കോവിഡ് സ്ഥിരീകരിച്ച്‌ മാധ്യമ പ്രവര്‍ത്തകന്റെ സമ്ബര്‍ക്കപ്പട്ടികയില്‍ എംഎല്‍എയും; ക്യാമറാമാന്‍ ഉള്‍പ്പെടെയുള്ള സഹപ്രവര്‍ത്തകരുടെ സാമ്ബിള്‍ പരിശോധനയ്ക്കായി എടുത്തു
കാസർഗോഡ് ജില്ലയില്‍ കോവിഡ് സ്ഥിരീകരിച്ച്‌ മാധ്യമ പ്രവര്‍ത്തകന്റെ സമ്ബര്‍ക്കപ്പട്ടികയില്‍ എംഎല്‍എയും ഉൾപ്പെടുന്നു. മഞ്ചേശ്വരം എംഎല്‍എ എംസി കമറുദ്ദീനാണ് മാധ്യമപ്രവര്‍ത്തകനുമായി സമ്ബര്‍ക്കം പുലര്‍ത്തിയവരുടെ പട്ടികയിലുള്ള ജനപ്രതിനിധി. ഈ മാസം 18ന് മാധ്യമപ്രവര്‍ത്തകന്‍ എംഎല്‍എയുമായി കൂടിക്കാഴ്ച നടത്തിയിരുന്നു. എംഎല്‍എ സ്രവ പരിശോധനയ്ക്കായി സാമ്ബിള്‍ നല്‍കി. ഈ സാഹചര്യത്തില്‍ വീട്ടില്‍ നിരീക്ഷണത്തില്‍ തുടരേണ്ടി വരും.
മാധ്യമപ്രവര്‍ത്തകന്‍ അഭിമുഖമെടുത്ത സാഹചര്യത്തില്‍ കാസര്‍കോട് കളക്ടര്‍ ഡി. സജിത് ബാബു നിരീക്ഷണത്തില്‍ പോയിരുന്നു. ഒമ്ബതുദിവസംമുമ്ബായിരുന്നു അഭിമുഖം. കളക്ടറുടെ രണ്ട് ഗണ്‍മാന്‍മാരും നിരീക്ഷണത്തിലാണ്. ദൃശ്യമാധ്യമപ്രവര്‍ത്തകന് കോവിഡ്19 സ്ഥിരീകരിച്ചതിനു പിന്നാലെ ഇദ്ദേഹവുമായി ബന്ധമുണ്ടാകാന്‍ സാധ്യതയുള്ള ബന്ധമുണ്ടാകാന്‍ ചിലരെ നിരീക്ഷണപ്പട്ടികയിലാക്കിയെന്ന് ആരോഗ്യവകുപ്പ് അറിയിച്ചിട്ടുണ്ട്.
മാധ്യമപ്രവര്‍ത്തകന്റെ ക്യാമറാമാന്‍ ഉള്‍പ്പെടെയുള്ള സഹപ്രവര്‍ത്തകരുടെ സാമ്ബിള്‍ പരിശോധനയ്ക്കായി എടുത്തിട്ടുണ്ടെന്ന് ഡെപ്യൂട്ടി ജില്ലാ മെഡിക്കല്‍ ഓഫീസര്‍ അറിയിച്ചു.
സംസ്ഥാനത്ത് ഇന്ന് രണ്ട് പേര്‍ക്ക് കൊവിഡ് സ്ഥിരീകരിച്ചു. മലപ്പുറത്തും കാസര്‍കോടുമാണ് ഇന്ന് ഓരോ കേസുകള്‍ പോസിറ്റീവായത്. ഇതില്‍ ഒരാള്‍ മഹാരാഷ്ട്രയില്‍ നിന്നും എത്തിയതാണ്, ഒരാള്‍ക്ക് സമ്പര്‍ക്കത്തിലൂടെയും രോഗം ലഭിച്ചു. ഇന്ന് പതിനാലു പേരാണ് സംസ്ഥാനത്തില്‍ രോഗമുക്തരായത്. പാലക്കാട് നാല്, കൊല്ലം മൂന്ന് കണ്ണൂര്‍, കാസര്‍കോട് രണ്ടുവീതം, പത്തനംതിട്ട, മലപ്പുറം, കോഴിക്കോട് ഓരോ ആള്‍ വീതവുമാണ് നെഗറ്റീവായത്.
https://www.facebook.com/Malayalivartha
