മലപ്പുറം ജില്ലയില്‍ ഒരാള്‍ക്കും കൂടി കോവിഡ് 19 സ്ഥിരീകരിച്ചു... ജില്ലയില്‍ കോവിഡ് ബാധിതരുടെ എണ്ണം 9ആയി, മഞ്ചേരി മെഡിക്കല്‍ കോളേജ് ആശുപത്രയില്‍ ചികിത്സയില്‍ കഴിയുന്ന 9 രോഗബാധിതരുടെ ആരോഗ്യ നില തൃപ്തികരമാണെന്ന് ജില്ലാ മെഡിക്കല്‍ ഓഫീസര്‍

ഈ മാസം 19 ന് ദുബായില്‍ നിന്ന് എസ് ജി 54 സ്‌പൈസ് ജെറ്റ് വിമാനത്തില്‍ കരിപ്പൂരില്‍ എത്തിയ മഞ്ചേരി പയ്യനാട് സ്വദേശി .41ക്കാരന്‍ ആണ് രോഗം സ്ഥിരീകരിച്ചത്. ഇയാള്‍ വിമാനം ഇറങ്ങി സഹോദരനൊപ്പം വീട്ടില്‍ പോയി മാതാപിതാക്കളെയും കുടുംബത്തെയും സഹോദരന്റെ വീട്ടിലേക്ക് മാറ്റി ക്വാറന്റയിന്‍ കഴിയുക ആയിരുന്നു.തുടര്‍ന്ന് ഈ മാസം 24 ന് രോഗലക്ഷണങ്ങള്‍ കണ്ടതിനെത്തുടര്‍ന്ന് മഞ്ചേരി മെഡിക്കല്‍ കോളേജ് ആശുപത്രിയില്‍ ഐസൊലേഷനില്‍പ്രവേശിപ്പിക്കുകയായിരുന്നു. തുടര്‍ന്ന് നടത്തിയ പരിശോധനയിലാണ് ഇയാള്‍ക്ക് രോഗം സ്ഥിരീകരിച്ചത്.
ഇന്നലെ ജില്ലയില്‍ 100 പേര്‍ക്കും കൂടെ പ്രത്യേക നിരീക്ഷണം ഏര്‍പ്പെടുത്തി ഇതോടെ നിരീക്ഷണത്തില്‍ കഴിയുന്നവരുടെ എണ്ണം 11625 ആയി.
ഇതില്‍ 82 പേര്‍ ജില്ലയിലെ വിവിധ ആശുപത്രികളിലും 26 പേര്‍ കോവിഡ് കെയര്‍ സെന്ററിലും നിരീക്ഷണത്തിലാണ് ബാക്കിയുള്ളവര്‍ വീടുകളില്‍ സ്വയം നിരീക്ഷണത്തിലാണ് കഴിയുന്നത്.

ജില്ലയില്‍ ഇതുവരെ ലഭിച്ച പരിശോധന ഫലങ്ങളില്‍ 446 പേര്‍ക്കാണ് വൈറസ് ബാധയില്ലെന്നു സ്ഥിരീകരിച്ചതെന്നും 96 സാമ്പിളുകളുടെ ഫലങ്ങളാണ് ഇനി ലഭിക്കാനുള്ളത് എന്ന് കോവിഡ് മുഖ്യ അവലോകന യോഗത്തില്‍ അറിയിച്ചു. എന്നാല്‍ മുന്‍ ദിവസങ്ങളേക്കാള്‍ ഇന്നലെ നിരീക്ഷണം ഏര്‍പ്പെടുന്നവരുടെ എണ്ണം നൂറിലേക്ക് എത്തിയത് ജില്ലാ ഭരണകൂടത്തിന് വലിയ ആശ്വാസം നല്‍കി രോഗബാധിതരായ 9 പേരും മഞ്ചേരി മെഡിക്കല്‍ കോളേജ് ആശുപത്രയില്‍ ചികിത്സയില്‍ തുടരുന്നു. ഇവരുടെ ആരോഗ്യനില തൃപ്തികരമാണെന്നും ജില്ലാ മെഡിക്കല്‍ ഓഫീസര്‍ ഡോക്ടര്‍ ഡോക്ടര്‍ കെ സക്കീന അറിയിച്ചു