റോസ്മല വനം കാണാനെത്തിയശേഷം കാണാതായ യുവാവിനെ കണ്ടുകിട്ടി
തെന്മലയിലെ റോസ്മല വനം കാണാനെത്തി വനത്തിനുള്ളില്‍ കാണാതായ കോട്ടയം പുതുപ്പള്ളി കൊച്ചുപാറയില്‍ വീട്ടില്‍ സുമേഷിനെ(22) കണ്ടുകിട്ടി. യുവാവിനെ പോലീസും വനപാലകസംഘവും ചേര്‍ന്ന് രാവിലെ തെന്മല പോലീസ് സ്റ്റേഷനിലെത്തിച്ചു.
സുഹൃത്ത് അജേഷിനൊപ്പം ഞായറാഴ്ച ഉച്ചകഴിഞ്ഞാണ് യുവാവ് ബൈക്കില്‍ റോസ്മല മേഖലയിലെത്തിയത്. വന യാത്രയ്ക്കിടയില്‍ ഉള്‍വനത്തില്‍വച്ച് കാട്ടുപോത്തിനെ കണ്ട് ഇരുവരും ഭയന്നോടി. ഇതിനിടയില്‍ സുമേഷ് വനത്തിനുള്ളില്‍ കുടുങ്ങുകയായിരുന്നു.
ഈ വിവരം ഇയാള്‍ മൊബൈല്‍ ഫോണിലൂടെ പോലീസിലറിയിക്കുകയും ലൊക്കേഷനും മറ്റും വെളിപ്പെടുത്തുകയും ചെയ്തു. പിന്നീട് മൊബൈല്‍ ഫോണിന്റെ ചാര്‍ജ് തീര്‍ന്നതിനാല്‍ കൂടുതല്‍ വിവരങ്ങള്‍ നല്‍കാനായില്ല. ലഭിച്ച വിവരങ്ങളുടെ അടിസ്ഥാനത്തില്‍ വനമേഖലയിലെത്തി രാത്രി വൈകിയും പോലീസും വനപാലകരും തെരച്ചില്‍ നടത്തിയെങ്കിലും കണ്ടെത്താനായില്ല.
ഇന്ന് രാവിലെ നടത്തിയ തെരച്ചിലിലാണ് സുമേഷിനെ കണ്ടെത്തിയത്. സുമേഷ് രാത്രി മുഴുവനും മരത്തിന് മുകളില്‍ കഴിച്ചുകൂട്ടിയതായാണ് വിവരം.
https://www.facebook.com/Malayalivartha
