കേരളത്തില്‍ സുരക്ഷിതൻ '; നാട്ടിലേക്ക് പോകാൻ വിസ നീട്ടിനല്‍കണമെന്ന് ആവശ്യപ്പെട്ട് അമേരിക്കന്‍ സംവിധായകന്‍ ടെറി ജോണ്‍ കോണ്‍വേര്‍സ് കോടതിയില്‍
കോവിഡ് ലോകമെമ്പാടും ദുരിതം വിതക്കുമ്പോൾ അന്യനാടുകളിൽ കുടുങ്ങിപോയവർ ജന്മാനാട്ടിലേക്കെത്തിച്ചേരാനായി തിരക്ക് കൂട്ടുന്നതിനിടെ അവസരത്തിൽ കേരളത്തില്‍ തന്നെ തുടരണമെന്ന ആഗ്രഹം പ്രകടിപ്പിച്ച്‌ അമേരിക്കന്‍ പൗരന്‍. സംവിധായകനും നാടകകൃത്തുമായ ടെറി ജോണ്‍ കോണ്‍വേര്‍സാണ് തനിക്ക് നാട്ടിലേക്ക് മടങ്ങിപ്പോകണ്ടയെന്നും കേരളത്തില്‍ താന്‍ സുരക്ഷിതനാണെന്നും പറയുന്നത്. ഇതിനായി ആറ് മാസത്തേയ്ക്ക് കൂടി വിസ നീട്ടിക്കിട്ടാന്‍ കേരള ഹൈക്കോടതിയെ സമീപിക്കാനുള്ള തീരുമാനത്തിലാണ് അദ്ദേഹം.
'അമേരിക്കയിലേതിനെക്കാള്‍ ഇന്ത്യയില്‍ സുരക്ഷിതനാണെന്ന് ഞാന്‍ വിശ്വസിക്കുന്നു' കോടതിയില്‍ നിന്ന് അനുകൂല വിധി സമ്ബാദിച്ചതിന് ശേഷം ടെറി ജോണ്‍ പറഞ്ഞു. ആറുമാസത്തേക്ക് കൂടി വിസ കാലാവധി ലഭിക്കണമെന്നാണ് ആഗ്രഹം. യുഎസില്‍ സ്ഥിതിഗതികള്‍ വളരെ മോശമായ അവസ്ഥയിലാണ്. വിസയുടെ കാലാവധി നീട്ടിക്കിട്ടിയാല്‍ ഇവിടെ തന്നെ തുടരാമല്ലോ. വൈറസിനെതിരെയുള്ള പ്രതിരോധ പ്രവര്‍ത്തനങ്ങളില്‍ ഇന്ത്യ ഏറെ മെച്ചപ്പെട്ട രീതിയിലാണ് പ്രവര്‍ത്തിക്കുന്നതെന്നും '- അദ്ദേഹം പറഞ്ഞു.
വാഷിങ്ടണ്‍ സ്റ്റേറ്റ് യൂണിവേഴ്സിറ്റിയിലെ തിയറ്റര്‍ വിഭാഗം പ്രൊഫസറാണ് ടെറി ജോണ്‍ കോണ്‍വേര്‍സ്. സംവിധാനം, സമകാലിക ലോക നാടകം, സ്ക്രിപ്റ്റ് അനാലിസിസ് എന്നിവയാണ് പഠിപ്പിക്കുന്നത്. കൊച്ചി പനമ്ബിളളി നഗറിലാണ് അദ്ദേഹം ഇപ്പോള്‍ താമസിക്കുന്നത്. കോവിഡ് പ്രതിരോധത്തിൽ കേരളം കാണിക്കുന്ന മാതൃകക്ക് ലോകമെമ്പാടും കയ്യടി ലഭിക്കുകയാണ്.
https://www.facebook.com/Malayalivartha
