ഭഗവാന്റെ പണ്ടങ്ങള്‍... തിരുവിതാംകൂര്‍ ദേവസ്വം ബോര്‍ഡിന് കീഴിലുള്ള ക്ഷേത്രങ്ങളിലെ സ്വര്‍ണവും വെള്ളിയും റിസര്‍വ് ബാങ്കില്‍ നിക്ഷേപിക്കാന്‍ തിരുവിതാംകൂര്‍ ദേവസ്വം ബോര്‍ഡ്; ആദ്യഘട്ടത്തില്‍ നിക്ഷേപിക്കുക 24 കിലോ സ്വര്‍ണം; ഭഗവാന്റെ പണ്ടങ്ങള്‍ പണയം വയ്ക്കുന്നതിനെതിരെ വ്യാപക പ്രതിഷേധം
ശബരിമല വിവാദത്തിന് ശേഷം മറ്റൊരു വിവാദം കൂടി പൊങ്ങി വരികയാണ്. ക്ഷേത്രങ്ങളിലെ നിത്യാവശ്യത്തിനൊഴികെയുള്ള സ്വര്‍ണവും വെള്ളിയും റിസര്‍വ് ബാങ്കില്‍ നിക്ഷേപിക്കാന്‍ തിരുവിതാംകൂര്‍ ദേവസ്വം ബോര്‍ഡ് തീരുമാനിച്ചു. ഇതിനുള്ള കണക്കെടുപ്പ് ആരംഭിച്ചു. ആദ്യഘട്ടത്തില്‍ 24 കിലോയോളം സ്വര്‍ണവും അത്രതന്നെ വെള്ളിയും നിക്ഷേപിക്കാനാവുമെന്നാണ് കരുതുന്നത്. വിലയുടെ രണ്ടുശതമാനം പലിശയായി ദേവസ്വംബോര്‍ഡിന് ലഭിക്കും.
തിരൂവിതാംകൂര്‍ ദേവസ്വംബോര്‍ഡിനു കീഴിലുള്ള മുഴുവന്‍ ക്ഷേത്രങ്ങളിലെയും ഉരുപ്പടികളുടെ കണക്കെടുപ്പ് ആരംഭിച്ചു. ആദ്യഘട്ടത്തില്‍ സ്‌ട്രോങ് റൂമുകളില്‍ സൂക്ഷിച്ച ഉരുപ്പടികള്‍ ചടങ്ങുകള്‍ക്ക് ആവശ്യമുള്ളവ, അല്ലാത്തവ, പൗരാണികമൂല്യമുള്ള എന്നിങ്ങനെ വേര്‍തിരിക്കും. ഇതില്‍നിന്ന് ക്ഷേത്രാവശ്യത്തിനുപയോഗിക്കുന്നതും പൗരാണിക മൂല്യമുള്ളതുമായവ മാറ്റും.
കാണിക്കയായും നടവരവായും ലഭിച്ചവയാണ് ക്ഷേത്രാവശ്യത്തിന് ഉപയോഗിക്കാത്ത ഉരുപ്പടികളിലേറെയും. ഇവയെല്ലാം ഉരുക്കി സ്വര്‍ണക്കട്ടിയാക്കിയാണ് റിസര്‍വ് ബാങ്കില്‍ നിക്ഷേപിക്കുക. ഗുരുവായൂര്‍ ദേവസ്വംബോര്‍ഡ് ഇത്തരത്തില്‍ ഉരുപ്പടികള്‍ റിസര്‍വ് ബാങ്കില്‍ നിക്ഷേപിക്കുന്നുണ്ട്.
ക്ഷേത്രങ്ങളിലെ നിത്യാവശ്യത്തിനുപയോഗിക്കാത്ത സ്വര്‍ണമാണ് നിക്ഷേപിക്കുന്നത്. ഇത് കട്ടിയാക്കുന്നത് ബോര്‍ഡ് ഉദ്യോഗസ്ഥരുടെ സാന്നിധ്യത്തിലുമാണ്. ഗുരുവായൂര്‍ ദേവസ്വം ഇത് പണ്ടുമുതലേ ചെയ്യുന്നതാണ്. സ്വര്‍ണവും വെള്ളിയും സുരക്ഷിതമായിരിക്കുകയും ചെയ്യുമെന്നാണ് തിരുവിതാംകൂര്‍ ദേവസ്വംബോര്‍ഡ് പ്രസിഡന്റ് എന്‍. വാസു പറയുന്നത്.
