കണ്ടെയ്നര്‍ ലോറി ഡ്രൈവര്‍ ഉറങ്ങിയതാണ് അവിനാശിയില്‍ കഴിഞ്ഞ ദിവസം അപകടം ഉണ്ടായതിന് കാരണമെന്ന് മോട്ടോര്‍ വാഹനവകുപ്പ്. ലോറി ഡ്രൈവര്‍ പാലക്കാട് സ്വദേശി ഹേമരാജ് ഉറങ്ങിപ്പോയതാവാം കാരണമെന്ന് അനുമാനമുണ്ടായിരുന്നുവെങ്കിലും ഇന്നാണ് മോട്ടോര്‍ വാഹനവകുപ്പ് അക്കാര്യം സ്ഥിരീകരിച്ചത്. ലോറിയുടെ ടയര്‍ പൊട്ടി നിയന്ത്രണം വിട്ട് ബസിലേക്ക് ഇടിച്ചുകയറിയാണ് അപകടമുണ്ടായതെന്നാണ് ഹേമരാജ് പൊലീസിന് മൊഴി നല്‍കിയത്.

ഇക്കാര്യം വ്യക്തമാക്കുന്ന റിപ്പോര്‍ട്ട് മോട്ടോര്‍ വാഹനവകുപ്പ് നാളെ ഗതാഗത കമീഷണര്‍ക്ക് കൈമാറും. പാലക്കാട് എന്‍ഫോഴ്സ്മെന്‍റ് ആര്‍.ടി.ഒയാണ് റിപോര്‍ട്ട് നല്‍കുക. ഹേമരാജ് കഴിഞ്ഞ ദിവസം തന്നെ പൊലീസില്‍ കീഴടങ്ങിയിരുന്നു. ഇ​യാ​ളെ ക​സ്​​റ്റ​ഡി​യി​ലെ​ടു​ത്ത്​ അ​റ​സ്​​റ്റ്​ രേ​ഖ​പ്പെ​ടു​ത്തി. ഹേമരാജിനെതിരെ നരഹത്യക്ക്​ കേസെടുത്തിരുന്നു.