ആരും വായിൽ വെള്ളക്കരണ്ടിയുമായി ജനിച്ചുവീഴുന്നില്ല. മറിച്ച്‌ സാഹചര്യങ്ങളോട് മല്ലിട്ട് പലരും ജീവിതത്തിൽ പലതും നേടിയെടുക്കുകയുയാണ് ചെയ്യുന്നത്. സ്കൂൾകാലംതൊട്ട് പലതവണ പഠനം ഉപേക്ഷിച്ചെങ്കിലും പഠിക്കണമെന്ന ഒരൊറ്റ ആഗ്രഹംകൊണ്ട് മാത്രം പഠിക്കാനായി പണിയെടുത്ത ഒരു വ്യക്തിയെ പരിചയപ്പെടാം. ആകഠിനമായ അധ്വാ നത്തിന്റെയും പ്രയത്നത്തിന്റെയും പ്രതിഫലമായി അട്ടപ്പാടി ആദിവാസിവിഭാഗത്തിൽപ്പെട്ട എൻ. രങ്കസ്വാമി (32) ഇന്ന് ഡോ.എൻ. രങ്കസ്വാമിയാണ്. ചില്ലറ നെട്ടമല്ല കൈ വരിച്ചിരിക്കുന്നത്. ആദിവാസി വിഭാഗത്തിൽനിന്നും ഹിന്ദി സാഹിത്യത്തിൽ ഡോക്ടറേറ്റ് നേടുന്ന ആദ്യവ്യക്തിയാണ് ഇദ്ദേഹം .എന്നാൽ ഇദ്ദേഹത്തിന്റെ കഴിഞ്ഞ കാലം വളരെ സങ്കടകരമാണ് . കുട്ടിക്കാലത്ത് പട്ടിണിയും ദാരിദ്ര്യവും ദുരിതവുമായിരുന്നു ഇദ്ദേഹത്തിന് കൂട്ടായിട്ടുണ്ടായിരുന്നത് . അതുകൊണ്ടു നാലാംക്ലാസിൽ പഠനം അവസാനിപ്പിക്കേണ്ടിവന്നു രങ്കസ്വാമിക്ക്‌. ഇതേ തുടർന്ന്, അമ്മാവന്റെയും അമ്മായിയുടെയുംകൂടെ കൃഷിപ്പണി ചെയ്യാനായി തുടങ്ങി. .

എന്നാൽ, പഠിക്കണമെന്നുള്ള രങ്കസ്വാമിയുടെ തീവൃമായ ആഗ്രഹം ഉണ്ടായിരുന്നു. ഈ ആഗ്രഹം മനസ്സിലാക്കിയ അമ്മാവന്റെ മക്കളായ രാമൻകുട്ടിയും രാമചന്ദ്രനും വീണ്ടും പഠിക്കുന്നതിനുള്ള സാഹചര്യമൊരുക്കിയിരിക്കുകയാണ് . ഏഴാംക്ലാസിൽ എത്തിയപ്പോഴായിരുന്നു അച്ഛൻ ഷോളയൂർ വസന്തം വീട്ടിൽ എസ്.ആർ. നഞ്ചപ്പൻ മരിച്ചതോടെ പഠനം വീണ്ടും പ്രതിസന്ധിയിലാകുകയായിരുന്നു . തുടർപഠനത്തിന് സഹോദരിമാരായ കുമാരിയും സരോജിനിയും സഹായിച്ചു. പത്താംക്ലാസ് വരെ ഷോളയൂർ ഗവ. ട്രൈബൽ ഹൈസ്‌കൂളിലോആയിരുന്നു ഇദ്ദേഹം പഠനം പൂർത്തിക്കരിച്ചത്. പ്ലസ്ടു പഠനം എം.ആർ.എസ്. നെല്ലൂർനാട് മാനന്തവാടിയിലുമായിരുന്നു ചെയ്‌തത് . എന്നാൽ സ്കൂൾപഠനം കഴിഞ്ഞ് കൂട്ടത്തിലുള്ളവർ കൂലിപ്പണിക്ക്‌ പോകുകയായിരുന്നു പതിവ്. അപ്പോഴായിരുന്നു രങ്കസ്വാമി ബിരുദപഠനത്തിനായിട്ടുള്ള ശ്രമം നടത്തിയത്.. ഇതിനായി പാലക്കാട് ഗവ. വിക്ടോറിയകോളേജിൽ ചേരുകയും ചെയ്തു . , അതും ഹിന്ദി പ്രധാനവിഷയമായെടുത്തായിരുന്നു പഠിച്ചത് .

എന്നാൽ ബിരുദം പഠിക്കാൻ പണം വേണമല്ലോ ? എങ്ങനെയെന്നല്ലേ ആ പണം കണ്ടെത്തിയത്. ബിരുദപഠനത്തിന് പണം കണ്ടെത്താൻ ക്ലാസ് കഴിഞ്ഞുള്ളസമയം കടകളിൽ സാധനങ്ങൾ എടത്തുകൊടുക്കാൻ നിൽക്കുമായിരുന്നു എന്ന് രങ്കസ്വാമി പറഞ്ഞു. ഹിന്ദിപഠിച്ചിട്ട് എന്ത് കാര്യം എന്ന് ചോദിച്ചിരുന്നവർക്കും നിരുത്സാഹപ്പെടുത്തിയവർക്കുമുള്ള മറുപടിയാണ് രങ്കസ്വാമിയുടെ ഡോക്ടറേറ്റ്. കാലിക്കറ്റ് സർവകലാശാലയിൽനിന്നും സമകാലീന ഹിന്ദികവിതയിൽ എട്ടുവർഷം പഠനം നടത്തിയാണ് ഡോക്ടറേറ്റ് നേടിയെടുത്തിരിക്കുന്നത് . ബിരുദാനന്തരബിരുദം, എം.ഫിൽ, ഹിന്ദി ട്രാൻസലേഷൻ പി.ജി. ഡിപ്ലോമ എന്നിവയും കാലിക്കറ്റ് സർവകലാശാലയിൽനിന്നുതന്നെയാണ് സ്വന്തമാക്കിയത് .
നിലവിൽ അട്ടപ്പാടി രാജീവ്ഗാന്ധി ഗവ. ആർട്‌സ് ആൻഡ് സയൻസ് കോളേജ് ഹിന്ദിവിഭാഗത്തിൽ താത്കാലിക അധ്യാപകനാണ് രങ്കസ്വാമി. ഭാര്യ: കെ. നവീന. അമ്മ: കൺമണി.വളരെ പ്രചോദനകരമാണ് അദ്ദേഹത്തിന്റെ ജീവിതം. പലർക്കും പലതും നേടിയെടുക്കാനുള്ള വലിയൊരു പ്രചോദനം.