ഒരു മാസം മുമ്പ് അടിമാലിയില്‍ ദേശീയപാതയോരത്ത് കാറില്‍ ഉപേക്ഷിക്കപ്പെട്ട നിലയില്‍ കണ്ടെത്തിയ രോഗിയായ വീട്ടമ്മ ചികിത്സയിലിരിക്കവെ മരിച്ചു. കഴിഞ്ഞമാസം 17-നായിരുന്നു ഏവരെയും നടുക്കിയ സംഭവം നടന്നത്. അടിമാലി ടൗണില്‍ പോലീസ് സ്‌റ്റേഷന് ഏതാനും മീറ്ററുകള്‍ അകലെയായിരുന്നു വയനാട് കാംപെട്ടി വെണ്‍മണി വലിയവേലിക്കകത്ത് മാത്യു എന്നയാളുടെ പേരിലുള്ള കാറില്‍ ലൈലാമണി എന്ന 55 വയസുകാരിയെ കണ്ടത് . തലേന്നു മുതല്‍ കാറില്‍ ഒറ്റയ്ക്ക് അകപ്പെട്ട ലൈലാമണി അവശനിലയിലായിരുന്നു. താലൂക്ക് ആശുപത്രിയില്‍ പ്രവേശിപ്പിച്ച ഇവരെ പിറ്റേന്ന്, മാധ്യമവാര്‍ത്തകളെത്തുടര്‍ന്ന് അന്വേഷിച്ചെത്തിയ മകന്‍ മഞ്ജിത്തിനൊപ്പം കോട്ടയം മെഡിക്കല്‍ കോളജ് ആശുപത്രിലേക്ക് അയക്കുകയും ചെയ്‌തു . ഇവിടെ ചികിത്സയിലിരിക്കുന്ന സമയത്തിലായിരുന്നു ഇവർ മരിച്ചത്. ഇന്നലെ ഉച്ചകഴിഞ്ഞ് മരിച്ചത്മാ ത്യുവിനെക്കുറിച്ചു പോലീസ് അന്വേഷിച്ചെങ്കിലും ബന്ധുക്കള്‍ പരാതി നല്‍കാതിരുന്നതിനാല്‍ കേസെടുത്തിട്ടില്ലായിരുന്നു .

മാത്യു ലൈലാമണിയെ വിവാഹം കഴിച്ചതായുള്ള രേഖകളും പോലീസിന് ഇത് വരെ കിട്ടിയിട്ടില്ല . ലൈലാമണിയുടെ തിരുവനന്തപുരം കല്ലറ സ്വദേശിയായ ഭര്‍ത്താവ് അജിത്ത് 22 വര്‍ഷം മുമ്പായിരുന്നു മരിച്ചത് . പിന്നീട് തിരുവനന്തപുരത്തെ വീട്ടില്‍ ഇവരുടെ രണ്ടു മക്കളെയും വളര്‍ത്തിയത് ലൈലാമണിയായിരുന്നു. 2014 മുതലായിരുന്നു മാത്യു എന്നയാള്‍ക്കൊപ്പം ലൈലാമണി പോയത്. തുടര്‍ന്ന് ഇവര്‍ വയനാട്ടിലേക്ക് താമസം മാട്ടുകയും ചെയ്‌തതു . ഇതിനിടെയുണ്ടായ അപകടത്തെത്തുടര്‍ന്ന് ലൈലാമണി എഴുന്നേറ്റുനടക്കാനാകാത്ത വിധം രോഗിയാക്കുകയായിരുന്നു . ചികിത്സ തുടരുന്നതിനിടെ മക്കളുടെ അടുത്ത് എത്തിക്കുന്നതിന് 2017-ല്‍ തിരുവനന്തപുരത്തും ലൈലാമണിയെ മാത്യു എത്തിച്ചെങ്കിലും വഴിയില്‍ ഉപേക്ഷിച്ച് പോകുകയായിരുന്നു . അന്ന് വെഞ്ഞാറന്മൂട് പോലീസ് ഇടപെട്ടായിരുന്നു ഈ കാര്യം കൈകാര്യം ചെയ്തത് . ലൈലാമണിയെ മകളുടെ അടുക്കലെത്തിക്കുകയും ചെയ്തിരുന്നു . ഇവര്‍ കുറേക്കാലം സംരക്ഷിച്ചെങ്കിലും പിന്നീട് ക്ഷമാപണവുമായെത്തിയ മാത്യു വീണ്ടും ലൈലാമണിയെ കൂടെ കൊണ്ടുപോകുകയും ചെയ്തു .

വയനാട്ടില്‍ വീടും സ്ഥലവും വാങ്ങിയിരുന്നെങ്കിലും പിന്നീട് അതുവിൽക്കുകയായിരുന്നു . വാടകവീടുകളില്‍ താമസിച്ചായിരുന്നു ചികിത്സ തുടര്‍ന്നത്.കഴിഞ്ഞമാസം അടിമാലിയില്‍ എത്തുന്നതിന് മൂന്നുദിവസം മുന്‍പ് ലൈലാമണി ഫോണില്‍ വിളിച്ച് അടിമാലിയ്ക്ക് വരികയാണെന്ന് പറഞ്ഞിരുന്നതായി മകന്‍ മഞ്ജിത്ത് പോലീസിനോടു പറഞ്ഞിരുന്നു. 16-ന് അടിമാലിയില്‍ ലൈലാമണിയെ എത്തിച്ച ശേഷം മകന്‍ വരാതായതോടെ കാറില്‍ ഇരുത്തിയ ശേഷം മാത്യൂ കടന്നുകളഞ്ഞെന്നാണ് പോലീസ് അന്വേഷണത്തില്‍ വ്യക്തമായത്. കാര്‍ ഇപ്പോഴും പോലീസ് കസ്റ്റഡിയിലാണ് ഉള്ളത് . മാത്യു എത്തിയാല്‍ ലൈലാമണിയുടെ ബന്ധുക്കളുമായി സംസാരിച്ച ശേഷം വാഹനം കൊടുത്തയക്കുമെന്നും അല്ലെങ്കില്‍ ആളില്ലാത്ത വാഹനം എന്ന നിലയില്‍ കോടതിയില്‍ ഹാജരാക്കുമെന്നും സ്‌റ്റേഷന്‍ ഹൗസ് ഓഫീസര്‍ അനില്‍ ജോര്‍ജ് പറഞ്ഞു. ആശുപത്രിയില്‍ നിന്നും ലൈലാമണിയുടെ മൃതദേഹം ബന്ധുക്കള്‍ ഏറ്റുവാങ്ങി.