ഇൻസ്റ്റഗ്രാമിൽ കള്ളപ്പേരിൽ പ്രൊഫൈലുണ്ടാക്കുക പിന്നീട് അതുപയോഗിച്ച് പെൺകുട്ടികളുടെ ഫോട്ടോ ദുരുപയോഗം ചെയ്യുക ഈ പരാതികളിൽ അന്ന് താമരശേരിക്കടുത്ത് അമ്പായത്തോട് സ്വദേശി മജ്നാസ് (19) പോലീസ് അറസ്റ്റിലായത്. അഞ്ച് വ്യാജ അക്കൗണ്ടുകളാണ് ഇയാൾക്കുള്ളത്. മൂന്ന് വർഷം വരെ തടവ് ശിക്ഷ ലഭിക്കാവുന്ന ഐടി ആകട് പ്രകാരമാണ് പോലീസ് കേസെടുത്തിരുന്നത്

ഇപ്പോളിതാ വീണ്ടും സമൂഹമാധ്യമങ്ങള്‍ വഴി പെണ്‍കുട്ടികളെ മോശമായി ചിത്രീകരിക്കുകയും പ്രചരിപ്പിക്കുകയും ചെയ്തെന്ന പരാതിയില്‍ താമരശ്ശേരി അമ്ബായത്തോട് സ്വദേശി മജ്നാസിനെ പൊലീസ് വീണ്ടും അറസ്റ്റ് ചെയ്തു. പ്രായപൂര്‍ത്തിയാകാത്ത പെണ്‍കുട്ടിയുടെ ഫോട്ടോ മോശമായി ചിത്രീകരിച്ച്‌ അവര്‍ക്ക് തന്നെ അയച്ചുകൊടുക്കുകയാണ് പ്രതി ചെയ്തിരുന്നത്.

പൊലീസ് അറസ്റ്റ് ചെയ്ത പ്രതിയെ കോഴിക്കോട് പോക്സോ കോടതിയില്‍ ഹാജരാക്കി. 14 ദിവസത്തേക്ക് റിമാന്റ് ചെയ്ത ഇയാളെ തലശ്ശേരി ജയിലിലേക്കയച്ചു. സമാനസ്വഭാവമുള്ള മറ്റൊരു കേസില്‍ മജ്നാസിനെ നടക്കാവ് പൊലീസ് അറസ്റ്റു ചെയ്തിരുന്നു. പോക്സോ വകുപ്പ് ഇല്ലാത്തതിനാല്‍ ആ കേസില്‍ ജാമ്യം ലഭിച്ചിരുന്നു.

ഇൻസ്റ്റഗ്രാമിൽ നിന്ന് പെൺ കുട്ടികളുടെ ഫോട്ടോകൾ ഡൗൺലോഡ് ചെയ്ത് മോശമായ രീതിയിൽ ഉപയോഗിക്കുന്നതായാണ് പ്രതിക്കെതിരെയുള്ള പരാതികൾ. രണ്ടാഴ്ച മുൻപാണ് ഇത് സംബന്ധിച്ച് പരാതി ഉയർന്ന് വന്നത്. ഇക്കാര്യം പോലീസ് അന്വേഷിച്ചുവരുന്നതിനിടെ നടക്കാവ്, ബാലുശേരി സ്‌റ്റേഷനുകളിൽ ഇതുസംബന്ധിച്ച പരാതികൾ ലഭിച്ചു. ഏപ്രിൽ മൂന്നിന് ഇമെയിൽ വഴി ലഭിച്ച പരാതിയുടെ അടിസ്ഥാനത്തിൽ അന്വേഷണം തുടങ്ങിയ സൈബർ ഡോം നടക്കാവ് പോലീസുമായി ചേർന്ന് പ്രതിയെ പിടികൂടുകയായിരുന്നു.

ഇൻസ്റ്റാഗ്രാമിലെ പെൺകുട്ടികളുടെ ചിത്രങ്ങൾ എടുത്ത് അശ്ലീല കമന്റും പെൺകുട്ടിയുടെ ഇൻസ്റ്റഗ്രാം ലിങ്കും ചേർത്ത് പങ്കുവെക്കുകയാണ് പ്രതിയുടെ രീതി. ഈ ചിത്രങ്ങൾ സ്റ്റോറിയായി പോസ്റ്റ് ചെയ്ത് അത് പെൺകുട്ടികളെ അറിയിക്കുകയും ചെയ്യും. തുടർന്ന് ചിത്രം നീക്കം ചെയ്യണമെങ്കിൽ അശ്ലീല സംഭാഷണം നടത്തണമെന്ന് ഭീഷണിപ്പെടുത്തും. നഗ്‌ന ചിത്രങ്ങൾ അയച്ചുതരണമെന്ന് ആവശ്യപ്പെട്ടതായും പരാതിയുണ്ട്.

സമാനരീതിയിലുള്ള അക്കൗണ്ടുകൾ ഇനിയുമുണ്ടോ എന്ന കാര്യം ശാസ്ത്രീയമായി പരിശോധിച്ചുവരികയാണെന്ന് പോലീസ് അറിയിച്ചു. ഇത്തരം സംഭവങ്ങൾ ശ്രദ്ധയിൽപ്പെട്ടാൽ അക്കാര്യം പോലീസിനെ അറിയിക്കണം. നടക്കാവ് സിഐ അഷറഫ്, എസ്ഐ കൈലാസ്നാഥ്, സൈബർഡോം കോഴിക്കോട് സിഐ ശിവപ്രസാദ്, സിപിഒമാരായ അജീഷ്, സുജിത്, സൈബർ ക്രൈം പോലീസ് സ്റ്റേഷൻ എസ് സിപിഒ രഞ്ജിത്ത് ഒ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.