അതേ സമയം ബിജെപി പ്രസിഡന്റായി ചുമതലയേറ്റ കെ. സുരേന്ദ്രനിലാണ് ഭക്തരുടെ നോട്ടം. ശബരിമലയ്ക്കും ആചാര സംരക്ഷണത്തിനും വേണ്ടി പരിശ്രമിക്കുന്ന സുരേന്ദ്രന്‍ ഈ കാര്യത്തിലും ഇടപെടുമെന്നാണ് കരുതുന്നത്. അങ്ങനെ വന്നാല്‍ ദേവസ്വം ബോര്‍ഡ് പ്രതിരോധത്തിലാകും.
ശബരിമല യുവതീ പ്രവേശന വിഷയത്തില്‍ മുഖ്യമന്ത്രിയും സിപിഎം സംസ്ഥാന സെക്രട്ടറിയും നിലപാട് വ്യക്തമാക്കണമെന്ന് കെ. സുരേന്ദ്രന്‍ കഴിഞ്ഞ ദിവസം വ്യക്തമാക്കിയിരുന്നു. സിപിഎം കേന്ദ്ര കമ്മിറ്റിയുടെ നിലപാട് തന്നെയാണോ സംസ്ഥാന സര്‍ക്കാരിനുമെന്ന് പിണറായി വിജയനും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും വ്യക്തമാക്കണം. സിപിഎം കേന്ദ്രകമ്മറ്റി കഴിഞ്ഞ ദിവസം വ്യക്തമാക്കിയത് ശബരിമലയില്‍ സ്ത്രീകളെ പ്രവേശിപ്പിക്കുന്നതില്‍ തങ്ങള്‍ അനുകൂലിക്കുന്നെന്നാണ്. ആ നിലപാട് തന്നെയാണോ സംസ്ഥാന സര്‍ക്കാരിനും ഉള്ളതെന്നും സുരേന്ദ്രന്‍ ചോദിച്ചു.
കെല്‍ട്രോണിനെ സര്‍ക്കാര്‍ ബ്രോക്കര്‍ കമ്പനിയാക്കി മാറ്റിയിരിക്കുകയാണ്. സിഎജി അഴിമതിയുമായി ആഭ്യന്തര സെക്രട്ടറി കൈമാറിയ റിപ്പോര്‍ട്ട് രാഷ്ട്രീയ പ്രേരിതമാണ്. മുഖ്യമന്ത്രി അന്വേഷണത്തെ ഭയക്കുന്നു. ശരിയായ അന്വേഷണം നടന്നാല്‍ പിടക്കപ്പെടുമെന്ന് അദ്ദേഹത്തിന് ഉറപ്പാണെന്നും സുരേന്ദ്രന്‍ പറഞ്ഞു.
മുഖ്യമന്ത്രി പിണറായി വിജയന്‍ മുന്‍ മുഖ്യമന്ത്രി ഉമ്മന്‍ ചാണ്ടിയുടെ കാര്‍ബണ്‍ പതിപ്പാണ്. അഴിമതിയില്‍ രണ്ട് പേര്‍ക്കും ഒരേ മുഖമാണെന്നും സുരേന്ദ്രന്‍ പറഞ്ഞു. ആഭ്യന്തര സെക്രട്ടറിക്ക് സര്‍ക്കാരിനെ രക്ഷിക്കാനുള്ള ബാദ്ധ്യതയുണ്ട്. അതിന്റെ ഭാഗമായിട്ടാണ് ഈ റിപ്പോര്‍ട്ട്. മുഖ്യമന്ത്രി ഈ അന്വേഷണത്തെ ഭയക്കുന്നു. ശരിയായ അന്വേഷണം നടന്നാല്‍ പിടിക്കപ്പെടുമെന്ന് ഉറപ്പാണെന്നും അദ്ദേഹം പറഞ്ഞു. ഇതിന് പിന്നാലെയാണ് ഭഗവാന്റെ പണ്ടങ്ങള്‍ പണയം വയ്ക്കുന്നത്. എന്തായാലും എന്താകുമെന്ന് കാത്തിരുന്ന് കാണാം.
https://www.facebook.com/Malayalivartha
