വാവ സുരേഷിനായി പൂജകളും പ്രാർത്ഥനകളും നടത്തി ഭക്തരും മണ്ണാറശ്ശാല ശ്രീ നാഗരാജക്ഷേത്രവും; ആരോഗ്യ നിലയിൽ പുരോഗതി എന്ന് റിപ്പോർട്ടുകൾ ; വ്യാഴാഴ്ച രാവിലെ പത്തനംതിട്ട കലഞ്ഞൂര് ഇടത്തറ ജങ്ഷനില് വെച്ചാണ് അപകടം; കുപ്പിയിലാക്കിക്കൊണ്ടുപോയ അണലിയെ പുറത്തെടുക്കുന്നതിനിടെയാണ് വാവ സുരേഷിന്റെ കൈയില് കടിയേറ്റത്
അണലിയുടെ കടിയേറ്റ് ആശുപത്രിയിൽ കഴിയുന്ന വാവ സുരേഷിന്റെ ആരോഗ്യപുരോഗതിക്കായി ഒരു നാടും ക്ഷേത്രവും പ്രാര്ഥനാനിരതരാണ്. . സുരേഷിൻ്റെ ക്ഷേമത്തിനായി മണ്ണാറശ്ശാലയിൽ നിരവധി വഴിപാടുകളും പ്രാർത്ഥനയുമായി ഭക്ത രെത്തുമ്പോൾ ക്ഷേത്രത്തിലെ എല്ലാ പ്രാർത്ഥനകളിലും വാവസുരേഷിന്റെ ഉൾപ്പെടുത്തി അദ്ദേഹത്തിന്റെ തിരിച്ചുവരവിനായി കാത്തിരിക്കുകയാണ് ക്ഷേത്ര ജീവനക്കാരും ഒരു നാട് മുഴുവനും.നിരവധി പേർ വാവസുരേഷിനായുള്ള വഴിപാടുകളെയും പ്രാര്ഥനകളെയും കുറിച്ച് അന്വേഷിക്കുന്നതായി ക്ഷേത്ര ജീവനക്കാർ പറയുന്നു.വാവസുരേഷ് മണ്ണാറശാല ക്ഷേത്രത്തിൽ നിത്യ സന്ദര്ശകനായ ഒരു ഭക്തനാണ്. , വാവസുരേഷി നു സംഭവിച്ച അപകടം സർപ്പദോഷം മൂലമല്ല എന്നും അതുകൊണ്ടുതന്നെ ഒരു പ്രത്യേക വഴിപാടല്ല , പകരം ക്ഷേത്രത്തിലെ എല്ലാ പൂജകളിലും അദ്ദേഹത്തിന് വേണ്ടിയുള്ള പ്രാർത്ഥനകൾ ഉൾപ്പെടുത്തുകയാണ് ചെയ്യുന്നത് എന്നും ക്ഷേത്ര ജീവനക്കാർ മലയാളിവാർത്തയോട് പറഞ്ഞു.
വാവ സുരേഷിന് ആയുരാരോഗ്യ സൗഖ്യം നേര്ന്ന് മണ്ണാറശ്ശാല കുടുംബാംഗം എസ്.നാഗദാസ് സന്ദേശം അയച്ചിരുന്നു.കഴിഞ്ഞ ദിവസം രാവിലെ പത്തനംതിട്ട കലഞ്ഞൂർ ഇടത്തറ ജംക്ഷനിൽ വച്ചായിരുന്നു വാവ സുരേഷിന് പാമ്പ് കടിയേറ്റത്. ഒരു വീട്ടിലെ കിണറിൽനിന്നും പിടിച്ച അണലിയാണ് വാവയെ കടിച്ചത്. കുപ്പിയിലാക്കിക്കൊണ്ടുപോയ അണലിയെ കാണാൻ നാട്ടുകാർ ആഗ്രഹം പ്രകടിപ്പിച്ചതനുസരിച്ച് പുറത്തെടുക്കുന്നതിനിടെ കൈയിൽ കടിയേൽക്കുകയായിരുന്നു. കൈവശമുണ്ടായിരുന്ന മരുന്നുപയോഗിച്ച് പ്രഥമശുശ്രൂഷ നടത്തിയശേഷം ഉച്ചയോടെയാണ് വാവ സുരേഷിനെ തിരുവനന്തപുരം മെഡിക്കിൽ കോളേജ് ആശുപത്രിയിൽ പ്രവേശിപ്പിച്ചത് . .പാമ്പുകളുടെ കാര്യത്തില് സഞ്ചരിക്കുന്ന വിജ്ഞാനകോശമായാണ് വാവ സുരേഷ് അറിയപ്പെടുന്നത്.പിടികൂടുന്ന പാമ്പുകളെ ഒരു തരത്തിലും ദേഹോപദ്രവമേല്പിക്കാതെ ഒരു സുഹൃത്തിനെ പോലെ കൈകാര്യം ചെയുന്ന സുരേഷിന് പാമ്പുകളുടെ തോഴൻ എന്നും വിളിപ്പേരുണ്ട്..
മനുഷ്യവാസമുള്ളിടങ്ങളിൽ പ്രത്യക്ഷപ്പെടുന്ന വിഷപ്പാമ്പുകളെ പിടി കൂടി സംരക്ഷിക്കുന്ന വാവസുരേഷിന്റെ തിരിച്ചുവരവിനായി കാത്തിരിക്കുകയാണ് ഒരുജനത മുഴുവനും.അതിനിട യിൽ പോലും തെറ്റായ വാർത്തകൾ പലതുംപ്രചരിക്കുന്നുണ്ടെങ്കിലും തന്റെ ആരോഗ്യ സ്ഥിതിയെ കുറിച്ച് വാവസുരേഷ് കഴിഞ്ഞ ദിവസം നേരിട്ട് പ്രസ്താവന ഇറക്കിയത്തോടെ അഭ്യൂഹങ്ങൾ സമ്മാനിച്ച ആശങ്കകളിൽ നിന്നും കുറച്ചെങ്കിലും മുക്തരായിരിക്കുകയാണ് അദ്ദേഹത്തിന്റെ ആരാധകർ.തന്നെ ഉടൻ ഐസിയുവിൽ നിന്നും വാർഡിലേക്കുമാറ്റുമെന്നും ആരോഗ്യസ്ഥിതിയിൽ നല്ല പുരോഗതിയുണ്ടെന്നുമായിരുന്നു ആശുപത്രിയിൽ നിന്നുള്ള വാവ സുരേഷിന്റെ പ്രസ്താവന .
https://www.facebook.com/Malayalivartha