച്ചു.

തദ്ദേശഭരണസ്ഥാപനങ്ങള്‍ക്കുള്ള മൊത്തം ധനസഹായം 12074 കോടിയായി ഉയര്‍ത്തും


പ്രളയ ദുരിതാശ്വസത്തിന് 2211 കോടി രൂപയിലധികം നല്‍കി.
മുഖ്യമന്ത്രിയുടെ ഗ്രാമീണ റോഡ് റീബില്‍ഡ് പദ്ധതിക്ക് 1000 കോടി അധികമായി അനുവദിക്കും

201619 കാലത്ത് 16623 കിലോമീറ്റര്‍ റോഡും 68 പാലങ്ങളും പുനരുദ്ധരിച്ചു

തീരദേശ വികസന പാക്കേജിന് 1000 കോടി അനുവദിക്കും

ആരോഗ്യ പദ്ധതികള്‍ക്ക് 9651 കോടി രൂപ ഇതുവരെ ചിലവഴിച്ചു.