കൊറോണയെതുടര്‍ന്നുള്ള സാമ്ബത്തിക പ്രതിസന്ധി മറികടക്കുന്നതിന് സര്‍ക്കാര്‍ നടപ്പിലാക്കുന്ന സാലറി ചലഞ്ചിന് പിന്തുണ പ്രഖ്യാപിച്ച്‌ പി.സി. ജോര്‍ജ് എം.എല്‍.എയുംരംഗത്ത്. സാമ്ബത്തിക പ്രതിസന്ധി തീരുന്നത് വരെ തനിക്ക് 30,000 രൂപ മാത്രം ശമ്ബളം മതിയെന്ന് പറഞ്ഞ പി.സി ജോര്‍ജ് സര്‍ക്കാരിന് നടപ്പാക്കാനായി പുതിയൊരു സാലറി ചലഞ്ചും മുന്നോട്ട് വചിരിക്കുകയാണ്. ഫേസ്ബുക്കില്‍ പങ്കുവച്ച വീഡിയോയിലൂടെയാണ് പിസി ജോർജ് പുതിയ ചലഞ്ച് മുന്നോട്ടുവച്ചത്.

ഈ മാസത്തെ ശമ്ബളം പൂര്‍ണമായും മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കുമെന്ന് അദ്ദേഹം പറഞ്ഞു. കേരളത്തില്‍ ജീവിക്കാന്‍ പ്രതിമാസം 30,000 രൂപ തന്നെ ധാരാളമാണ്. സംസ്ഥാനം ഇത്തരമൊരു സാമ്ബത്തിക പ്രതിസന്ധിയിലൂടെ കടന്നു പോകുമ്ബോള്‍ സര്‍ക്കാര്‍ ജീവനക്കാരുടെ ശമ്ബളം 30,000 രൂപയാക്കി ചുരുക്കണമെന്നും പി.സി. ജോര്‍ജ് പറയുന്നു.

ആരോഗ്യ വകുപ്പ്, പൊലീസ്, ഫയര്‍ ഫോഴ്സ്, വനം വകുപ്പ് എന്നിവരുടെ ശമ്ബളം വെട്ടിക്കുറയ്ക്കരുത്. മറ്റുള്ള വകുപ്പുകളിലെ ഉദ്യോഗസ്ഥരുടെ ശമ്ബളം കുറയ്ക്കണം. 30,000 രൂപയില്‍ കൂടുതല്‍ ഒരാള്‍ക്കും കൊടുക്കരുത്. പെന്‍ഷനും 25,000 രൂപയാക്കി ചുരുക്കണമെന്നും പി.സി ജോര്‍ജ് നിർദ്ദേശിക്കുന്നു.